Bibelsøk

Søk
Velg oversettelse
Hvor finner jeg...

.

Tilbake til oversikten

Sálmmaid girji

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150

< Forrige kapittelNeste kapittel >

Sálbma 119
119Ávdugasat dat geaid geaidnu
          lea láitemeahttun,
          geat doahttalit Hearrá lága.
          
   
 2 Ávdugasat sii geat dollet
          su láhkabáhkkomiid
          ja oppa váimmusteaset ohcet su,
          
   
 3 sii geat eai daga vearrivuođa,
          muhto vádjolit su geainnuid.
          
   
 4 Don leat addán gohččumiiddát
          vai olmmoš čuvošii daid dárkilit.
          
   
 5 Vare mu vádjolus livččii stáđis,
          nu ahte mun álo doahttalivččen
          du mearrádusaid!
          
   
 6 Go mun doalan du báhkkomiid,
          de mun in šatta heahpanit.
          
   
 7 Mun giittán du vuoigatlaš váimmus,
          go oahpan dovdat du vuoigadis duomuid.
          
   
 8 Du mearrádusaid mun doahttalan –
          ale hilggo mu goassege!
          
   
 9 Mo sáhttá nuorra olmmoš
          várjalit bálgás buhtisin?
          Dan láhkái ahte son doallá du sáni.
          
   
10 Mun ozan du oppa váimmustan,
          ale divtte mu čádjidit eret du báhkkomiin!
          
   
11 Mun vurken du sáni váibmosan,
          aman suddudit du vuostá.
          
   
12 Máidnojuvvon leage don, Hearrá!
          Oahpat munnje mearrádusaidat.
          
   
13 Mun gulahan olbmuide buot duomuid.
          
   
14 Mun illudan vádjolit
          du láhkabáhkkomiid mielde,
          nugo olmmoš illuda riggodagas.
          
   
15 Mun guorahalan du gohččumiid
          ja válddán vuhtii du bálgáid.
          
   
16 Du mearrádusat leat mu illu,
          du sáni mun in vajáldahte.
          
   
17 Ane fuola mus, bálvaleaddjistat,
          nu ahte oaččun eallit ja doahttalit du sáni.
          
   
18 Rabas mu čalmmiid,
          vai mun oainnán du lága oavdduid.
          
   
19 Mun lean vieris eatnama alde,
          ale čiega mus báhkkomiiddát!
          
   
20 Mu siellu vuoimmehuvvá,
          mun háliduvan álo du mearrádusaide.
          
   
21 Don leat ráŋgon čeavlás olbmuid;
          garuhuvvon lehkoset dat
          geat čádjidit eret du báhkkomiin!
          
   
22 Váldde hiddjádusa
          ja badjelgehččojumi mus eret,
          dasgo mun doalan du láhkabáhkkomiid.
          
   
23 Vaikko oaivámuččat juonastit
          mu vuostá,
          de mun, du bálvaleaddji,
          guorahalan du mearrádusaid.
          
   
24 Du láhkabáhkkomat leat mu illu,
          dat leat mu ráđđeaddit.
          
   
25 Mun lean deddojuvvon
          vuolás muldii.
          Divtte mu eallit, nugo leat lohpidan!
          
   
26 Mun muitalan dutnje bálgáidan,
          ja don gulat mu.
          Oahpat mu dovdat du mearrádusaid!
          
   
27 Divtte mu ipmirdit
          gohččumiiddát bálgá,
          vai mun beasan guorahallat
          du oavdudaguid.
          
   
28 Mu siellu čierru morrašis.
          Čuoččáldahte mu nugo leat lohpidan!
          
   
29 Doala mu guhkkin eret
          gielisvuođa geainnus,
          oahpat munnje iežat lága
          árbmugasvuođastat!
          
   
30 Mun lean válljen
          duohtavuođa geainnu,
          du duomut leat álo mu čalmmiid ovddas.
          
   
31 Mun doalan du láhkabáhkkomiid,
          Hearrá, ale divtte mu šaddat heahpanit!
          
   
32 Mun dáhtun viehkat
          du báhkkomiid geainnu,
          danne go don leat viiddidan
          mu ipmárdusa.
          
   
33 Hearrá, oahpat munnje
          du mearrádusaid geainnu,
          de mun válddán das vára
          gitta loahpa rádjái.
          
