Sálbma 100
1 Giittussálbma.
Rámit Hearrá, oppa eanan!
2 Bálvalehket Hearrá ilus,
bohtet su muođuid ovdii ávvudemiin!
3 Dihtet ahte Hearrá lea Ipmil.
Son lea sivdnidan min,
ja mii leat su, su álbmot,
su sávzzat maid son geahččá.
4 Mannet su poarttaide rámidemiin,
su ovdašiljuide máidnuma lávlumiin.
Giitet Hearrá ja máidnot su nama,
5 dasgo Hearrá lea buorre!
Su árbmu bistá agálaš áigái,
su oskkáldasvuohta buolvvas bulvii.