Stor bibelmangel i Venezuela
Gi sammenEn Bibel koster 49 kroner
Gå til forsiden

Sálmmaid girji

95

Sálbma 95

1 Bohtet, ávvudehkot Hearrá,

máidnot ja rámidehkot

min bestojumi bávtti!

2 Loaiddastehkot

su muođuid ovdii giitosiin,

rámidehkot su lávlumiin ja čuojahemiin!

3 Hearrá lea stuorra Ipmil,

buot ipmiliid alla gonagas.

4 Sus lea eatnama čiekŋalas gieđas,

váriid čohkat gullet sutnje.

5 Mearra lea su,

son lea sivdnidan dan,

su gieđat leat hábmen goikása.

6 Bohtet, luoitádehkot eatnamii,

sodjalahttot čippiid Hearrá,

min sivdnideaddji, ovdii.

7 Son lea min Ipmil

ja mii leat su álbmot,

dat eallu maid son geahččá.


Vare dii odne guldalivččiidet su jiena!

8 “Allet buoššut váimmu

dego Meriba luhtte,

nugo meahcis Massa guoras dan beaivvi

9 go din áhčit geahččaledje mu.

Sii geahččaledje mu

vaikko ledje oaidnán

maid mun ledjen dahkan.

10 Njealljelogi jagi mun fasttášin dan soga,

danin go mun oidnen mo sii čádjidit,

go eai dovdan mu geainnuid.

11 Dalle mun vurdnon moaristan:

‘Sii eai goassege beasa

dan vuoiŋŋadanbáikái

maid mun lean sidjiide lohpidan.’”

Les vår personvernserklæring
Skjemaet er beskyttet av reCAPTCHA og Googles Privacy Policy og Terms of Service gjelder.