Rohkelassh åålmegen dïehre
9 Dehtie biejjeste gosse dam åadtjoejimh govledh, iktesth dijjen åvteste rohkelamme. Rohkelibie dijjieh galkede daajrojne Jupmelen syjhtehtassen bïjre dïevedh jïh gaajhkem vijsiesvoetem jïh jiermiem åadtjodh. 10 Dellie Åejvien earose jielede jïh altese aavose gaajhki hijven dahkoejgujmie jielede gosse dijjieh hijven dahkoeh eevtjede jïh dijjen daajroe Jupmelen bïjre stuerebe sjædta. 11 Jupmelen hearlohkevoeten faamoe dijjem stinkede guktie iktesth aavojne gaarsjehke jïh vïssjele lidie. Aavojne 12 galkede Jupmelem gijhtedh juktie dijjem vyörtege dorjeme eerpedh dam maam aejlies almetjh tjoevkesne vuertieminie. 13 Mijjem jemhkelds faamoej luvhtie gorredamme jïh jïjtse gieries Baernien rïjhkese vaedtsiehtamme. 14 Baernien gielhtie libie lutniestovveme jïh sådtojste luajhtasovveme.
Baernie raeffiem vadta
15 Baernie tjeakoes lea Jupmelen plïeresnejïh reakadi aerebe goh gaajhke sjugniedovvi.16 Gaajhkem elmierïjhkesne jïh eatnamisniealtasinie sjugniedamme.Gaajhke mij vååjnoe jïh mij ij vååjnh,åvtehkh jïh faamoeladtjh,faamoeh jïh voejkenh,gaajhkem altasinie dovne altasasse sjugniedamme.17 Voestemes lea,jïh gaajhke altese åelesne.18 Redtien åejjie lea, jïh gærhkoe redtine lea.Aalkovistie leajïh voestes-reakadamme jaemiedistie.Dellie eeremes åvtehkinie lea.19 Jupmele jïjtse elliesvoetem altasasse vedtieji.20 Jupmele altese gielhtie gaajhkine latjkaji,gaajhkine mij eatnamisnie jïh elmierïjhkesnegosse kroessese vertieji jïh raeffiem böökti.21 Dijjieh aaj ammes, jïh nåake dåemiedidh gosse væssjojes lidh. 22 Gosse Kristuse goh almetje kroessese jeemi, dellie Jupmele dijjine latjkaji. Dijjem baaja jïjtse uvte aejlies jïh gåartijes tjåadtjodh jïh laejhtemen namhtah. 23 Jaehkede Jupmielasse jïh tjåadtjode stynkehke. Aellede håhkoem laehpieh, håhkoem maam åadtjoejidh gosse vaentjelem govlidh! Gaajhkh mah sjugniedovveme jïh elmien nuelesne, dam govleme. Manne, Pöövle, altese deanarinie sjïdteme.
Vaejvie jïh gaagkestimmie åålmegen åvteste
24 Daelie aavodem mov vaejveste dijjen gaavhtan. Dam maam Kristusen vaajvan fååtese, dam mov åedtjie lissine vaejvede altese åedtjien åvteste, mij gærhkoe lea. 25 Daelie gærhkoen deanarinie leam juktie Jupmele mannem raajeme dijjen gaavhtan Jupmelen baakoem ållesth saerniedidh. 26 Dïhte mysterijume ihkuve aejkeste gaajhkide boelvide tjeakoes orreme. Mohte daelie dam jïjtse aejlieskodtjide dååjrehtamme. 27 Jupmele sæjhta dah edtjieh daejredh man stoere vierhtie daate mysterijume jeatjah-jaahkoeladtjide: Daelie Kristuse dijjen luvnie – hearlohkevoeten håhkoe! 28 Kristusem saerniedibie jïh gaajhkesidie almetjidie bïhkedibie jïh gaajhkine vijsiesvoetine ööhpehtibie guktie gaajhkesh Kristusinie geerve sjidtieh. 29 Dannasinie barkem jïh rååjvarostem altese faamojne mij mannesne veaksehke.