50Ein salme av Asaf.

          Gud over gudar talar,
           Herren ropar til jorda
          der sol går opp og der sol går ned.

    2 Frå Sion, det fullkome vakre,
          strålar Gud fram.

    3 Vår Gud kjem, han teier ikkje.
          Framfor han går ein øydande eld,
          kring han stormar det sterkt.

    4 Han kallar på himmelen der oppe
          og på jorda, for han vil dømma sitt folk.

    5 Samla mine trugne hos meg,
          dei som med offer
          har gjort pakt med meg.

    6 Himmelen forkynner hans rettferd,
          Han er ein Gud som dømmer.

    7 Høyr, mitt folk, eg vil tala,
          Israel, eg vil vitna mot deg.
          Eg er Gud, din Gud.

    8 Det er ikkje for dine slaktoffer eg viser deg til rette,
          dine brennoffer er alltid framfor meg.

    9 Men eg tek ikkje oksar frå ditt hus
          eller bukkar frå dine kveer.

    10 For alt viltet i skogen er mitt,
          dyra på dei tusen fjell.

    11 Eg kjenner alle fuglar i fjellet,
          krypet på marka høyrer meg til.

    12 Var eg svolten, sa eg det ikkje til deg,
          for jorda og det som fyller henne, høyrer meg til.

    13 Skulle eg eta kjøt av oksar
          eller drikka blod av bukkar?

    14 Du skal ofra lovsong til Gud,
          oppfylla dine lovnader til Den høgste!

    15 Kall på meg den dagen du er i naud,
          så vil eg fria deg ut, og du skal gje meg ære.

    16 Men til den lovlause seier Gud:
          Kvifor står du og ramsar opp mine bod
          og tek mi pakt i din munn?

    17 Du har jo hata formaning
          og kasta mine ord bak deg.

    18 Ser du ein tjuv, slår du følgje med han,
          med ekteskapsbrytarar held du lag.

    19 Du slepper munnen laus i vondskap,
          med tunga spinn du svik.

    20 Du sit og talar mot bror din,
          son til mor di skitnar du til.

    21 Dette gjorde du, og eg tagde.
          Du tenkte eg var nett som du.
          Men eg skal visa deg til rette,
          stilla saka fram for deg.

    22 Forstå dette, de som gløymer Gud!
          Elles riv eg dykk sund,
          og ingen kan berga dykk.

    23 Den som ofrar lovsong, gjev meg ære,
          den som gjer sin veg fast,
          lèt eg sjå Guds frelse.

< Forrige kapittel

Neste kapittel >

28. mars 2023

Dagens bibelord

Sakarja 9,9–10

Les i nettbibelen

9Bryt ut i jubel, datter Sion! Rop av glede, datter Jerusalem! Se, din konge kommer til deg, rettferdig og rik på seier, fattig er han og rir på et esel, på en eselfole. ... Vis hele teksten

Dagens bibelord

Sakarja 9,9–10

Les i nettbibelen

9Bryt ut i jubel, dotter Sion! Rop av glede, dotter Jerusalem! Sjå, kongen din kjem til deg, rettferdig og rik på siger, fattig er han og rid på eit esel, på ein eselfole. ... Vis hele teksten

Dagens bibelord

Sakarja 9,9–10

Les i nettbibelen

9Čuorvvo ilus, nieida Sion, ávvut sakka, nieida Jerusalem! Geahča, du gonagas boahtá. Son lea vanhurskkis ja buktá bestojumi, son lea vuollegaš, son riide áseniin, nuorra ásenoriin. ... Vis hele teksten

Les vår personvernserklæring

Hopp rett til

Salmane

Dagens bibelord

Dagens bibelord

Dagens bibelord

Motta Dagens Bibelord på e-post hver dag