Hopp rett til
Kirkeårets teksterDagens bibelord
Tegnforklaringer
Bibelleseplaner
Kjøp Bibelen
Bibelsøk
Søk
 |
 |
 |
| Hvor finner jeg... |
.
Sálmmaid girji
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150| < Forrige kapittel | Neste kapittel > |
Sálbma 18 18Koarrajođiheaddjái. Davida, Hearrá bálvaleaddji, sálbma. Dán David lávllui Hearrái, go Hearrá lei gádjon su Saula ja buot vašálaččaid gieđas. 2 Hearrá, du mun ráhkistan, don leat mu fápmu. 3 Hearrá, mu bákti ja mu ladni, mu beasti, mu Ipmil, mu várri gosa mun báhtaran, mu galba, mu bestojumi čoarvi ja suodji. 4 Mun čurvon Hearrá guhte lea máidnojuvvon, son besttii mu mu vašálaččain. 5 Jápmima báttit čavge mu birra, heavahusa rávnnjit suorggahedje mu. 6 Jábmiidáimmu čatnasat giessasedje mu birra, mu ovddas ledje jápmima gielat. 7 Áŧestusastan mun čurvon Hearrá, mun čurvon Ipmilasan. Son gulai mu jiena tempelisttis, mu čuorvvas bođii su beljiide. 8 Dalle eanan doarggistii ja sparaidii, váriid vuođđudusat lihkadedje, su moarri doarggistahtii daid. 9 Suovva badjánii su njunis, duššadeaddji dolla su njálmmis, son rusui čuotnamiid ja hilaid. 10 Son sojahii almmi ja njiejai, seavdnjatvuohta julggiid vuolde. 11 Son girddii keruba alde, biekka soaját dolvo su hoahpus. 12 Son dagai seavdnjadasa čiehkánis, suhkkes arvebalvvaid iežas govččasin. 13 Su báitima ovddas manne balvvat, čuorbmasat ja áhcagas hilat. 14 Hearrá čearggui almmis, Alimus divttii jienas gullot čuorbmasiid ja áhcagas hilaid siste. 15 Son bážii njuolaidis ja biđgii vašálaččaid, son balddii sin álddagasaiguin. 16 Mearrabotni rokkit ihte, eatnama vuođđudusat bohte oidnosii go don áitet, Hearrá, go du moari riđđu bosui dan badjel. 17 Son geigii allagasas gieđa ja dohppii mu, son gesii mu bajás čiekŋalis čáziin. 18 Son gájui mu fámolaš vašálaččain, vuostálastiin geat ledje munnje menddo gievrrat. 19 Sii fallehedje mu mu lihkuhisvuođa beaivvi, muhto Hearrá bođii munnje doarjjan. 20 Son buvttii mu friddjavuhtii ja besttii mu, dasgo son ráhkista mu. 21 Hearrá mávssii munnje mu vuoigatvuođa mielde, son bálkkašii mu danne go mu gieđat leat buhttásat. 22 Munhan ledjen vádjolan Hearrá geainnuid inge lean bahávuođas gáidan Ipmilis. 23 Buot su lágaid mun lean atnán čalmmiid ovddas, mun in leat hilgon su báhkkomiid. 24 Mun lean leamaš láitemeahttun su ovddas, mun lean váruhan suddudeames. 25 Hearrá mávssii munnje mu vuoigatvuođa, son oinnii ahte mu gieđat leat buhttásat. 26 Don leat oskkáldas oskkáldassii ja vuoigatlaš vuoigatlažžii. 27 Don leat buhtis buhttásii muhto nággár dasa gii lea nággár. 28 Don beasttát vártnuhemiid, muhto vuolidat daid geain leat gorges čalmmit. 29 Hearrá, don divttát mu lámppá čuovgat, mu Ipmil čuvge mu seavdnjatvuođa. 30 Du vehkiin mun fallehan soahteveaga, Ipmilan vehkiin mun njuiken muvrra badjel. 31 Ipmila geaidnu lea ollis, Hearrá sátni lea buhtis. Dego galba son suodjala daid geat dorvvastit sutnje. 32 Gii lea Ipmil juos ii Hearrá, gii lea bákti juos ii min Ipmil? 33 Ipmil vearjuda mu fámuin, son dahká mu vádjolusa láitemeahttumin. 34 Son dahká mu julggiid fallin dego sarvvaálddu juolggit ja addá munnje coavcci alážiin. 35 Son oahpaha mu gieđaid soahtat, son máhttáha mo gealdit veaikedávggi. 36 Don attát munnje bestojumát galbba, don doarjjut mu olgeš gieđainat. Don gulat mu rohkosa ja dagat mu stuorisin. 37 Don rabat luotta mu lávkkiide, mu láhpelađđasat eai vealčas. 38 Mun doarridan vašálaččaidan ja jovssan sin, mun in jorggit ovdal go lean duššadan sin. 39 Mun cuvken sin, nu ahte sii eai sáhte čuožžilit. Sii gahččet mu julggiid vuollái. 40 Don vearjudat mu soahtái, don bágget mu vuostálastiid vuollánit. 