Iran: Kristne ønsker nytestamenter
Gi sammenEt NT koster 33 kroner
Gå til forsiden

Jesaja

31

Ii Egypta, muhto Hearrá

1 Vuoi daid geat mannet

Egyptii ohcat veahki!

Sii dorvvastit heasttaide,

sii luhttet vovnnaid eatnatvuhtii

ja vovdnaolbmáid stuorra jovkui.

Israela Basi beallái sii eai jorgal,

eai sii bivdde veahki Hearrás.

2 Muhto Hearrá lea viissis.

Son diktá lihkuhisvuođa boahtit

iige rievdat dan maid lea cealkán.

Son soahttá bahádahkkiid

čuovvuleddjiiguin

ja daiguin geat veahkehit vearredahkkiid.

3 Egyptalaččat leat olbmot eaige ipmilat,

sin heasttat leat oažži eaige vuoigŋa.

Go Hearrá bajida gieđa,

de suoibu dat gii galggašii veahkehit,

ja gahččá dat gii bivddii veahki.

Oktanaga dat duššet.


4 Ná Hearrá lea cealkán munnje:

Nugo ledjon harrá sállaša guoras

iige ballá háikasiin,

ii náđo go guođuheaddjit bohtet huikki,

nu lea Hearrá, Almmiveagaid Ipmil,

go son njiedjá soahtat Sionvári vuostái,

Siona aláža vuostái.


5 Nugo sattáhalli loddi

várjala Hearrá, Almmiveagaid Ipmil,

Jerusalema,

várjala ja veahkeha,

seastá ja gádju.


6 Jorgalehket su beallái gean luhtte dii, Israela mánát, lehpet vádjolan nu guhkás! 7 Dan beaivvi dii buohkat hilgubehtet silbaipmiliiddádet ja golleipmiliiddádet maid dii suddudemiin ráhkadeiddet alcceseattet.


8 Assyria gahččá miehkkái,

muhto ii fal olbmá miehkkái.

Dan heavaha miehkki

maid olmmoš ii doala.

Dat báhtara miehkis,

dan nuorra olbmát

gártet bággobargui.

9 Dan bákti roahppána balus,

dan oaivámuččat báhtarit

soahteleavgga luhtte.

Ná cealká Hearrá

geas lea dolla Sionis,

son geas lea áhcagas omman

Jerusalemis.

Les vår personvernserklæring
Skjemaet er beskyttet av reCAPTCHA og Googles Privacy Policy og Terms of Service gjelder.