Tilbake til oversikten

Sálmmaid girji

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150

< Forrige kapittel

Neste kapittel >

Sálbma 147 147Halleluja!           Buorre lea lávlut rámádusa min Ipmilii,           máidnunlávlla lea čáppat ja heivvolaš.                 2 Hearrá hukse Jerusalema,           son čohkke Israela biđgejuvvon álbmoga.                 3 Son buorida daid           geain lea cuvkejuvvon váibmu,           son čatná sin háviid.                 4 Son diehtá násttiid logu,           son lea addán buot daidda nama.                 5 Min Hearrá lea stuoris ja fámolaš,           su viissisvuohta ii leat mihtideames.                 6 Son doarju vártnuhemiid,           muhto ipmilmeahttumiid           son časká eatnamii.                 7 Lávlot giittuslávlaga Hearrái,           čuojahehket lyrain giitosa min Ipmilii!                 8 Son gokčá almmi balvvaiguin           ja addá arvvi eatnamii,           son bohciidahttá váriid rási.                 9 Hearrá addá fuođđara omiide,           son biebmá gáranasčivggaid go dat čurvot.                10 Ii son illut heastta givrodaga dihte,           ii son beroš olbmá lášmes lávkkiin.                11 Hearrá ráhkista daid geat ballet sus,           daidda geat bidjet doaivvu su árbmui.                12 Rámit Hearrá, Jerusalem!           Máinno Ipmilat, Sion!                13 Son nanosmahttá du poarttaid smarttáid           ja buressivdnida du gávpoga mánáid.                14 Son addá lihku ja ráfi du eatnamii           ja galleha du buoremus nisuiguin.                15 Son vuolggaha gohččuma eatnama ala,           hoahpus olle su sátni.                16 Son diktá muohttaga gahččat           ulluid láhkái,           son biđge bizi dego gunaid.                17 Son suohppu čuorbmasiid dego moaluid,           su buolaš jiekŋuda čázi.                18 Son gohčču, ja jiekŋa suddá,           son diktá biekka bossut, ja čázit golggiidit.                19 Son lea almmuhan sánis Jakobii,           lágaidis ja gohččumiiddis Israelii.                20 Daid son ii almmuhan eará álbmogiidda,           su lágaid eai earát dovdda.           Halleluja!

< Forrige kapittel

Neste kapittel >