Bibelsøk

Søk
Velg oversettelse
Hvor finner jeg...

.

Tilbake til oversikten

Nubbi Muitalusaid girji

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36

Forrige kapittelNeste kapittel
15Ipmila vuoigŋa devddii Asarja, Odeda bártni.  2 Son manai Asa lusa ja dajai sutnje: “Asa ja buot Juda ja Benjamina olbmát, gullet mu! Hearrá lea dinguin, jos dii lehpet suinna. Jos dii ohcabehtet su, de dii gávdnabehtet su, muhto jos dii hilgubehtet su, de son hilgu din.  3 Guhká Israel lei almmá duohta Ipmila haga, báhpaid oahpahusa haga ja lága haga.  4 Muhto áŧestusastis dat jorgalii Hearrá, Israela Ipmila, beallái, ja ozai su, ja nu dat gávnnai su.  5 Dan áigge mátkkálaččat eai sáhttán johtit oadjebasat, danin go álbmogiid gaskkas lei stuorra moivi.  6 Álbmogat sohte álbmogiiguin ja gávpogat gávpogiiguin, danin go Ipmil dagahii moivvi ja buotlágáš lihkohisvuođaid daid gaskii.  7 Muhto lehket dii gievrrat alletge hearddohuva! Dii oažžubehtet daguineattet bálkká.”
   
 8 Go Asa gulai profehta Asarja, Odeda bártni, sániid, de son roahkasmuvai jávkadit fasttes eahpeipmilgovaid oppa Judas ja Benjaminis ja dain gávpogiin maid son lei váldán Efraima várreeatnamis. Son divui Hearrá áltára mii lei tempela ovdahálla ovddas.  9 De son čohkkii Juda ja Benjamina čearddaid ja efraimlaččaid, manasselaččaid ja simeonlaččaid geat ledje ássan sin gaskii. Ollugat Israelis ledje oainnat mannan Asa beallái go sii oidne ahte Hearrá, su Ipmil, lei suinna. 10 Sii čoagganedje Jerusalemii Asa vihttanuppelogát ráđđenjagi goalmmát mánus. 11 Dan beaivvi sii oaffarušše Hearrái čiežačuođi vuovssá ja čiežaduhát sávzza dan sállašis maid ledje váldán. 12 Sii lohpidedje bálvalit Hearrá, áhčiideaset Ipmila, oppa váimmus ja oppa sielus, 13 ja ahte juohkehaš, lehkos dal boaris dahje nuorra, olmmái dahje nisson, gii ii bálvalan Hearrá, Israela Ipmila, goddojuvvošii. 14 Go trompehtat ja dorvvet čudje ja ávvučuorvasat gadje, de sii vurdno dan Hearrái jitnosii. 15 Buot Juda olbmot illudedje vuordnása dihte. Dan dihte go sii vurdno dan olles váimmus ja dáhtto ohcat Hearrá, de Hearrá gulai sin ja attii sidjiide ráfi juohke guovllus.
   
16 Áhčis eatnis Maakas gonagas Asa válddii gonagaseatni árvvu, danin go Maaka lei dahkan hirpmus bácci Ašerai. Asa njeiddii bácci, mollii dan ja bolddii dan Kedronleagis. 17 Muhto oaffarbáikkit eai goit jávkan Israelis. Asa dattetge lei olles váimmus oskkáldas Hearrái nu guhká go elii. 18 Áhčis ja iežas oaffarattáldagaid, silbba ja golli ja eará biergasiid, son bijai Ipmila tempelii.
   
19 Asa áigge lei ráfi su golbmalogiviđát ráđđenjagi rádjái.
Forrige kapittelNeste kapittel

20. september 2021

Dagens Bibelord

Salmene 30,1–5

Les i nettbibelen

1En salme. En sang til innvielsen av tempelet. Av David. 2Jeg opphøyer deg, Herre, for du dro meg opp, du lot ikke fienden fryde seg over meg. 3Herre, min Gud, jeg ropte til deg, og du helbredet meg. ... Vis hele teksten

1En salme. En sang til innvielsen av tempelet. Av David. 2Jeg opphøyer deg, Herre, for du dro meg opp, du lot ikke fienden fryde seg over meg. 3Herre, min Gud, jeg ropte til deg, og du helbredet meg. 4Herre, du førte min sjel opp fra dødsriket, du ga meg liv på nytt da jeg var i graven. 5Spill for Herren, dere hans trofaste, pris hans hellige navn!