Hopp rett til
Kirkeårets teksterDagens bibelord
Tegnforklaringer
Bibelleseplaner
Kjøp Bibelen
Bibelsøk
Søk
 |
 |
 |
| Hvor finner jeg... |
.
Paulusa girjje Kolossaia ristagisájda
1 2 3 4| Neste kapittel > |
Varrudagá 1Paulusis, Kristus Jesusa apostelis Jubmela sidoda baktu, 2 ja Timoteosvieljastimme Kolossaia ájllisijda, mijá vieljajda Kristusij jáhkkemin. Ármmo ja ráfe Jubmelis, Áhtjestimme. Jubmelij gijtto tjoaggulvisá jáhkos 3 Gijttep agev Jubmelav, mijá härrá Jesus Kristusa Áhtjev, juohkka bále gå dijá åvdås råhkådallap, 4 danen gå gullam lip dijá jáhko birra Jesus Kristusij ja dijá gieresvuoda birra gájkka ájllisijda, 5 dan doajvon mij dijáv almen vuorddá. Dan doajvo birra lihpit åvddåla gullam sádnesvuoda bágoj, evangeliuma baktu, 6 mij didjij boahtám le. Nåv gåktu evangelium sjattojt vaddá ja åvddån åbbå väráldin; le dijá lunna aj sjaddam gitta dat biejve rájes gå vuostasj bále dav gulájda ja diedov oattjojda Jubmela ármo birra gåk duodaj le. 7 Dav åhpajda Epafrasas, mijá gieres barggoguojmes, guhti didjij buoremussan le Kristusa åskåldis dievnár. 8 Sån le midjij giehttum gieresvuoda birra, mij dijá Vuojŋŋanisán le. Råhkålvis tjoaggulvisá åvdås. Såbadus Kristusa baktu 9 Dat biejve rájes gå dáv gulájma, lip dijá åvdås aktelasj råhkådallam. Råhkådallap vaj diedojt Jubmela sidoda birra boandásláhkáj oadtjobihtit, gájkajn vuojŋŋalasj vijsesvuodajn ja dádjadusájn, 10 vaj máhttebihtit Härráj árvvogissan viessot ja juohkkaláhkáj suv miela milta gájklágásj buorijt dahkat gå sjattojt sjaddadihpit ja diedo Jubmela birra lassáni. 11 Suv herlukvuoda fábmo dijáv juohkkaláhkáj gievrrot vaj agev ávujn sávre ja gierddisa lihpit. 12 Gijttit Áhtjev, guhti dijáv árvvogissan dagáj oasev åttjutjit árbes, mij ájllisijt tjuovga sinna vuorddá. 13 Mijáv le sjievnnjeda fámos gádjum ja bárnnegärrása rijkkaj doalvvum, 14 ja Bárne baktu lip lånestuvvam ja mijá sutto li ándagis luojteduvvam. 15 Sån le vuojnnemahtes Jubmela gåvvå, åbbå sjivnnjádusá vuostasjriegádiddje, 16 danen gå suv baktu gájkka almen ja ednamin sjivnnjeduváj, mij vuojnnu ja mij ij vuojnnu, tråvnå ja härrávielde, ráddijiddje ja fámo; gájkka le suv baktu ja sunji sjivnnjeduvvam. 17 Sån le gájka åvddåla, ja suv sinna gájkka bissu. 18 Ja sån le rubmaha oajvve, tjoaggulvisá oajvve. Sån le álggo, jábbmegijs vuostasjriegádiddje juohkka sajen åvdemussan, 19 danen gå Jubmel mierredij gájkka dievasvuodav suv lunna årrot 20 ja suv baktu gájkka ednamin ja almen såbadit gå suv varájn ruossan ráfev ásadij. 21 22 dijáv le dal aj ietjajnis såbadam dan baktu gå Kristus jábmemav oadtjelasj rubmahijnes gierdaj. Dijáv suovvá ietjas åvddåj låjdåstit, ájllisin, vigedibmen ja lájtodibmen, 23 jus jáhkuda anodihpit nanos vuodon ja ehpit svahkasta doajvos, man birra evangeliumis gulájda sárnneduvvam gájkka sjivnnjádussaj alme vuolen ja man dievnárin mån, Paulus, lev sjaddam. Paulus tjoaggulvisá diehti gierddá ietjas vidnon 24 Ávvudaláv dal gå dijá diehti gierdav. Mij ájn Kristusa gierddamusájs fájllu, oattjenam gierdav suv rubmaha diehti, mij le tjoaggulvis. 25 Dan dievnárin lev sjaddam, gåhttjoma milta mav Jubmelis dijá diehti lev oadtjum: Jubmela bágov ållidittjat. 26 Dát tjiegosvuohta lij tjiehkusin ájgij milta gájkka buolvajda, valla suv ájllisijda dal bigoduváj. 27 Jubmel sidáj sidjij diededit man herlugis boanndudahka hiednigijn dán tjiegosvuodan le: Kristus le diján, herlukvuoda doajvvo. 28 Suv sárnnedip gájkka almatjijt bagáda ja sijájt gájkajn vijsesvuodajn åhpada, vaj gájkajt ållessjattugin Kristusin máhttep åvddåj buktet. 29 Dán diehti bargav ja oajbov fámujn, mav fábmogisát le biedjam muv sinna bargatjit. |
| Neste kapittel > |
Lukk X
Her kan registrerte brukere snart lagre egne kommentarer på det valgte verset.
Nå lager vi ny nettbibel
Nettbibelen blir ny høsten 2023. Vi ruller ut nye funksjoner fortløpende, og trenger din hjelp til å teste og gi tilbakemelding.
Test på beta.bibel.no