Ukraina flaggRedder Bibelen liv i Ukraina?
Finn ut mer
Gå til forsiden

Paulusa vuosttaš girji Timoteusii

2

Ávžžuhus eallit kristtalaš eallima

1 Mun neavvun din ovddimustá átnut, rohkadallat, doallat ovddasrohkadusaid ja giitit buot olbmuid ovddas, 2 gonagasaid ja buot daid ovddas geain lea váldi, vai mii oažžut eallit jaskes ja ráfálaš eallima, juohke dáfus vuoiggalaččat ja gutnálaččat. 3 Dákkár rohkadus lea vuoigat ja dohkálaš Ipmilii, min beastái, 4 guhte dáhttu ahte buot olbmot bestojuvvojit ja bohtet dovdat duohtavuođa. 5 Ipmil lea okta, ja okta lea gaskaolmmái Ipmila ja olbmuid gaskkas, olmmoš Kristus Jesus. 6 Son attii iežas lonisin buohkaid ovddas, duođaštussan Ipmila áigumušas, go áigi lei dievvan. 7 Dán sága sárdnideaddjin ja apostalin mun lean biddjojuvvon. Mun sártnun duođa, mun in gielis. Mun lean biddjojuvvon báhkiniid oahpaheaddjin, oahpahit sidjiide oskku ja duohtavuođa.

8 Mun dáhtun ahte go olbmát rohkadallet, de sii juohke sajis bajidit gieđaid rohkadussii buhtis mielain, almmá vaši ja eahpádusa haga. 9 Seammá láhkái mun dáhtun ahte nissoniid čikŋan lea gutnálaš, viivvolaš ja vuollegis eallin, eai bárggaldagat, gollečiŋat, bearralat eaige divrras biktasat, 10 muhto buorit dagut, nugo heive nissoniidda geat dovddastit bálvalit Ipmila.

11 Nisson galgá guldalit oahpahusa, jaskadit ja vuollegažžan. 12 Mun in suova ahte nisson oahpaha inge dan ahte son mearrida olbmá; son galgá eallit jaskatvuođas. 13 Adamhan sivdniduvvui vuohččan ja dasto Eva, 14 iige Adam beahtahallan, muhto nisson beahtahalai ja rihkui báhkkoma. 15 Muhto mánáid riegádahttin son bestojuvvo, jos eallá oskkus, ráhkisvuođas ja bassivuođas.

Les vår personvernserklæring
Skjemaet er beskyttet av reCAPTCHA og Googles Privacy Policy og Terms of Service gjelder.