Sálbma 108
108Lávlla, Davida sálbma.

    2 Ipmil, mu váibmu lea dorvvolaš,
          mun dáhtun čuojahit ja lávlut.
          Gohccá, mu siellu,

    3 morit, hárpa ja lyra,
          mun dáhtun boktit iđedisgukso!

    4 Hearrá, mun rámidan du
          álbmogiid gaskkas,
          mun lávllun du máidnuma
          buot álbmogiidda.

    5 Du árbmu ollá alleliidda go albmi,
          du oskkáldasvuohta gitta balvvaid rádjái.

    6 Ipmil, badjánehkos du gudni
          badjel almmi,
          du hearvásvuohta badjel oppa eatnama!

    7 Veahket min olgeš gieđainat,
          gula mu rohkadusa ja gájo daid
          geaid don ráhkistat!

    8 Ipmil lea sárdnon bassibáikkistis:
          “Ávvudemiin mun attán didjiide Sikema,
          juogadan didjiide Sukkotleagi.

    9 Mu lea Gilead, mu lea Manasse,
          Efraim lea mu oaivesuodji,
          Juda mu ráđđensoabbi.

    10 Moab lea mu basadanlihtti,
          Edomii mun suhppen gápmagiiddán,
          Filistea vuostá mun bajidan
          soahtečuorvasa.”

    11 Gii doalvu mu ladnegávpogii,
          gii oahpista mu Edomii?

    12 Ipmil, donhan hilgot min,
          it vuolgán min soahteveagaiguin.

    13 Atte midjiide veahki vašálačča vuostá!
          Olbmuid veahkis ii leat ávki.

    14 Ipmila vehkiin mii dahkat
          stuorra daguid,
          son duolbmá eatnamii min vašálaččaid.

< Forrige kapittel

Neste kapittel >

Nå lager vi ny nettbibel

Nettbibelen blir ny høsten 2023. Vi ruller ut nye funksjoner fortløpende, og trenger din hjelp til å teste og gi tilbakemelding.

Test på beta.bibel.no

Les vår personvernserklæring

Hopp rett til

Sálmmaid girji

Nå lager vi ny nettbibel

Motta Dagens Bibelord på e-post hver dag