34Av David, då han bar seg som galen hos Abimelek, så han vart jaga bort og gjekk sin veg.

    2 א Eg vil velsigna Herren til alle tider,
          alltid lovsyngja han med min munn.

    3 ב Eg er stolt over Herren,
          lat dei hjelpelause høyra det og vera glade.

    4 ג Pris Herren saman med meg,
          lat oss æra hans namn!

    5 ד Eg søkte Herren, og han svara meg,
          frå alt som skremde, berga han meg.

    6 ה Vend blikket mot han og strål av glede,
          så skal de aldri raudna av skam!

    7 ז Den hjelpelause ropa, og Herren høyrde,
          han frelste han frå alle trengsler.

    8 ח Herrens engel slår leir
          rundt dei som ottast han.
          Han friar dei ut.

    9 ט Smak og sjå at Herren er god!
          Sæl er den som søkjer tilflukt hos han.

    10 י Frykt Herren, de hans heilage!
          Dei som ottast han, lid inga naud.

    11 כ Unge løver lid naud og svelt;
          men dei som søkjer Herren,
          manglar aldri det som godt er.

    12 ל Kom hit, born, høyr på meg!
          Eg vil læra dykk frykt for Herren.

    13 מ Er du ein som har glede av livet,
          som elskar å sjå gode dagar?

    14 נ Hald då tunga borte frå det som er vondt,
          og leppene borte frå svikefull tale.

    15 ס Vend deg bort frå det vonde og gjer det gode.
          Søk fred og jag etter han!

    16 ע Herrens auge følgjer dei rettferdige,
          hans øyre høyrer deira rop.

    17 פ Herrens andlet er vendt mot dei som gjer det vonde,
          han skal utrydda minnet om dei frå jorda.

    18 צ Dei rettferdige ropar, og Herren høyrer,
          han bergar dei ut or alle trengsler.

    19 ק Herren er nær hos dei som har eit sundbrote hjarte,
          han frelser dei som har ei knust ånd.

    20 ר Mange ulukker rammar den rettferdige,
          men Herren friar han ut av dei alle.

    21 ש Han tek vare på kvart bein i hans kropp,
          ikkje eitt av dei skal brytast.

    22 ת Ulukke drep den lovlause,
          dei som hatar den rettferdige, blir straffa.

    23 Men Herren bergar livet til sine tenarar,
          ingen som søkjer tilflukt hos han, blir straffa.

< Forrige kapittel

Neste kapittel >

17. mai 2022

Dagens bibelord

Lukas 17,11–19

Les i nettbibelen

11På reisen til Jerusalem dro Jesus gjennom grenselandet mellom Samaria og Galilea. 12Da han var på vei inn i en landsby, kom ti spedalske menn imot ham. De ble stående langt unna 13og ropte: «Jesus, mester, ha barmhjertighet med oss!» ... Vis hele teksten

Les vår personvernserklæring

Hopp rett til

Salmane

Dagens bibelord

Motta Dagens Bibelord på e-post hver dag