   
34 Atte munnje áddejumi
          doahttalit du lága
          ja doallat dan ollásit.
          
   
35 Láide mu báhkkomiiddát bálgá mielde,
          dasgo dat lea mu illu.
          
   
36 Sojat mu váimmu
          du láhkabáhkkomiid beallái
          ja ale vuoigatmeahttun vuoittu beallái.
          
   
37 Jorgal mu čalmmiid
          geahččamis duššálašvuođa,
          divtte mu eallit, dego leat lohpidan.
          
   
38 Ollašuhte iežat sáni bálvaleaddjásat
          ja buohkaide geat ballet dus.
          
   
39 Jávkat heahpada mii baldá mu.
          Du mearrádusat leat álo buorit.
          
   
40 Mun háliduvan du gohččumiidda.
          Don leat vuoigatlaš, divtte mu eallit!
          
   
41 Hearrá, čájet munnje
          iežat oskkáldasvuođa,
          veahket mu, nugo leat lohpidan!
          
   
42 Mun dorvvastan du sátnái,
          dan vehkiin mun máhtán vástidit
          hiddjideddjiide.
          
   
43 Ale váldde duohtavuođa sáni
          mu njálmmis eret,
          mun bijan doaivvu du duomuide.
          
   
44 Mun doalan álo du lága,
          álohii ja agálaččat.
          
   
45 Divtte mu vádjolit friddjavuođas,
          dasgo mun jearan du gohččumiid.
          
   
46 Mun muitalan gonagasaide
          du láhkabáhkkomiid,
          mun in dárbbaš heahpanit.
          
   
47 Du báhkkomat leat mu illu,
          dat leat munnje ráhkkásat.
          
   
48 Mun bajidan gieđaid du beallái,
          mun guorahalan du mearrádusaid.
          Dat leat munnje ráhkkásat.
          
   
49 Muitte sáni maid celket bálvaleaddjásat,
          donhan leat addán munnje doaivvu.
          
   
50 Du lohpádus lea mu jeđđehus
          vártnuhisvuođastan,
          dat addá munnje eallima.
          
   
51 Čeavlás olbmot hiddjidit mu fasttit,
          muhto mun in gáidda du lágas.
          
