Sálbma 124
1 Bassivádjoluslávlla. Davida sálbma.
Jos Hearrá ii livčče leamaš min beali
– nu dadjos Israel –
2 jos Hearrá ii livčče leamaš min beali
go olbmot fallehedje min,
3 de moaristeaset
sii livčče njiellan min eallinaga,
4 čázit livčče dolvon min,
dulvi livččii min gokčan ja
5 boršu bárut livčče heavahan min.
6 Máidnojuvvon lehkos Hearrá!
Son ii addán min sin bániide stajádussan.
7 Mii beasaimet báhtui dego loddi bivdi gielas.
Giella boatkanii, ja mii beasaimet luovus.
8 Min veahkeheaddji lea Hearrá
gii lea sivdnidan almmi ja eatnama.