Bibelsøk

Søk
Velg oversettelse
Hvor finner jeg...

Tilbake til oversikten

Paulusa girji galatialaččaide

1 2 3 4 5 6

Neste kapittel

Dearvvuođat
1Paulus, apostal, gii in leat ožžon apostala barggu olbmuin inge guđege olbmo bokte, muhto Jesus Kristusis ja Ipmil Áhčis, guhte bajásčuoččáldahtii su jábmiid luhtte.  2 Mun ja buot vieljat geat leat muinna, cealkit dearvvuođaid Galatia searvegottiide.
   
 3 Árbmu lehkos dinguin ja ráfi Ipmilis, min Áhčis, ja Hearrás Jesus Kristusis,  4 guhte attii iežas min suttuid dihte vai beasttášii min eret dálá bahás máilmmis, min Ipmila ja Áhči dáhtu mielde.  5 Su lea gudni álo ja agálašvuhtii. Amen.
Ii leat eará evangelium
 6 Mun imaštan go dii nu johtilit jorgalehpet eret sus guhte lea rávkan din Kristusa árpmu bokte ja jorgalehpet eará evangeliumii.  7 Muhto ii leat mihkkege eará evangeliumiid. Muhtumat leat dušše čádjidahttimin din ja vigget jorgut Kristusa evangeliuma.  8 Muhto jos velá mii dahje muhtun almmi eŋgel sárdnidivččii didjiide eará evangeliuma go dan maid mii leat sárdnidan didjiide, de lehkos son garuhuvvon.  9 Mii leat dadjan dan ovdal, ja dál mun geardduhan dan: Jos muhtin sárdnida didjiide eará evangeliuma go dan maid dii lehpet váldán vuostá, de lehkos son garuhuvvon.
Kristus lea rávkan Paulusa apostalin
10 Leango dál oččodeamen olbmuid dohkkeheami vai Ipmila? Leango viggamin leat olbmuid miela mielde? Jos vikkan leat olbmuid miela mielde, de in leat Kristusa bálvaleaddji.
   
11 Vieljat, mun dieđihan didjiide ahte dat evangelium maid mun sárdnidan, ii leat olbmuid oahppa. 12 Mun in leat ožžon dan olbmuin, iige oktage leat oahpahan dan munnje, muhto Jesus Kristus almmustahtii dan munnje.
   
13 Diihan lehpet gullan mo mun ovdal ellen juvddálažžan lága mielde, man garrasit mun doarrádallen Ipmila girku ja geahččalin duššadit dan. 14 Mun bargen áŋgireappot juvddálašvuođas go eatnat iežan ahkásaččat ja áŋgiruššen ovddidit oahpahusaid mat ledje árbejuvvon áhčiin. 15 Muhto Ipmil, guhte válljii mu juo eatniheakkas ja árpmustis rávkkai mu, 16 mearridii almmustahttit Bártnis munnje, vai mun vuolggášin sárdnidit báhkiniidda su evangeliuma. Dalle mun in ohcan ráđi ovttage olbmos 17 inge mannan bajás Jerusalemii deaivvadit daiguin geat ledje šaddan apostalin ovdal mu, muhto vulgen Arabiai ja máhccen doppe Damaskusii.
   
18 Easkka golbma jagi maŋŋil mannen Jerusalemii oahpásmuvvat Kefasiin, ja mun orron su luhtte njealljenuppelot beaivvi 19 Mun in oaidnán eará apostaliid, dušše Jakoba, Hearrá vielja. 20 Ipmila muođuid ovddas mun duođaštan ahte dat maid čálán didjiide, ii leat gielis. 21 Dasto mun vulgen Syriai ja Kilikiai. 22 Kristusa searvegottit Judeas eai dovdan mu. 23 Sii ledje dušše gullan ahte: “Dat olmmái gii ovdal doarrádalai min, sárdnida dál dan oskku maid geahččalii duššadit.” 24 Ja sii rámidedje Ipmila mu dihte.
Gal 1,1 viser til Apd 22,21+, Gal 1,11
Note apostal: áirras gii sártnui iežas hearrá sajis. Namahus adnojuvvo dábálaččat Jesusa 12 máhttájeaddji birra, muhto maiddái soames eará birra.
Note buot vieljat geat leat muinna: Efesosa kristtalaččat. \fq Galatia: guovddášguovlu Uhca-Asias, dálá Tyrkias. Ii leat čielggas čujuhuvvogo romalaš provinsii Galatiai vai dušše Galatia eatnamii.
Gal 1,5 viser til Rom 16,27, Ef 3,1, 1 Tim 0,0, 2 Tim 0,0
Note Amen: hebreagiela mielde “dat lea vissis ja duohta”. amen.
Note Kristusa árpmu bokte: eará giehtačállosiin lea “árpmus”.
Gal 1,8 viser til 1 Kor 0,0, 2 Kor 0,0
Note de lehkos son garuhuvvon: Seammálágan garuheamit leat eará juvddálaš, kristtalaš ja greikkalaš-romalaš teavsttain. Dat čujuhit dakkár olbmuide ja diŋggaide maid Ipmil garuha dahje main moaráhuvvá. Vrd. \+xt Rom 9,3; 1 Kor 12,3; 16,22.
Gal 1,12 viser til Gal 1,1
Gal 1,14 viser til Apd 22,3, Fil 3,5
Note áhčiin: áhčči.
Gal 1,15 viser til Jer 1,5, Rom 1,1
Note Ipmil, guhte: eará giehtačállosiin lea “son guhte”.
Note Arabia: guovllut Bassi eatnama nuortta- ja lulábealde.
Gal 1,18 viser til Matt 16,18+, Apd 9,26
Note Kefas: apostal Peter. Gč. \+xt Joh 1,42.
Gal 1,19 viser til Matt 13,55
Note Jakob: Jesusa viellja gii jođihii Jerusalema searvegotti 40-logu gaskkamuttu rájes.
Neste kapittel

10. mai 2021

Dagens Bibelord

Lukas 18,1–8

Les i nettbibelen

1Han fortalde dei ei likning om at dei alltid skulle be og ikkje mista motet: 2«I ein by var det ein dommar som ikkje hadde ærefrykt for Gud og ikkje tok omsyn til noko menneske. ... Vis hele teksten

1Han fortalde dei ei likning om at dei alltid skulle be og ikkje mista motet: 2«I ein by var det ein dommar som ikkje hadde ærefrykt for Gud og ikkje tok omsyn til noko menneske. 3I same byen var det ei enkje. Ho kom gong på gong til han og sa: ‘Hjelp meg i saka med motparten min, så eg kan få min rett.’ 4Lenge ville han ikkje, men til slutt sa han med seg sjølv: ‘Endå eg verken har ærefrykt for Gud eller tek omsyn til noko menneske, 5vil eg hjelpa denne enkja til retten hennar, sidan ho plagar meg slik, elles endar det vel med at ho flyg like i synet på meg.’» 6Og Herren sa: «Høyr kva denne uærlege dommaren seier! 7Skulle så ikkje Gud hjelpa sine utvalde til retten deira, dei som ropar til han dag og natt? Er han sein til å hjelpa dei? 8Eg seier dykk: Han skal raskt sørgja for at dei får sin rett. Men når Menneskesonen kjem, skal han då finna trua på jorda?»