1 Til korleiaren. Ein salme av David.
2 Måtte Herren svara deg den dagen du er i naud!
Måtte namnet til Jakobs Gud verna deg.
3 Måtte han senda hjelp frå heilagdomen
og gje deg støtte frå Sion.
4 Måtte han minnast alle dine gåver
og ta imot ditt brennoffer. Sela
5 Måtte han gje deg det hjartet ditt ønskjer,
og oppfylla alle dine planar,
6 så vi kan jubla over di frelse
og lyfta banneret i vår Guds namn.
Måtte Herren oppfylla alle dine bøner!
7 No veit eg at Herren bergar den han har salva.
Han svarar han frå sin heilage himmel,
gjer storverk og frelser med si høgre hand.
8 Somme lit på vogner og somme på hestar,
vi lit på namnet til Herren vår Gud.
9 Dei sig i kne og fell,
men vi reiser oss og held oss rake.
10 Herre, frels!
Måtte kongen svara oss den dagen vi ropar.