Bibelsøk

Søk
Velg oversettelse
Hvor finner jeg...

Tilbake til oversikten

Goalmmát Mosesgirji

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27

Forrige kapittelNeste kapittel

Bassivuođalágat
19Hearrá sártnui Mosesii:
   
 2 Cealkke oppa Israela searvegoddái: Lehket basit, dasgo mun, Hearrá, din Ipmil, lean bassi.  3 Juohkehaš dis galgá gudnejahttit eatnis ja áhčis ja doallat mu sabbahiid. Mun lean Hearrá, din Ipmil.  4 Allet jorgal eahpeipmiliid beallái. Allet daga alcceseattet leikejuvvon ipmilgovaid. Mun lean Hearrá, din Ipmil.
   
 5 Go dii oaffaruššabehtet searvevuođaoaffara Hearrái, de dahket dan nu ahte dat lea Hearrá miela mielde.  6 Dan galgá borrat seammá beaivvi go dat oaffaruššojuvvo, dahje maŋit beaivvi. Dan mii báhcá goalmmát beaivái, galgá boaldit.  7 Jos soamis borrá dan goalmmát beaivvi, de dat lea fastivuohta, iige Hearrá dohkket oaffara.  8 Dat gii borrá dan, šaddá sivalažžan, dasgo son lea dahkan eahpebassin dan mii lei basuhuvvon Hearrái. Son galgá jávkaduvvot iežas álbmogis.
   
 9 Go šaddu ráddjojuvvo du eatnamis, de it oaččo čuohppat gortni bealdoravddaid ráje itge čoaggit gordneoivviid mat leat báhcán. 10 It oaččo atnit maŋŋerádjama viidnegárddistat itge čoaggit gahččan viidnemurjjiid. Guođe daid gefiid ja vierrásiid várás. Mun lean Hearrá, din Ipmil.
   
11 Ehpet oaččo suoládit, ehpet gielistit ehpetge beahttit guhtet guimmiideattet. 12 Ehpet oaččo vuordnut veriid mu nammii, dasgo dalle don dagat Ipmilat nama eahpebassin. Mun lean Hearrá. 13 It oaččo váldit lagamuččastat veagal maidege itge rievidit sus maidege. It oaččo doallat beaivebálkkolačča bálkká alddát maŋit iđidii. 14 It oaččo garuhit bealjeheami itge bidjat čalmmeheami ovdii juoidá masa son jorrala, muhto bala Ipmilisttát. Mun lean Hearrá.
   
15 Ehpet oaččo dahkat veriid dubmedettiin. It oaččo leat bealát geafi ávkin itge riggá ávkin, muhto dubme lagamuččat vuoiggalaččat. 16 It oaččo vázzit birra ja bostalit iežat vieljaid, it oaččo bivdit lagamuččat heakka. Mun lean Hearrá. 17 It oaččo vašuhit vieljat, muhto cuiggot su, amat šaddat sivalažžan su dihte. 18 It oaččo mávssahit geasage itge vašuhit álbmogat olbmuid, muhto ráhkis lagamuččat nugo iežat. Mun lean Hearrá.
   
19 Galggat doallat mu lágaid. Ale divtte omiinat guokte šlája seahkanaddat oktii. It oaččo gilvit guovttelágán siepmaniid beldosat. It oaččo atnit biktasiid mat leat gođđojuvvon guovttelágán láiggis.
   
20 Jos olmmái veallá šlávvanissoniin gii lea lohpiduvvon áhkkán nuppi olbmái, muhto ii leat vel ostojuvvon friddjan dahje luitojuvvon friddjan, de dat olmmái galgá máksit vahátmávssu. Sudno ii oaččo goddit, danne go nisson ii lean luitojuvvon friddjan, 21 muhto olmmái galgá buktit Hearrái almmustusgoađi uvssa lusa viercca iežas vealgeoaffarin. 22 Go báhppa Hearrá muođuid ovddas lea doaimmahan sutnje soabahusa oaffaruššamiin viercca vealgeoaffarin, de son oažžu ándagassii suttu maid lea dahkan.
   
23 Go dii boahtibehtet iežadet eatnamii ja gilvibehtet buotlágán šattosmuoraid, de galgabehtet diktit vuosttaš šaddosiid orrut. Golbma jagi šaddosat leat didjiide gildosat; allet bora daid. 24 Muhto njealját jagis buot daid šaddosat galget basuhuvvot Hearrái ávvudemiin. 25 Easkka viđát jagi oažžubehtet borrat daid šaddosiid. Ná dii oažžubehtet mihá eambbo šattu. Mun lean Hearrá, din Ipmil.
   
26 Ehpet oaččo borrat bierggu mas lea varra. Ehpet oaččo einnostit ehpetge lohkat mearkkaid. 27 Ehpet oaččo čuohppat vuovttaid geađđašiin ehpetge čuohppat skávžžáid. 28 Ehpet oaččo nádjat mearkkaid iežadet rupmašii jápmán olbmo dihte ehpetge bidjat boalddihuvvon čálamearkkaid iežadet liikái. Mun lean Hearrá.
   
29 It oaččo heahppášuhttit nieiddat nu ahte divttát su šaddat fuorrán, vai fuorrávuohta ja heahpatlašvuohta ii deavdde eatnama. 30 Galgabehtet doallat mu sabbahiid ja gudnejahttit mu bassibáikki. Mun lean Hearrá. 31 Ehpet oaččo jorgalit jábmiid vuoiŋŋaid beallái ehpetge ohcat einnostusvuoiŋŋaid, vai dat eai daga din buhtismeahttumin. Mun lean Hearrá, din Ipmil. 32 Čuožžil čurgesvuovttaga ovddas, gudnejahte vuoras olbmo ja bala Ipmilisttát. Mun lean Hearrá.
   
33 Jos soames vieris ássá din eatnamii, de ehpet oaččo soardit su. 34 Vieris gii ássá din luhtte galgá leat didjiide dego eatnamis riegádan olmmoš. Ráhkis su dego iežat, dasgo diihan maid leiddet vierrásat Egyptas. Mun lean Hearrá, din Ipmil.
   
35 Ehpet oaččo verrošit go mearridehpet guhkkodat-, deaddo- dahje geassomihtu. 36 Dis galget leat rivttes veavttat, rivttes veaktageađggit, rivttes efamihttu ja rivttes hinmihttu. Mun lean Hearrá, din Ipmil, gii bukten din Egyptas. 37 Dii galgabehtet doallat buot mu lágaid ja báhkkomiid ja eallit daid mielde. Mun lean Hearrá.
Note čuohppat vuovttaid … skávžžáid: moraštanvierru mii lei gielddus báhpaide. moraštanvierut. Vrd. \+xt 21,5; 5 Mos 14,1č; Jer 9,26; 25,23; 49,32.
Forrige kapittelNeste kapittel

14. mai 2021

Dagens Bibelord

Markus 16,19–20

Les i nettbibelen

19Etter at Herren Jesus hadde sagt dette til dei, vart han teken opp til himmelen og sette seg ved Guds høgre hand. 20Men dei gjekk ut og forkynte alle stader. Herren sjølv var hos dei og stadfeste Ordet med dei teikna som følgde med.•

19Etter at Herren Jesus hadde sagt dette til dei, vart han teken opp til himmelen og sette seg ved Guds høgre hand. 20Men dei gjekk ut og forkynte alle stader. Herren sjølv var hos dei og stadfeste Ordet med dei teikna som følgde med.•