Bibelsøk

Søk
Velg oversettelse
Hvor finner jeg...

Tilbake til oversikten

Vuosttaš Samuelgirji

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

Forrige kapittelNeste kapittel

Israellaččat dáhttot gonagasa
8Go Samuel boarásmuvai, de son bijai bártnisguoktá Israela duopmárin.  2 Vuosttašriegádeaddji namma lei Joel ja nuorabu Abia; soai dubmiiga Beer Šebas.  3 Samuela bártnit eaba goit vádjolan áhčiska luottaid, muhto verrošeigga, válddiiga duolgguid ja bonjaiga vuoigatvuođa.  4 Dalle Israela vuorrasat čoagganedje ja bohte Samuela lusa Ramai.  5 Sii dadje sutnje: “Don leat boaris, eabage du bártnit vádjol du luottaid. Atte midjiide gonagasa dubmet min, buot eará álbmogiinhan lea gonagas.”  6 Samuel anii bahán dan ahte sii dáhtto gonagasa. Ja son rohkadalai Hearrá.  7 Muhto Hearrá vástidii sutnje: “Daga nugo álbmot dáhttu. Eai sii du leat hilgon, muhto mu. Sii eai dáhto mu iežaset gonagassan.  8 Dan beaivvi rájes go mun bukten sin Egyptas, de sii leat duojážassii jorgalan mus ja bálvalan eará ipmiliid. Dan sii dahket dál dutnjenai.  9 Daga nugo sii dáhttot, muhto várre sin ja muital sidjiide makkár vuoigatvuođaid sin gonagasas oažžu.”
   
10 Samuel muitalii Hearrá sániid daidda geat dáhtto gonagasa. 11 Son dajai: “Gonagas gii ráđđe din, oažžu dáid vuoigatvuođaid: Son váldá din bártniid ja bidjá sin soahtevovnnaidis gurrii ja heasttaidis báldii, ja sii šaddet viehkat su soahtevovnnaid ovddas. 12 Soapmásiid son bidjá duháhaoaivámužžan dahje vihttalohkásaoaivámužžan. Muhtumat gártet jorgut su bealdduid ja rádjat su šattuid, earát šaddet duddjot sutnje vearjjuid ja soahtevovnnaid. 13 Din nieiddaid son bidjá ráhkadit vuoidasiid, málestit ja láibut. 14 Son váldá din buoremus bealdduid, viidnegárddiid ja oliivagárddiid ja addá daid iežas virgeolbmáide. 15 Son gáibida logádasaid din šattuin ja din viinnis ja addá daid iežas hoavvaolbmáide ja virgeolbmáide. 16 Son váldá din bálvaleddjiid ja din bálvaleaddjinissoniid, ja din buoremus vuovssáid ja áseniid son atná iežas bargguide. 17 Son váldá logádasaid din smávvaomiin, ja ieža dii šaddabehtet su šlávvan. 18 Go dát dáhpáhuvvá, de dii bárgubehtet dan gonagasa dihte gean lehpet válljen alcceseattet, muhto dalle Hearrá ii vástit didjiide.” 19 Muhto álbmot biehttalii gullamis Samuela. Sii dadje: “Ii, mii dáhttut gonagasa 20 vai mii leat dego buot eará álbmogat, gonagasa gii dubme min, gii manná min njunnošis ja soahtá min sođiid.” 21 Go Samuel gulai álbmoga sániid, de son muitalii dan Hearrái. 22 Hearrá celkkii Samuelii: “Daga nugo sii dáhttot ja atte sidjiide gonagasa.” Dalle Samuel gohčui israellaččaid máhccat ruoktot, iešguđege gávpogasas.
Note buoremus vuovssáid: Jorgalus čuovvu Septuaginta.
Forrige kapittelNeste kapittel

13. april 2021

Dagens Bibelord

Matteus 9,35–38

Les i nettbibelen

35Jesus vandret nå omkring i alle byene og landsbyene. Han underviste i synagogene deres, forkynte evangeliet om riket og helbredet all sykdom og plage. ... Vis hele teksten

35Jesus vandret nå omkring i alle byene og landsbyene. Han underviste i synagogene deres, forkynte evangeliet om riket og helbredet all sykdom og plage. 36Og da han så folkemengdene, fikk han inderlig medfølelse med dem, for de var forkomne og hjelpeløse, som sauer uten gjeter. 37Da sa han til disiplene sine: «Høsten er stor, men arbeiderne få. 38Be derfor høstens herre sende ut arbeidere for å høste inn grøden hans.»