Dagens Bibelord

10 Don geahčat eatnama beallái
          ja attát dasa arvvi,
          don dagat dan šattolažžan.
          Ipmila joga dievva lea čáhci.
          Don oaččut gortniid šaddat,
          don anát fuola eatnamis.
          
   
11 Don láktadat bealddu jorgunluottaid
          ja dásset jorgojuvvon eatnama,
          don dipmadat eatnama
          arveovttiiguin
          ja buressivdnidat dan šattuid.
          
   
12 Don kruvnnidat jagi
          buriid attáldagaiguin,
          šattolašvuohta vuohču du luottain.
          
   
13 Meahccegiettit runiidit,
          dievát gárvodit ávu.
          
   
14 Sávzaealut čiŋahit gittiid
          ja gordni gokčá legiid.
          Olbmot ávvudit ja lávlot.

Dagens bibelord finnes også som RSS i ordinær og kort utgave.