Tilbake til oversikten

Salmane

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150

< Forrige kapittel

Neste kapittel >

45Til korleiaren. Etter «Liljene». Av Korah-songarane. Ein læresalme. Ein song om kjærleik.                 2 Mitt hjarte strøymer over av gode ord,           eg diktar mine songar for kongen.           Tunga er lik pennen til ein dyktig skrivar.                 3 Du er den fagraste av menneske,           vakker tale er lagd på dine lepper.           Difor har Gud velsigna deg for alltid.                 4 Spenn sverdet fast ved hofta, du krigar,           i di høgd og din herlegdom!                 5 Vinn siger i din herlegdom!           Ri ut til strid for sanning, mildskap og rett!           Di høgre hand lèt deg sjå skremmande gjerningar.                 6 Pilene dine er kvasse, folkeslag stuper for deg.           Kongens fiendar er råka i hjartet.                 7 Din kongsstol, Gud, står til evig tid,           din kongsstav er rettferds stav.                 8 Du har elska rettferd og hata urett.           Difor har Gud, din Gud,           salva deg med gledes olje framfor dine vener.                 9 Du er sveipt i angen frå myrra, aloe og kassia.           Strengespel frå elfenbeinshallar gjev deg glede.                10 Kongsdøtrer er mellom dine utvalde,           ved di høgre side står dronninga i Ofir-gull.                11 Høyr, dotter, sjå hit og vend øyret til!           Gløym ditt folk og di slekt,                12 for kongen attrår din venleik.           Han er din herre, bøy deg ned for han!                13 Tyros' dotter og dei rike i folket           skal søkja din gunst med gåver.                14 Fullkomen, herleg trer kongsdottera inn,           kjolen hennar er gjennomvoven med gull.                15 I fargerik bunad blir ho leidd til kongen.           Unge jenter er bak henne,           veninnene hennar blir førte fram for deg.                16 Dei blir leidde inn med fryd og glede,           dei går inn i kongens slott.                17 Sønene dine skal koma i staden for fedrane,           set dei til hovdingar kringom i landet!                18 Frå slekt til slekt vil eg minnast ditt namn,           difor skal folka lova deg til evig tid.

< Forrige kapittel

Neste kapittel >