Jeesuse reakede
18 Naemhtie lij gosse Jeesuse reakadi: Tjidtjebe Maarja Josefen faelhkienïejte. Aerebe goh dah ligan aktanamme, nåajsan lij Aejlies Voejkeninie. 19 Faelhkiebaernie Josef, gie earoeladtje ålma, idtji sïjhth skaamoem nïejtese buektedh, jïh dellie sïjhti nïejtem sualeden laehpedh. 20 Gosse numhtie ussjedeminie, dellie Åejvien eengkele nïekedassine jijhtieji jïh jeehti: «Josef, Daviden elkie! Aellieh amma tjoeperdh Maarjine pruvredh. Juktie maanam maam Maarja vuertieminie, Aejlies Voejkenen lea. 21 Baerniem edtja baersieldidh jïh datne galkh dam Jeesusinie gåhtjodh juktie altese almetjidie edtja dej sådtojste gorredidh.» 22 Numhtie dellie sjïdti guktie Åejvie profeetide stilleme soptsestidh:
23 Gïehtjh, nïejte nåajsan jïh baerniem galka baersieldidhjïh dam Immanu-eline gåhtjodh– nommem buerkiestieh: Jupmele mijjine.
24 Gosse Josef fahkaji, darjoeji guktie eengkele stilleme jïh Maarjam gåmmine dåastoehti. 25 Idtji Maarjine aktesne åerieh goske baerniem baersieldamme. Baerniem Jeesusinie gåhtjoeji.