Nyhet! Tidslinjen - 52 gjenfortalte bibelfortellinger med illustrasjoner og lyd.

Bibelsøk

Søk
Velg oversettelse
Hvor finner jeg...

.

Tilbake til oversikten

Hosea

1 2 3 4 5 6 7 8 9 10 11 12 13 14

Forrige kapittelNeste kapittel

Den tredje dagen
6Kom, lat oss venda om til Herren!
          For han reiv sund, men vil gjera oss friske,
          han slo, men vil forbinda oss.
          
   
 2 Han gjer oss levande etter to dagar,
          den tredje dagen reiser han oss opp,
          så vi kan leva for hans andlet.
          
   
 3 Lat oss læra å kjenna Herren,
          lat oss jaga etter å kjenna han!
          Sikkert som soloppgangen kjem han,
          han kjem til oss lik regnet,
          lik vårregnet som væter jorda.

Kva skal eg gjera med deg?
     4 Kva skal eg gjera med deg, Efraim?
          Kva skal eg gjera med deg, Juda?
          Kjærleiken dykkar er som ei morgonsky,
          lik dogg som tidleg blir borte.
          
   
 5 Difor har eg hogge dei ned ved profetane,
          drepe dei med ord frå min munn.
          Min dom skal gå opp som lyset.
          
   
 6 For eg vil ha kjærleik, ikkje slaktoffer,
          gudskjennskap framfor brennoffer.
          
   
 7 Dei braut pakta i Adam,
          der var dei trulause mot meg.
          
   
 8 Gilead er ein forbrytarby,
          full av blodspor.
          
   
 9 Presteflokken liknar røvarar
          som ventar på folk,
          dei myrdar på vegen til Sikem.
          Ja, skamlaus gjerning har dei gjort.
          
   
10 I Israels hus har eg sett grufulle ting,
          der driv Efraim hor,
          der gjer Israel seg urein.
          
   
11 Også for deg, Juda,
          er det fastsett ein haust.

Israel sviktar
          Når eg vender lagnaden for mitt folk,
Hos 6,1 viser til Job 5,18+
Note: Adam: tyder «menneske». Det er nytta som personnamn t.d. i 1 Mos 5,3 og som stadnamn i Jos 3,16.
Forrige kapittelNeste kapittel

17. september 2021

Dagens Bibelord

Job 19,21–27

Les i nettbibelen

21Spar meg, ja, spar meg, vener! For Guds hand har rørt ved meg. 22Kvifor jagar de meg slik også Gud gjer? Blir de aldri mette av mitt kjøt? 23Om berre mine ord vart skrivne ned, om dei vart innførte i ein bokrull, ... Vis hele teksten

21Spar meg, ja, spar meg, vener! For Guds hand har rørt ved meg. 22Kvifor jagar de meg slik også Gud gjer? Blir de aldri mette av mitt kjøt? 23Om berre mine ord vart skrivne ned, om dei vart innførte i ein bokrull, 24forma med griffel av jern og med bly, rissa i stein for alltid! 25Eg veit at min utløysar lever. Som den siste skal han stå fram i støvet. 26Når huda er riven av meg og kjøtet er borte, skal eg sjå Gud. 27Mine auge ser, det er eg som får sjå han, ikkje ein framand. Mitt indre fortærest av lengsel!