Bibelsøk

Søk
Velg oversettelse
Hvor finner jeg...

Tilbake til oversikten

Hosea

1 2 3 4 5 6 7 8 9 10 11 12 13 14

Forrige kapittelNeste kapittel

Ale illut, Israel!
9Ale illut, Israel,
          ale ávvut dego eará álbmogat ávvudit!
          Don leat leamaš
          oskkáldasmeahttun Ipmilasat,
          juohke gordneráidnensajis
          don leat vuovdalan iežat
          ja čohkken bálkká furrodagainat.
          
   
 2 Danin gordneráidnensadji
          ja viidnebohčingárri eai biepma du,
          itge don oaččo ođđa viinni.
          
   
 3 Don it beasa ássat Hearrá eatnamis.
          Efraim ferte máhccat Egyptii,
          Assyrias dat šaddá borrat
          buhtismeahttun biepmu.
          
   
 4 Dat ii oaččo oaffaruššat viinni Hearrái,
          iige buktit njuovvanoaffariid sutnje.
          Efraima láibi lea dego morašláibi,
          buohkat geat borret dan,
          šaddet buhtismeahttumin.
          Efraim gallána iežas borramušain,
          muhto dat ii boađe Hearrá vissui.
          
   
 5 Maid dii dahkabehtet bassebeaivvi,
          Hearrá ávvubeaivvi?
          
   
 6 Dat geat báhtarit heavahusas,
          gártet Egyptii,
          ja Memfis hávdáda sin.
          Gáskálasat gokčet sin silbadávviriid,
          bastilislánját šaddet sin goahtesajiide.
          
   
 7 Ráŋggáštusa beaivvit leat boahtán,
          mávssaheami beaivvit leat joavdan,
          Israel gártá dovdat dan.
          “Profehta lea mielahuvvan,
          vuoiŋŋa olmmái lea seahkanan!”
          Nu lea geavvan danin go
          du vearredahku lea stuoris
          ja du vašši garas.
          
   
 8 Profehta lea mu Ipmila álbmoga,
          Efraima, goziheaddji,
          muhto gielat leat buot su bálgáin,
          vašálašvuohta su Ipmila viesus.
          
   
 9 Dii lehpet vudjon
          čiekŋalassii billašupmái
          dego gibealaččat dolin.
          Ipmil muitá Efraima vearredaguid,
          son ráŋggášta dan suttuid.

Israel ovdal ja dál
    10 Dego viidnemuorjjit meahcis
          lei Israel, go mun gávdnen dan.
          Go mun oidnen din áhčiid,
          de sii ledje mu čalmmiin
          nugo fiikonmuora árra šaddosat.
          Muhto go sii bohte Baal-Peorii,
          de sii bálvališgohte heahpatlaš ipmila
          ja šadde seammá fastin
          go dat maid sii ráhkistedje.
          
   
11 Efraima gudni girdila eret dego loddi:
          Ii leat šat riegádahttin,
          ii áhpehisvuohta, ii sahkaneapmi!
          
   
12 Vaikko sii vel šaddadivččege mánáid,
          de mun dagan sin mánáheapmin.
          Ii oktage báze.
          Vuoi sin, go mun gáiddan sis!
          
   
13 Efraim lei gilvojuvvon gieddái,
          dat lei oaidnit dego Tyros,
          seammá oadjebas,
          muhto dál dat šaddá doalvut mánáidis
          sorbmejeaddji gihtii.
          
   
14 Hearrá, atte Efraimii –
          maid don dasa attášit?
          Atte dan nissoniidda sahkuhis goaŧu
          ja goikan čiččiid!
          
   
15 Buot dan bahávuođa dihte maid sii
          dahke Gilgalis,
          mun lean vašuhišgoahtán sin.
          Sin bahás daguid dihte
          mun áján sin eret viesustan.
          Mun in sáhte šat ráhkistit sin,
          buot Efraima oaivámuččat
          leat stuibmideaddjit.
          
   
16 Efraim lea vihkáduvvan,
          dan ruohtas lea goikan,
          dat ii šat šaddat šaddosiid.
          Ja vaikko eatnit vel riegádahtášedjege,
          de mun almmatge gottán
          sin goaŧu mávssolaš šattuid.
          
   
17 Mu Ipmil hilgu Efraima,
          danne go dat ii guldalan su.
          Dat šaddá vádjolit golgolažžan
          álbmogiid gaskkas.
Note Memfis: >\+xt Jes 19,13.
Note gibealaččat dolin: soaitá čujuhit vearredahkui mii muitaluvvo \+xt Duop 19–21.
Hos 9,10 viser til 4 Mos 25,3, Jer 3,24
Note Baal-Peor: Bet-Peor. Vrd. \+xt 4 Mos 25; 5 Mos 3,29\+xt*. \fq heahpatlaš ipmila: Baal. Vrd. \+xt Jer 3,24; 11,13\+xt*.
Hos 9,13 viser til Esek 27,3
Note muhto … gihtii: Masorehtalaš teaksta ii leat čielggas.
Hos 9,15 viser til Jes 1,23, Hos 4,15
Note Gilgal: gávpot Jordanleagis; deaŧalaš oskkoldatlaš ja politihkalaš guovddáš. >\+xt Jos 4,19\+xt*. Gilgalis israellaččat maid nannejedje gonagasválddi, \+xt 1 Sam 11,14č\+xt*, ja Hosea moaitá dan. Gč. \+xt 8,4.
Forrige kapittelNeste kapittel

14. april 2021

Dagens Bibelord

Esekiel 34,11–16

Les i nettbibelen

11Så sier Herren Gud: Se, jeg vil selv lete etter sauene mine og ta meg av dem. ... Vis hele teksten

11Så sier Herren Gud: Se, jeg vil selv lete etter sauene mine og ta meg av dem. 12Som en gjeter tar seg av sauene sine og er med dem den dagen de blir spredt, slik vil jeg ta meg av sauene mine og berge dem fra alle stedene de kom til da de ble spredt, på den mørke og skytunge dagen. 13Jeg vil føre dem ut fra folkene, samle dem fra landene og føre dem inn i deres eget land. Så skal jeg gjete dem på fjellene i Israel, i dalene og overalt hvor de bor i landet. 14På gode beitemarker skal jeg gjete dem, de skal ha engene sine på Israels høye fjell. Der skal de hvile i frodige enger. De skal gå på saftige beiter på fjellene i Israel. 15Jeg vil gjete sauene mine og la dem hvile, sier Herren Gud. 16Jeg vil lete opp de bortkomne, føre tilbake de fordrevne, forbinde de skadde, styrke de syke, vokte de fete og sterke og gjete dem på rett vis.