Hopp rett til
Kirkeårets teksterDagens bibelord
Tegnforklaringer
Bibelleseplaner
Kjøp Bibelen
Bibelsøk
Søk
 |
 |
 |
| Hvor finner jeg... |
.
Jeremia
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52| < Forrige kapittel | Neste kapittel > |
| 8Dan áiggi, cealká Hearrá, roggojuvvojit hávddiin Juda gonagasaid ja sin oaivámuččaid dávttit, báhpaid ja profehtaid ja Jerusalema ássiid dávttit.
2 Dat háddjejuvvojit beaivváža, mánu ja oppa almmi veaga ovdii maid sii ráhkistedje, bálvaledje ja maid maŋis vádjoledje, main jerre ráđi ja maid rohkadalle. Sin dávttit eai čoggojuvvo eaige hávdáduvvo, muhto dat šaddet eatnama veahkan.
3 Oppa dán bahás buolvva bázahas atná jápmima eallima buorebun buot báikkiin gosa mun áján sin, cealká Hearrá, Almmiveagaid Ipmil.
Israel ii dovdda Hearrá lága 4 Sártno sidjiide: Ná cealká Hearrá: Iigo dat gii jorrala, fas čuožžil, iigo dat gii čádjida, fas jorgal ruoktot? 5 Manne dát jorralan álbmot ain jorrala, manne Jerusalem biehttala jorgaleames ruoktot? 6 Mun lean dárkon ja gullan: Dat maid sii sárdnot ii leat vuoiga. Ii oktage gáđa iežas bahávuođa, ii jurddaš: “Maid mun lean dahkan!” Juohkehaš viehká hoahpus geidnosis dego heasta ruohttá ovdan soađis. 7 Velá almmi háigirge dovdá mearreáiggis, turtelduvvá ja spálfu máhttet boahtit go lea áigi, muhto mu álbmot ii dovdda Hearrá lága. 8 Mo dii sáhttibehtet dadjat: “Mii leat viisát, mis lea Hearrá láhka?” Duššas peanna lea cáhcon, duššas čállit čállán! 9 Viisát šaddet heahpanit, sii suorganit ja šaddet fáŋgan. Sii leat hilgon Hearrá sáni, mii viisodagaid dat lea? 10 Dan dihte mun attán din áhkáid earrásiidda, din bealdduid rievideddjiide. Sii buohkat, sihke smávvát ja stuorrát, bivdet vearrevuoittu. Profehtat ja báhpat meannudit behtolaččat. 11 Geahppadit sii buoridit mu álbmoga vigi. Sii celket: “Ráfi, ráfi!” vaikko ráfi ii leat. 12 Sii šaddet heahpadii, dasgo sii leat dahkan fasttes daguid. Muhto eai sii heahpanatta, eai sii oppa máhtege heahpanit. Danne sii gahččet gahččan olbmuid gaskii, iežaset ozahallanáiggi sii jorralit, cealká Hearrá. 13 Dál mun čoakkán sin, cealká Hearrá. Eai leat muorjjit viidnemuoras, eaige fiikonat fiikonmuoras, lasttat leat goldnan. Dan maid mun adden sidjiide, lea jávkan. 14 Manne mii čohkkát dás? Čoagganehket! Mannot ladnegávpogiidda ja duššot doppe! Hearrá, min Ipmil, diktá min duššat, son jugaha midjiide mirkkočázi, danin go mii leat suddudan su vuostá. 15 Mii vurddiimet ráfi, muhto ii boahtán mihkkege buriid. Mii vurddiimet buorideami áiggi, muhto bođii suorggahus. 16 Danis gullo heasttaid russun. Go oret šnjirgot, de oppa eanan doarggista. Dat bohtet, dat borret eatnama ja buot mii das lea, duššadit gávpogiid ja daid ássiid. 17 Gehččet! Mun vuolggahan din gaskii gearbmašiid, mirkkogearbmašiid mat eai leat lapmumis. Dat gásket din, cealká Hearrá. Profehta gillá oktan álbmogiinnis 18 Vare mun oččošin áhpásmahttojumi morrašisttán! Mu váibmu buohcá. 19 Mu vártnuhis álbmoga heahtečuorvvas gullo guhkálmas eatnamis: “Iigo Hearrá leat Sionis, iigo dan gonagas leat doppe?” Hearrá vástida: Manne sii leat moaráhuhttán mu ipmilgovaideasetguin, vieris ja guttahis ipmiliiguin? 20 “Ládju lea nohkan, geassi lea vássán, muhto mii eat leat gáddjojuvvon.” 21 Mu álbmoga cuvkejupmi lea cuvken mu. Mun gárvodan morašgárvvuid, suorganeapmi lea dohppen mu. 22 Iigo Gileadis leat balsam, iigo doppe leat dálkkodeaddji? Manne eai savvo mu vártnuhis álbmoga hávit? |
| < Forrige kapittel | Neste kapittel > |
Lukk X
Her kan registrerte brukere snart lagre egne kommentarer på det valgte verset.
Nå lager vi ny nettbibel
Nettbibelen blir ny høsten 2023. Vi ruller ut nye funksjoner fortløpende, og trenger din hjelp til å teste og gi tilbakemelding.
Test på beta.bibel.no