   
52 Mun smiehtadan du dološ duomuid,
          Hearrá, dain mun oaččun jeđđehusa.
          
   
53 Mun dohppehalan buolli moarrái
          ipmilmeahttumiid geažil
          geat hilgot du lága.
          
   
54 Du mearrádusat leat šaddan
          mu rámáduslávllan,
          go mun ásan dáppe vierisin.
          
   
55 Ihkkunai mun muittán du, Hearrá,
          mun dáhtun álo doallat du lága.
          
   
56 Dat lea mu doaibma:
          mun válddán vára du gohččumiin.
          
   
57 Hearrá lea mu oassi,
          mun lean lohpidan doahttalit su sániid.
          
   
58 Mun rohkadalan du oppa váimmustan:
          Leage munnje árbmugas,
          daga nugo leat lohpidan!
          
   
59 Mun guorahalan iežan vádjolusa,
          jorgalan lávkkiidan du láhkabáhkkomiidda.
          
   
60 Mun in ájahala,
          mun gáhčan doallat du báhkkomiid.
          
   
61 Ipmilmeahttumiid gielat
          giessasit mu birra,
          muhto mun in vajáldahte du lága.
          
   
62 Idjaguovdilge mun lihkan rámidit du
          du vuoigatlaš duomuid dihte.
          
   
63 Buohkat geat ballet dus
          ja dollet du gohččumiid,
          leat mu ustibat.
          
   
64 Du buorrevuohta
          deavdá eatnama, Hearrá.
          Oahpat munnje mearrádusaidat!
          
   
65 Hearrá, don leat dahkan bures
          bálvaleaddjásat,
          leat dahkan nugo leat lohpidan.
          
   
66 Atte munnje ipmárdusa
          ja buori dáiddu,
          dasgo mun dorvvastan du báhkkomiidda.
          
   
67 Ovdal go mun vuoliduvvojin,
          de mun čádjádallen,
          muhto dál mun doalan du sáni.
          
   
68 Don leat buorre, du dagut leat buorit.
          Oahpat munnje mearrádusaidat!
          
   
69 Čeavlás olbmot leat botnán čoahkkái
          giellásiid mu vuostá,
          muhto mun doalan du gohččumiid
          oppa váimmustan.
          
   
70 Sin váibmu lea dego buoidebihttá,
          muhto du láhka lea mu illu.
          
   
71 Munnje lei buorre
          go šadden vuoliduvvot,
          dalle mun bessen oahppat
          du mearrádusaid.
          
   
72 Du njálmmi láhka
          lea munnje mávssoleabbo
          go golli ja silbba eatnatvuohta.
          
   
73 Du gieđat leat sivdnidan
          ja ráhkadan mu.
          Atte munnje áddejumi
          oahppat du báhkkomiid!
          
   
74 Dat geat ballet dus,
          oidnet mu ja illudit,
          dasgo mun vuorddán du sáni.
          
   
75 Hearrá, mun dieđán ahte du duomut
          leat vuoigatlaččat,
          ahte oskkáldasvuođastat don vuolidit mu.
          
   
76 Divtte du árpmu
          leat munnje jeđđehussan,
          nugo leat lohpidan bálvaleaddjásat.
          
   
77 Leage munnje árbmugas
          vai mun ealášin.
          Du láhka lea mu illu.
          
   
78 Divtte čeavlás olbmuid šaddat heahpadii,
          sii gielástallet mu sealggeduogi
          almmá ášši haga.
          Mun guorahalan du gohččumiid.
          
   
79 Bohtoset mu lusa dat
          geat ballet dus,
          dat geat dovdet du láhkabáhkkomiid.
          
   
80 Divtte mu doallat du mearrádusaid
          olles váimmus,
          dalle in šatta heahpanit.
          
   
81 Mu siellu áibbaša du bestojumi,
          mun bijan doaivvu du sátnái.
          
   
82 Mu čalmmit áibbašit du sáni,
          mun jearan: “Goas don jeđđet mu?”
          
   
83 Mun lean dego viidneseahkka
          mii lea nárvvagan suovas,
          muhto du mearrádusaid
          mun in vajáldahte.
          
   
84 Man guhká ferte
          du bálvaleaddji vuordit?
          Goas don dubmet daid
          geat doarrádallet mu?
          
   
85 Čeavlás olbmot leat goivon
          bivdorokkiid mu ovdii,
          sii eai beroš du lágas.
          
   
86 Buot du báhkkomat leat duođat.
          Veahket mu, danne go olbmot
          doarrádallet mu almmá siva haga.
          
   
87 Sii leat measta duššadan mu,
          muhto mun in beahte du gohččumiid.
          
   
88 Don guhte leat oskkáldas,
          divtte mu eallit,
          de mun doalan láhkabáhkkomiid
          maid don leat addán.
          
