Gi hjerteStøtt nettbibelen
Gå til forsiden

Jåhhan vaentjele

1

Baakoe almetjinie sjïdti

1 Aalkovisnie Baakoe lijjïh Baakoe Jupmelen luvnie.Baakoe Jupmele lij.
2 Baakoe aalkovisnie Jupmelen luvnie.3 Baakojne gaajhke sjugniedovveme.
Baakohth ij mij sjugniedovveme.4 Baakoe lij jieledejïh jielede almetjidie tjoevke.5 Tjoevke jemhkielisnie tjuavkajïh jemhkele ij leah tjoevkem jamhkelamme.

6 Jupmele ålmam raaji, dan nomme Jåhha. 7 Dïhte bööti tjoevken bïjre vïhnesjidh guktie gaajhkesh jaahkoem dan gielhtie edtjin åadtjodh. 8 Ij lij jïjtje tjoevke. Tjoevken bïjre edtji vïhnesjidh.


9 Saetnies tjoevkemij gaajhkide almetjidie tjuavka,veartanasse bööti.
10 Veartanisnie lijjïh veartene altasistie sjugniedovvemejïh veartene idtji altemse damth.
11 Jïjtse almetji gåajkoe bööti,dah idtjin altemse dåastohth.12 Gaajhkesidie gïeh altemse dåastoehtin,dejtie gïeh Jupmielasse jaehkieh,dejtie reaktoem vedtiejiJupmelen maanine sjïdtedh.13 Eah vïrren jïh åedtjien syjhtehtassen gielhtie reakadammejallh almetjen syjhtehtassen gielhtie reakadamme,mohte Jupmelen gielhtie.
14 Jïh Baakoe almetjinie sjïdtijïh mijjen luvnie låavth-gåetiem tseegki,jïh mijjieh dan hearlohkevoetem vööjnimh,hearlohkevoetem maam aajnehke baernieaehtjiebistie åådtjeme,aarmoste jïh saetniesvoeteste dïeves.

15 Jåhha Jeesusen bïjre vïhnesje jïh tjåårve: «Dusnie dïhte gïen bïjre saarnoejim: Dïhte gie mov minngelen båata, mov åvtelen lea juktie mov åvtelen lij.»


16 Dan elliesvoeteste libie gaajhkesh åådtjeme,aarmoste jïh orresth aarmoste.17 Laake Mosine vadtasovvi.Jeesuse Kristuse aarmoem jïh saetniesvoetem böökti.
18 Ij gie gåessie gænnah Jupmelem vuajneme,mohte aajnehke baernie gie jïjtje Jupmele lea,jïh Aehtjeben faerhmesne lea,mijjese buerkiestamme gie Jupmele lea.

Laavkoje Jåhha vïhnesje

19 Naemhtie Jåhha vïhnesji gosse juvdeladtjh såemies hearrah jïh leviladtjh Jerusalemeste raajeme satnem gihtjedh: «Gie datne?» 20 Dellie vïhnesji jïh idtji nyöjhkh – naemhtie jeehti: «Im manne Messija.» 21 Dellie gihtjin: «Gie datne dellie? Datne Hïlje?» «Im leah», vaestiedi. «Datne profeete gïem vuertieminie?» «Ijje!» vaestiedi. 22 «Gie datne jis dellie? Maam joem tjoerebe saarnodh dejtie gïeh mijjem raajeme. Saarnoeh gie datne.» 23 Dellie jeehti:

«Manne gïele mij miehtjies dajvesne tjåarvoeminie:Riektiedidie Åejvien geajnoem!

Naemhtie profeete Jesaia jeahteme.»

24 Såemies fariseladtjh aaj båateme. 25 Dah gihtjin: «Mannasinie dellie datne laavkoeminie gosse ih leah Messija vuj Hïlje vuj dïhte profeete?» 26 Jåhha vaestiedi: «Manne tjaetsine laavkoem. Dijjen luvnie dïhte gie ij dijjese åehpie leah. 27 Mov mænngan båata. Im manne vyörtege dan sandaale-garhtsem noeledh.» 28 Dellie numhtie Bet-aniasne, Jordanen dunnie bielesne gusnie Jåhha laavkoeminie.

