Stor bibelmangel i Venezuela
Gi sammenEn Bibel koster 49 kroner
Gå til forsiden

Sakarja

5

Guđát oainnáhus: Girdi girjegearru

1 Go mun fas geahčastin, de mun oidnen girdi girjegearu. 2 Eŋgel jearai mus: “Maid don oainnát?” Mun vástidin: “Mun oainnán girdi girjegearu, mii lea guoktelogi állana guhku ja logi állana govddu.” 3 Son celkkii: “Dát lea garuhus mii manná miehtá eatnama. Ilá guhká leat suollagat báhcán ráŋggáškeahttá, ja guhká leat báhcán ráŋggáškeahttá maiddái dat geat vurdnot vearreváli. 4 Mun lean vuolggahan garuhusa, cealká Hearrá, Almmiveagaid Ipmil, vai dat boahtá suollaga vissui ja dan vissui gii vuordnu vearreváli mu nammii. Dat ássá dohko ja billista oppa viesu, sihke muorraráhkkanasaid ja geđggiid.”

Čihččet oainnáhus: Nisson gordnefárpalis

5 Eŋgel guhte sártnui muinna, bođii mu lusa ja celkkii: “Geahča maid dál beasat oaidnit.” 6 Mun jerren: “Mii dat lea?” Son vástidii: “Dat lea gordnefárppal, efamihttu.” Son celkkii vel: “Dát lea oppa eatnama suddovealgi.”

7 De gordnefárpala ladjolohkki loktanii, ja fárpalis čohkkái nisson. 8 “Dát lea lágahisvuohta,” eŋgel celkkii. Son hoigadii nissona ruoktot gordnefárpalii ja bijai ladjolohki fárpala ala. 9 De mun oidnen guovtti nissona lahkoneamen. Sudnos ledje soaját dego stoarkasoaját, ja biegga lei sudno soajáin. Soai bajideigga gordnefárpala bajás albmái. 10 Mun jerren eŋgelis guhte sártnui muinna: “Gosa soai doalvuba gordnefárpala?” 11 Son vástidii: “Sineara eatnamii. Dohko soai hukseba nissonii tempela, ja go dat gárvána, de efamihttu biddjojuvvo dohko sadjásis.”

Les vår personvernserklæring
Skjemaet er beskyttet av reCAPTCHA og Googles Privacy Policy og Terms of Service gjelder.