   
89 Hearrá, du sátni bissu nanusin almmis
          agálaš áigái.
          
   
90 Du oskkáldasvuohta bistá
          buolvvas bulvii.
          Don leat vuođđudan eatnama,
          ja dat bissu.
          
   
91 Du mearrádusaid mielde
          dat bissu ain,
          buot sivdnádusat leat du bálvaleaddjit.
          
   
92 Jos du láhka ii livčče leamaš
          mu illun,
          de mun livččen duššan vártnuhisvuhtii.
          
   
93 Mun in goassege vajáldahte
          du gohččumiid,
          don attát munnje eallima daid bokte.
          
   
94 Mun gulan dutnje. Beastte mu!
          Mun dáhtun guorahallat du gohččumiid.
          
   
95 Ipmilmeahttumat vuđgŋet
          ja dáhttot goddit mu,
          muhto mun guorahalan
          du láhkabáhkkomiid.
          
   
96 Mun lean oaidnán ahte visot nohká,
          muhto du báhkkomat bissot agálaččat.
          
   
97 Mun ráhkistan du lága,
          mun guorahalan dan geažos beaivvi.
          
   
98 Du báhkkomat oahpahit mu álelassii,
          dat dahket mu viisábun go mu vašálaččat.
          
   
99 Mun lean čeahpit
          go buot mu oahpaheaddjit,
          dasgo mun guorahalan
          du láhkabáhkkomiid.
          
   
100 Mun lean jierpmálaččat go vuorrasat,
          go mun doahttalan du gohččumiid.
          
   
101 Mun in goassege lávke
          bahás bálgáide,
          mun dáhtun doahttalit du sáni.
          
   
102 Mun in gáidda du lágain,
          dasgo don leat oahpahan mu.
          
   
103 Du sánit leat njálgát mu guopmái,
          daid smáhkka lea njálgáseabbo go honnet.
          
   
104 Du gohččumiin mun oaččun jierpmi,
          danne mun vašuhan buot giellása bálgáid.
          
   
105 Du sátni lea lámpá mu juolgái
          ja čuovga mu bálgái.
          
   
106 Mun lean vurdnon, ja dan mun doalan:
          Mun anán áimmuin du vuoigatlaš lágaid.
          
   
107 Mun lean gillán ollu, Hearrá.
          Divtte mu eallit, nugo leat lohpidan!
          
   
108 Divtte mu njálmmi
          eaktodáhtolaš oaffariid
          dohkket dutnje, Hearrá.
          Oahpat mu dovdat du duomuid!
          
   
109 Mun lean álelassii heakkaváras,
          muhto mun in vajáldahte du lága.
          
   
110 Ipmilmeahttumat leat bidjan gielaid
          mu ovdii,
          muhto mun in čádjit du gohččumiin eret.
          
   
111 Du láhkabáhkkomat
          leat mu opmodat agálašvuhtii,
          dat leat mu váimmu illu.
          
   
112 Mun lean sojahan váibmon
          doallat du mearrádusaid álelassii,
          gitta loahpa rádjái.
          
   
113 Guovttemielat olbmuid
          mun vašuhan,
          muhto du lága mun ráhkistan.
          
   
114 Don leat mu galba ja suodji,
          mun bijan doaivvu du sátnái.
          
   
115 Gáidet mu luhtte, bahádahkkit!
          Mun dáhtun doallat Ipmilan báhkkomiid.
          
   
116 Doarjjo mu nugo
          don leat lohpidan,
          vai mun oaččun eallit.
          Ale divtte mu doaivvu jorrat heahpadin.
          
   
117 Doarjjo mu, nu ahte mun bestojuvvon
          ja muittán álo du lágaid.
          
   
118 Don hilggut buohkaid geat čádjádaddet
          du mearrádusain eret,
          duššás sii juonastit.
          
   
119 Dego skártta don duššadat
          buot eatnama ipmilmeahttumiid,
          danne mun ráhkistan
          du láhkabáhkkomiid.
          
   
120 Mu rumaš soaigá,
          danne go mun balan du duomuin.
          
   
121 Mun lean dahkan dan mii lea
          riekta ja vuoigat.
          Ale guođe mu sordiid gihtii!
          
   
122 Bealuš mu vai munnje geavvá bures,
          ale suova čeavlás olbmuid soardit mu.
          
   
123 Mun áibbašan oaidnit du veahki,
          bestojumi maid leat lohpidan.
          
   
124 Čájet oskkáldasvuođa bálvaleaddjásat,
          oahpat mu dovdat iežat mearrádusaid.
          
