Stor bibelmangel i Venezuela
Gi sammenEn Bibel koster 49 kroner
Gå til forsiden

Jeremia

45

Hearrá lohpádus Barukii

1 Dáid sániid profehta Jeremia sártnui Barukii, Neria bárdnái, Juda gonagasa Jojakima, Jošia bártni, njealját ráđđenjagi. Baruk čálii daid girjái Jeremia sánuheami mielde. 2 Ná cealká Hearrá, Israela Ipmil, du birra, Baruk: 3 Don dajat: “Vuoi mu! Hearrá lasiha bákčasa mu gihpui. Mun lean váiban šuohkkimis, mun in gávnna mášu.” 4 Mun, Hearrá, gohčun Jeremia dadjat dutnje ná: Dan maid lean huksen, mun gaikkodan, daid maid lean ceggen, mun gaikkun eret; dát guoská oppa eatnamii. 5 Don bivddát stuorra áššiid! Ale bivdde, danin go mun, Hearrá, divttán oasehisvuođa deaividit buot olbmuid. Muhto du mun divttán bissut heakkas, gosa ihkinassii manažat.

Les vår personvernserklæring
Skjemaet er beskyttet av reCAPTCHA og Googles Privacy Policy og Terms of Service gjelder.