41 Don áját mu vašálaččaid báhtui, mun loahpahan daid geat vašuhit mu. 42 Sii čurvot, muhto ii oktage gájo sin, sii čurvot Hearrái, muhto son ii vástit sidjiide. 43 Mun cuvken sin gavjan biggii, duolmman sin dego bálgáid stánžži. 44 Don gádjot mu stuibmideaddji álbmogiin, don bidjet mu álbmogiid oaivámužžan. Vieris álbmot ferte bálvalit mu, 45 sii jeagadit ovdal go mun oppa gohčunge sin. Amas olbmot dohkkestuvvet munnje. 46 Sii leat fámohuvvan, doarggistemiin sii bohtet olggos ladniineaset. 47 Hearrá eallá! Rámiduvvon lehkos mu bákti! Leage aliduvvon, mu bestojumi Ipmil! 48 Ipmil diktá mu mávssahit, son bidjá álbmogiid mu julggiid vuollái. 49 Don čoavddát mu vašálaččainan, loktet mu mu vuostálastiid bajábeallái, don gájut mu veahkaválddálaččaid gieđas. 50 Danne mun rámidan du álbmogiid gaskkas, Hearrá, mun lávllun du nama máidnuma. 51 Son addá gonagassasis stuorra vuoittuid, son lea oskkáldas dasa gean lea vuoidan, Davidii ja su nállái, agálaččat. |
| < Forrige kapittel | Neste kapittel > |
Lukk X
Her kan registrerte brukere snart lagre egne kommentarer på det valgte verset.
28. mai 2023
19Det var om kvelden samme dag, den første dagen i uken. Av frykt for jødene hadde disiplene stengt dørene der de var samlet. Da kom Jesus; han sto midt iblant dem og sa: «Fred være med dere!» ... Vis hele teksten
19Det var om kvelden samme dag, den første dagen i uken. Av frykt for jødene hadde disiplene stengt dørene der de var samlet. Da kom Jesus; han sto midt iblant dem og sa: «Fred være med dere!» 20Og da han hadde sagt det, viste han dem sine hender og sin side. Disiplene ble glade da de så Herren. 21Igjen sa Jesus til dem: «Fred være med dere! Som Far har sendt meg, sender jeg dere.» 22Så åndet han på dem og sa: «Ta imot Den hellige ånd. 23Dersom dere tilgir noen syndene deres, da er de tilgitt. Dersom dere fastholder syndene for noen, er de fastholdt.»
19Det var om kvelden same dagen, den første dagen i veka. Læresveinane var samla og hadde stengt dørene, for dei var redde jødane. Då kom Jesus; han stod midt imellom dei og sa: «Fred vere med dykk!» ... Vis hele teksten
19Det var om kvelden same dagen, den første dagen i veka. Læresveinane var samla og hadde stengt dørene, for dei var redde jødane. Då kom Jesus; han stod midt imellom dei og sa: «Fred vere med dykk!» 20Då han hadde sagt det, viste han dei hendene sine og sida si. Læresveinane vart glade då dei såg Herren. 21Igjen sa han til dei: «Fred vere med dykk! Som Far har sendt meg, sender eg dykk.» 22Med desse orda anda han på dei og sa: «Ta imot Den heilage ande! 23Tilgjev de nokon syndene deira, er dei tilgjevne. Held de syndene fast for nokon, er dei fasthaldne.»
19Seammá beaivvi, vahku vuosttaš beaivvi, máhttájeaddjit ledje eahkedis čoahkis lohkkaduvvon uvssaid duohken, danin go sii balle juvddálaččain. Fáhkkestaga Jesus čuoččui sin gaskkas ja celkkii: “Ráfi didjiide!” ... Vis hele teksten
19Seammá beaivvi, vahku vuosttaš beaivvi, máhttájeaddjit ledje eahkedis čoahkis lohkkaduvvon uvssaid duohken, danin go sii balle juvddálaččain. Fáhkkestaga Jesus čuoččui sin gaskkas ja celkkii: “Ráfi didjiide!” 20Go son lei cealkán dan, de son čájehii sidjiide iežas gieđaid ja erttega. Máhttájeaddjit illosedje go oidne Hearrá. 21Ohpit Jesus celkkii sidjiide: “Ráfi didjiide! Nugo Áhčči lea vuolggahan mu, nu munge vuolggahan din.” 22Go son lei cealkán dan, de son vuoiŋŋai sin guvlui ja celkkii: “Váldet Bassi Vuoiŋŋa. 23Gean suttuid dii addibehtet ándagassii, dasa dat leat ándagassii addojuvvon. Geas dii biehttalehpet ándagassii addojumi, dat ii oaččo suttuidis ándagassii.”