Bildad sárdnu goalmmát háve
1 De šuahlaš Bildad fas sárdnugođii. Son dajai:
2 Son gii almmi allatvuođas bisuha ráfi,
son dagaha balu, sutnje gullá váldi.
3 Su veagat leat lohkameahttumat,
su čuovga ollá buohkaide.
4 Sáhttágo olmmoš leat vuoigadis
Ipmila vuostá,
sáhttágo dat gean nisson lea riegádahttán,
leat buhtis?
5 Velá mánnuge ii leat šealgat,
eai násttitge buhttásat su čalmmiin.
6 Mo dalle olmmoš, duot máhtu,
olbmománná, duot suoksa!