Ukraina flaggRedder Bibelen liv i Ukraina?
Finn ut mer
Gå til forsiden

Sálmmaid girji

148

Sálbma 148

1 Halleluja!

Máidnot Hearrá, dii geat lehpet almmis,

máidnot su allagasas!

2 Máidnot su, buot su eŋgelat,

máinno su, oppa almmi veahka!

3 Máidnot su, beaivváš ja mánnu,

máidnot su, čuovgi násttit!

4 Máidnot su, almmiid almmit

ja čázit almmi gomuvuođa badjelis!

5 Máidnoset dat Hearrá nama,

dasgo son gohčui, ja dat sivdniduvvojedje.

6 Son bijai daid sadjáseaset agálaš áigái,

son mearridii daidda lágaid mat eai lihkkas.


7 Máidnot Hearrá eatnama alde,

mearraeallit ja meara čiekŋalasat,

8 dolla ja čuorbmasat, muohta ja mierká,

don riđđu mii doaimmahat su sáni,

9 várit ja dievát,

šattosmuorat ja sederat,

10 meahcispiret ja šibihat,

njoammut ja almmi lottit,

11 buot eatnama gonagasat ja álbmogat,

buot dan oaivámuččat ja duopmárat,

12 nuorra olbmát ja nieiddat,

boarrásat ja nuorat!

13 Máidnoset buot dat Hearrá nama,

dasgo aivve su namma lea aliduvvon,

su allatvuohta lea almmi ja eatnama badjel.

14 Son lea dahkan álbmogis fámolažžan,

gudnin buot su ipmilbalolaččaide,

Israelii, dan álbmogii mii lea su lahka.

Halleluja!

Les vår personvernserklæring
Skjemaet er beskyttet av reCAPTCHA og Googles Privacy Policy og Terms of Service gjelder.