   
125 Mun lean du bálvaleaddji,
          atte munnje áddejumi
          vai mun dovddašin du láhkabáhkkomiid.
          
   
126 Hearrá, dál lea áigi bargat!
          Olbmot leat rihkkon du lága.
          
   
127 Mun ráhkistan du báhkkomiid
          eambbo go golli,
          eambbo go fiidnámus golli.
          
   
128 Dan dihte mun doahttalan
          buot du gohččumiid
          ja vašuhan buot giellása bálgáid.
          
   
129 Ovddolaččat leat du láhkabáhkkomat,
          danne mun válddán dain vára.
          
   
130 Du sánit čuvgejit
          go dat rahpasit,
          dat dahket oktageardánis olbmo
          jierpmálažžan.
          
   
131 Mun rabastan njálmmi ja sáđan,
          dasgo mun áibbašan du báhkkomiid.
          
   
132 Jorgal mu beallái,
          leage munnje árbmugas –
          dat lea daid vuoigatvuohta
          geat ráhkistit du nama.
          
   
133 Nanosmahte mu lávkkiid
          nugo don leat cealkán,
          ale divtte makkárge vearrivuođa
          ráđđet mu.
          
   
134 Čoavdde mu olbmuid veahkaválddis,
          vai sáhtán doallat du gohččumiid.
          
   
135 Čuvge muođuidat
          iežat bálvaleaddjái,
          oahpat mu dovdat du mearrádusaid!
          
   
136 Gatnjalat golget mu čalmmiin,
          go olbmot eai doala du lága.
          
   
137 Hearrá, don leat vuoigatlaš,
          du duomut leat vuoigadat.
          
   
138 Don attát láhkabáhkkomiiddát
          vuoigatlašvuođas
          ja stuorra oskkáldasvuođas.
          
   
139 Buolli áŋgirvuohta loaktá mu,
          danne go mu vašálaččat
          eai beroš du sániin.
          
   
140 Du sátni lea čilgejuvvon ja buhtis,
          ja du bálvaleaddji ráhkista dan.
          
   
141 Mun lean headju ja badjelgehččojuvvon,
          muhto du gohččumiid
          mun in vajáldahte.
          
   
142 Du vuoigatlašvuohta lea agálaš,
          du láhka lea duohtavuohta.
          
   
143 Heahti ja áŧestus leat deaividan mu,
          muhto du báhkkomat leat mu illun.
          
   
144 Du láhkabáhkkomat
          leat álo vuoigatlaččat.
          Atte munnje ipmárdusa,
          vai sáhtán eallit.
          
   
145 Hearrá, mun čuorvvun
          oppa váimmustan:
          Vástit munnje!
          Mun válddán vára du mearrádusain.
          
   
146 Mun čuorvvun dutnje, beastte mu!
          Mun doalan du láhkabáhkkomiid.
          
   
147 Juo ovdal iđedisgukso
          mun čuorvvun,
          mun bijan doaivvu du sátnái.
          
   
148 Go idja boahtá,
          de mun lean ain gohcimin
          ja guorahallamin du sáni.
          
   
149 Hearrá, gula oskkáldasvuođastat
          mu čuorvasa,
          divtte mu eallit, nugo du lágat lohpidit!
          
   
150 Dat geat doarrádallet mu
          heabuheamit, lahkanit,
          du lágas sii leat gáidan eret.
          
   
151 Muhto don, Hearrá, leat lahka,
          ja buot du báhkkomat leat duođat.
          
   
152 Mun lean guhká juo oaidnán
          du láhkabáhkkomiin
          ahte don leat ásahan daid agálaš áigái.
          
   
153 Geahča mu heađi ja gájo mu!
          Mun in leat vajáldahttán du lága.
          
   
154 Čuoččut mu ášši ja lonis mu,
          divtte mu eallit, nugo leat lohpidan.
          
