Moab duššá
15Sátni Moaba hárrái.
          Heavahusa ija Ar-Moab
          duššaduvvui.
          Duođaid, heavahusa ija Kir-Moab
          duššaduvvui.

    2 Dibona olbmot mannet
          oaffarbáikkiide čierrut.
          Nebos ja Medebas gullo moablaččaid áŋken.
          Juohkehačča oaivečohkka lea ráhkejuvvon,
          buohkaid skávžžát leat čuhppojuvvon.

    3 Gáhtain sii vázzet horsta gárvun,
          dáhkiin ja šiljuin gullo luoibman,
          gatnjalat golget.

    4 Hešbon ja Elale luibmet,
          gitta Jahasii gullo daid čuorvvas.
          Dan dihte Moab doarggista
          ja dárpmehuvvá.

    5 Mu váibmu vuobaida Moaba geažil.
          Báhtareaddjit bohtet Soarii
          ja Eglat Šelišiai.
          Luhita gorgŋehaga olbmot vázzet čieru,
          Horonajima geainnus
          sii váidalit heavahusa.

    6 Nimrima čázit šaddet jakŋan eanamin,
          rássi goiká, niitu goldná,
          ii leat mihkkege ruotnasiid.

    7 Buot maid sii leat duksen,
          buot dávviriiddiset
          sii dolvot Sieđgajoga rastá.

    8 Luoibman gullo miehtá oppa Moaba,
          váidalusčuorvasat ollejit Eglajimii,
          velá gitta Beer Elima rádjái.

    9 Dimona čázit varahuvvet.
          Ođđa givssiid mun vuolggahan Dimonii,
          ledjona Moaba sestojuvvon
          olbmuid vuostá,
          Adma bázahasa vuostá.

< Forrige kapittel

Neste kapittel >

Nå lager vi ny nettbibel

Nettbibelen blir ny høsten 2023. Vi ruller ut nye funksjoner fortløpende, og trenger din hjelp til å teste og gi tilbakemelding.

Test på beta.bibel.no

Les vår personvernserklæring

Hopp rett til

Jesaja

Nå lager vi ny nettbibel

Motta Dagens Bibelord på e-post hver dag