Sámi vahku – Beaivi 4

Lohkat Biibbala ja jurddašit ja guorahallat maid teaksta cealká, dat addá eallima, eallinmovtta ja doaivvu. Nu oskkun dasgo profehta Jeremia dadjá: Mun attán didjiide boahtteáiggi ja doaivvu. Rohkosbottus oažžut mii bidjat eallima Ipmila ovdii, su háldui, ja mii oažžut vuostáiváldit eallima attáldahkan Ipmilis, ja dovdat dorvvolašvuođa go min eallin geahččaluvvo.

Bildebanner med teksten "Sámi vahku biibballohkamat" og "fem dager"

Njealját beaivi

Jaskatvuohta ja rohkadallan

Oza vuos jaskatvuođa, stuolus dahje seaŋggas, olgun dahje viesus. Go ráhkkanat rohkosboddui, de rohkadala ahte Bassi Vuoigŋa rabašii Ipmila sáni dutnje. Sáhtát rohkadallat Jesus-rohkadusa:

Hearrá Jesus Kristus, Ipmila Bárdni. Árpmit mu, suttolačča.

Biibballohkan

Loga dasto beaivvi teavstta, mii lea 2 Mos 34,27-35.

son čálii távvaliidda lihtu eavttuid, dan logi báhkkoma.

Loga Biibbalis

2. Mosesgirji 34,27-35

Les i nettbibelen.

27Hearrá celkkii Mosesii: “Čále muitui dáid gohččumiid, danne go dat leat dan lihtu eavttut maid mun dahken duinna ja Israeliin.” 28Moses lei Hearrá luhtte njealljelogi beaivvi ja njealljelogi ija borakeahttá ja jugakeahttá. Ja son čálii távvaliidda lihtu eavttuid, dan logi báhkkoma. 29Go Moses njiejai Sinaiváris gieđas guktot lihtutávvalat, de su muođut báite, danin go son lei sárdnon Hearráin. Son ieš ii diehtán dan, 30muhto go Aron ja buot israellaččat oidne Mosesa muođuid báitimin, de sii balle mannamis su ovddal. 31Dalle Moses rávkkai sin, ja Aron ja buot searvegotti oaivámuččat bohte su lusa, ja Moses sártnui singuin. 32Go israellaččat ledje boahtán lagabui, ja Moses almmuhii sidjiide báhkkomiid maid Hearrá lei addán sutnje Sinaiváris. 33Go Moses heittii sárdnumis sidjiide, de son govččai muođuidis. 34Álo go Moses manai Hearrá muođuid ovdii sárdnut suinna, de son válddii gokčasa eret iige atnán dan, ovdal go bođii fas olggos. Go son lei boahtán israellaččaid lusa, de son sártnui dan maid Hearrá lei gohččon. 35Dalle israellaččat oidne Mosesa muođuid báitimin. De Moses govččai fas muođuidis ja válddii gokčasa eret easkka go manai sárdnut Hearráin.

Jurddašaddan ja teavstta guorahallan

De jurddaš ja guorahala teavstta.

Dát moadde sáni teavstta álggus, leat jáhkkimis guovddáš ášši dán teavsttas: Hearrá celkkii Mosesii: “Čále muitui dáid gohččumiid. Ja teaksta addá vel Ipmila ákkáid gohččut ná: dat leat dan lihtu eavttut maid mun dahken duinna ja Israeliin.

Teaksta cealká Mosesa birra ahte son sártnui dan maid Hearrá lei gohččon. Seammáláhkái go Hearrá lea gohččon duohta profehtaid, apostaliid ja vihtaniid agálaččat dahkat.

Otná teavstta duogáš lea ahte Ipmil lea ovddit kapihttalis lohpidan leat Israela mielde, Mosesii son dajai: ieš manan din mielde» ja vel «don leat gávdnan árpmu mu čalmmiin, ja mun dovddan du.” (2 Mos 33,14-17)

(Boares Bibal jorgala «Mu ámadadju galgá mannat mielde» ja nu das lea oktavuohta buressivnádusain, gos dadjojuvvo : “Hearrá divttášii su muoðuidis čuovgat du badjelii ja livččii dutnje árbmugas. Hearrá bajidivččii su čalmmiidis du ala ja attášii dutnje ráfi”. Go Hearrá ámadadju(su muođut) lea min mielde, ja go su čalmmit čuvvot min; de dat máksá ahte Hearrá ieš lea min mielde.)

Vissásit leat maiddái don doloža lihttovierut Gaska-Nuorttas váikkuhan daidda sániide mat adnojit vel odne ge.

Soaittát háliideame lohkat eará teavsttaid, mat bajásčuvgeše oaiveteavstta ulbmila. Biibbala čilgehusoasis lea čilgejuvvon:

“Lihttu lei boares semihtalaš áddejumi mielde buot oktavuođaid ja servvodateallima vuođđu. Lihttu lei bassi šiehtadus mas goappašiid beliin ledje vuoigatvuođat ja geatnegasvuođat.” (Gč 1 Mos 26,28 eč ja 31,44eč).

Eará teavsttat leat

14Hearrá celkkii: “Mun ieš manan din mielde, ja mun attán du boahtit vuoiŋŋadussii.” 15Moses dajai: “Ale doalvvo min dáppe eret, jos ieš it mana min mielde! 16Aiddo das ahte don leat min mielde, lea oaidnimis du árbmu mu ja du álbmoga guovdu, nu ahte du álbmot šaddá erenoamážeabbon go buot eará álbmogat eatnama alde.” 17Hearrá vástidii Mosesii: “Mun dagan maid don bivddát, dasgo don leat gávdnan árpmu mu čalmmiin, ja mun dovddan du.”

Les i nettbibelen

28Sii vástidedje: “Mii leat oaidnán ahte Hearrá lea duinna. Dan dihte mii árvaleimmet ahte don ja mii galggašeimmet vuordnut váli guhtet guoibmáseamet. Daga minguin lihtu

Les i nettbibelen

44Dahkku dál lihtu, mun ja don! Lehkos dat duođašteaddji mu ja du gaskkas.”

Les i nettbibelen

Giittosrohkos

Ráhkes Áhčči, Mun giittán du
Go don leat mu lahka
Don leat mu čuovga
Ja mun lean du hálddus. Amen

Buressivdnádus

Hearrá buressivdnidivččii du ja várjalivččii du.
Hearrá čuvgešii muođuidis dutnje ja livččii dutnje árbmugas.
Hearrá jorgalivččii čalmmiidis du ala ja attášii dutnje ráfi.

Sálbmavearsa sáhttá loahpahit du bottu, nu go omd.
Mu báimman Hearrá Ipmil lea, ii vaillo mihkkege.
Son fámu addá, láide mu, daid ruonas gittiide.


Sg II 467

Skjermbilde 2021 01 25 kl 12 42 33