   
155 Ipmilmeahttumat leat
          guhkkin eret bestojumis,
          dasgo sii eai beroš du lágain.
          
   
156 Hearrá, du váibmoláđisvuohta
          lea stuoris,
          divtte mu eallit du lágaid mielde.
          
   
157 Dat geat doarrádallet
          ja vuostálastet mu leat eatnagat,
          muhto mun in gáidda du láhkabáhkkomiin.
          
   
158 Mun geahčan fasttášemiin
          oskkáldasmeahttumiidda,
          daidda geat eai doahttal du sáni.
          
   
159 Geahča, mun ráhkistan
          du gohččumiid, Hearrá!
          Don leat oskkáldas, divtte mu eallit!
          
   
160 Du sáni oaivádus lea duohtavuohta,
          du vuoigatlaš duomut
          bissot nanusin agálaš áigái.
          
   
161 Oaivámuččat doarrádallet mu
          almmá siva haga,
          muhto mu váibmu ballá dušše du sániin.
          
   
162 Mun illudan du sáni dihte
          nugo dat gii vuoitá stuorra sállaša.
          
   
163 Mun vašuhan ja fasttášan giellása,
          muhto du lága mun ráhkistan.
          
   
164 Čieža háve beaivái mun rámidan
          du vuoigatlaš duomuid.
          
   
165 Sis geat ráhkistit du lága,
          lea ráfi ja lihkku,
          ii mihkkege jorralahte sin.
          
   
166 Hearrá, mun dorvvastan
          du bestojupmái,
          mun doalan du báhkkomiid.
          
   
167 Mun doalan du láhkabáhkkomiid
          ja ráhkistan daid sakka.
          
   
168 Mun lean doallan du gohččumiid
          ja rávvagiid,
          buot mu geainnut leat du čalmmiid ovddas.
          
   
169 Badjánehkos mu váidalančuorvvas
          du ovdii, Hearrá!
          Atte munnje ipmárdusa, nugo leat lohpidan.
          
   
170 Bohtos mu njuoras rohkadus du ovdii,
          beastte mu, nugo leat lohpidan.
          
   
171 Mu baksamiin golggiida
          máidnunlávlla,
          dasgo don oahpahat munnje
          mearrádusaidat.
          
   
172 Mu njuovčča rámida du sáni,
          dasgo buot du báhkkomat leat vuoigatlaččat.
          
   
173 Atte iežat gieđa leat mu veahkkin,
          dasgo mun lean válljen du gohččumiid.
          
   
174 Hearrá, mun áibbašan du bestojupmái,
          du láhka lea mu illu.
          
   
175 Divtte mu eallit,
          vai mun beasan rámidit du,
          lehkoset du duomut mu doarjjan.
          
   
176 Mun lean čádjidan dego láhppon sávza.
          Oza bálvaleaddját,
          dasgo mun in leat vajáldahttán
          du báhkkomiid.
< Forrige kapittelNeste kapittel >

06. juli 2022

Dagens bibelord

Matteus 7,21–29

Les i nettbibelen

21Ikkje alle som seier til meg: ‘Herre, Herre!’ skal koma inn i himmelriket, men den som gjer det Far min i himmelen vil. ... Vis hele teksten

21Ikkje alle som seier til meg: ‘Herre, Herre!’ skal koma inn i himmelriket, men den som gjer det Far min i himmelen vil. 22Mange skal seia til meg på den dagen: ‘Herre, Herre! Har vi ikkje tala profetord i ditt namn, drive ut vonde ånder i ditt namn og gjort mange mektige gjerningar i ditt namn?’ 23Då skal eg seia det beint ut: ‘Eg har aldri kjent dykk. Gå bort frå meg, de som gjer urett!’ 24Den som høyrer desse orda mine og gjer det dei seier, liknar ein klok mann som bygde huset sitt på fjell. 25Regnet silte, elvane fløymde, og vindane bles og slo mot huset. Men det fall ikkje, for det var tufta på fjell. 26Men den som høyrer desse orda mine og ikkje gjer det dei seier, liknar ein uforstandig mann som bygde huset sitt på sand. 27Regnet silte, elvane fløymde, og vindane bles og slo mot huset. Då fall det, og fallet var stort.» 28Då Jesus hadde fullført denne talen, var folket fulle av undring over læra hans. 29For han lærte dei med myndig tale og ikkje som deira skriftlærde.