Hebrearbrevet

Hebrearbrevet er skrive på eit litterært avansert gresk, med eit rikt ordforråd og med ulike grep frå talekunsten. Argumentasjonen kan likne på diskusjonar i gresk filosofi, mellom anna slik ein finn det hos den jødiske filosofen Filon i Alexandria.

I og med at brevet har så få konkrete detaljar om tid og stad, er det vanskeleg å datere. Det er sitert i 1. Klemensbrev, som dei fleste daterer til år 96. Nokre meiner at Hebreerbrevet kan ha vore skrive før øydeleggjinga av tempelet i Jerusalem i år 70. Det kan derfor ha blitt til når som helst i tidsrommet 60-95 e. Kr.