29 Mubpien biejjien gosse vööjni Jeesuse båetieminie, dellie jeehti: «Dusnie Jupmelen laampe gie veartenen sådtoeh guadta! 30 Doen bïjre leam jeahteme: Mov mænngan dïhte båata gie mov åvtelen bööti juktie mov åvtelen lij. 31 Idtjim daejrieh gie dïhte. Mohte manne båateme jïh tjaetsine laavkoem guktie Jisrael edtja daejredh gie dïhte.» 32 Jåhha naemhtie vïhnesji: «Voejkenem vööjnim Elmeste vualani jïh dan aatsolen tjöödtjesti. 33 Idtjim daejrieh gie dïhte lij. Dïhte gie mannem raaji laavkodh tjaetsine, munnjien jeehti: Voejkene vualene jïh tjöödtjeste altese aatsolen gie edtja Aejlies Voejkeninie laavkodh. 34 Manne dam vuajneme jïh vïhnesjamme: Dïhte hov Jupmelen Baernie.»

Voestes learohkh

35 Mubpien biejjien Jåhha vihth desnie göökti jïjtse learohkigujmie. 36 Gosse Jeesuse båata vaedtsien, dellie Jåhha dïsse vuartesje jïh jeahta: «Vuartasjidie, dusnie Jupmelen laampe!» 37 Learohkh govlijægan maam jeahta jïh Jeesusem dåeriedægan. 38 Jeesuse jarkoe jïh vuepteste dejtie gïeh satnem dåeredeminie, dellie gihtjie: «Maam dåtnoeh ohtsedeminie?» Dah jiehtiejægan: «Rabbi, gusnie datne årroeminie?» Rabbi, dïhte lea ööhpehtæjja. 39 «Båeteden jïh vuartasjiden!» Jeesuse jeahta. Dellie dåeriedægan jïh vuejniejægan gusnie årroeminie. Desnie lægan abpe biejjiem. Låhkeden tæjmoen lij.

40 Andreas, Simon Pïehteren vïelle, akte dejstie guaktijste gie govleme maam Jåhha jeahteme jïh Jeesusem dåeriedamme. 41 Vïellebem, Simonem, gaavnesje jïh dïsse jeahta: «Messijam libie gaavneme!» – Messija lea «Dïhte gie bådtjalgovveme». 42 Andreas Simonem Jeesusen gåajkoe dåerede. Jeesuse Simonese vuartesje jïh jeahta: «Datne Simon, Jåhhan elkie. Dov nomme daelie Kefas.» – Kefas seamma goh Pïehtere.

43 Mubpien biejjien Jeesuse ryöjredi Galilejese vuelkedh. Dellie Filipposem gaavnede jïh dïsse jeahta: «Dåeredh mannem!» 44 Filippos Bet-tsaidan luvhtie lea, Pïehtere jïh Andreas aaj dan staaren luvhtie. 45 Filippos Natana-elem gaavnedi jïh dïsse jeehti: «Dam libie gaavneme gïen bïjre Mosen laakesne jïh profeeti gærjine tjaalasovveme. Jeesuse dïhte. Nasareten luvhtie lea jïh Josefen baernie.» 46 Natana-el jeahta: «Mejtie sån mij hijven maahta Nasareteste båetedh?» «Båetieh vuartesjh!» Filippos vaestede. 47 Jeesuse vuajna Natana-el båata vaedtsien. Dellie jeahta: «Gïehtjh, dusnie saetnies jisraelehke gïen ij naan biehteme!» 48 «Guktie daajrah gie manne?» Natana-el gihtjie. Jeesuse vaestede: «Datnem vööjnim aerebe goh Filippos datnem gåhtjoeji gosse datne fijkonemoeren nuelesne tjahkan.» 49 Dellie Natana-el jeahta: «Rabbi, datne Jupmelen Baernie, datne Jisraelen gånka.» 50 Jeesuse vaestede: «Datne jaahkah juktie saarnoejim datnem vööjnim fijkonemoeren nuelesne. Stuerebe åavtoeh edtjh vuejnedh. 51 Saatnan dijjese jeahtam: edtjede vuejnedh Elmie rïhpeldahkesne jïh Jupmelen eengkelh bæjjese jïh våålese båetieh Almetjebaernien aatsolen.»

Les vår personvernserklæring
Skjemaet er beskyttet av reCAPTCHA og Googles Privacy Policy og Terms of Service gjelder.