Sálbma 113
1 Halleluja!
Máidnot Hearrá, su bálvaleaddjit,
máidnot Hearrá nama!
2 Hearrá namma lehkos máidnojuvvon
dál ja gitta agálaš áigái!
3 Beaivváža badjáneami rájes
dan luoitádeami rádjái
lehkos Hearrá namma máidnojuvvon!
4 Hearrá lea allat,
buot álbmogiid gonagas,
su hearvásvuohta badjána alibun go albmi.
5 Gii lea Hearrá, min Ipmila, veardásaš?
Son čohkká truvnnustis allagasas
6 muhto oaidná vulos eatnama čiekŋalassii.
Ii almmis iige eatnama alde
leat su veardásaš!
7 Son čuoččáldahttá vártnuheami gunas,
son bajida geafi rábáhis
8 ja diktá su čohkánit stuorráid searvái,
iežas álbmoga oaivámuččaid báldii.
9 Son addá šattohis nissonii ruovttu,
addá sutnje mánáid ja eadnivuođa ilu.
Halleluja!
