Bibelsøk

Søk
Velg oversettelse
Hvor finner jeg...

Tilbake til oversikten

Jesaja

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66

Forrige kapittelNeste kapittel

Hearrá árpmiha Israela
54Ávvut, sahkuheapme,
          don gii it leat goassege riegádahttán!
          Bajit ávvučuorvasa,
          don geas eai goassege leat leamaš ávttat!
          Danin go du, hilgojuvvon nissona,
          mánát leat eanebut go dan mánát
          geas lea boadnjá,
          cealká Hearrá.
          
   
 2 Daga goahtesaját stuorisin,
          leappo loavdagiid seasttekeahttá!
          Fanat báttiid,
          dearppa čuolddaid nanusin!
          
   
 3 Don viidánat lulás ja lávddat davás,
          du nálli ádjá eret vierroálbmogiid
          ja ássá gávpogiidda
          mat leat šaddan ávdimin.
          
   
 4 Ale bala, it don dárbbaš heahpanit,
          ale ujostala, it don heahppášuhttojuvvo.
          Don beasat vajáldahttit
          nuorravuođa vuolideami,
          it šat muitte leaskavuođa heahpada.
          
   
 5 Du boadnjihan lea son
          gii sivdnidii du,
          – Hearrá, Almmiveagaid Ipmil,
          lea su namma –
          du lonisteaddji lea Israela Bassi –
          son gohčoduvvo oppa eatnama Ipmilin.
          
   
 6 Hearrá rávká du,
          hilgojuvvon ja morašteaddji nissona.
          Iihan oktage hilggo iežas
          nuorravuođa áhká,
          cealká du Ipmil.
          
   
 7 Oanehis boddui mun guđđen du,
          muhto stuorra váibmoláđisvuođastan
          mun válddán du fas ruoktot.
          
   
 8 Go mu moarri govddai,
          de mun čihken dus muođuidan
          oanehis boddui.
          Muhto dál mun árpmihan du
          agálaš oskkáldasvuođain,
          cealká Hearrá, du lonisteaddji.
          
   
 9 Mun vuortnun dego Noa beivviid.
          Dalle mun vurdnon ahte Noa áiggi čázit
          eai šat goassege dulvva eatnama badjelii,
          ja dál mun vuortnun
          ahte mun in šat moaráhuva dutnje
          inge ráŋggo du.
          
   
10 Vaikko várit gáiddašedje
          ja dievát doarggistivčče,
          de mu oskkáldasvuohta
          ii goassege guođe du
          iige mu ráfilihttu duinna lihkahuvvo,
          cealká Hearrá, du árpmiheaddji.

Ođđa Jerusalem
    11 Don vártnuheapme,
          don gii leat stajiduvvon
          ja gean ii oktage jeđđe!
          Du geđggiid mun vuođđudan
          hearvageđggiid ala,
          mun huksen du vuođđudusa safirain.
          
   
12 Du muvrra hárjjiid
          mun dagan rubiinnain,
          du poarttaid kristállain
          ja oppa du birasmuvrra
          mávssolaš geđggiin.
          
   
13 Hearrá ieš oahpaha buot du bártniid,
          stuorisin šaddá du mánáid ráfi.
          
   
14 Vuoigatvuohta lea du vuođđudus.
          Don leat guhkkin áŧestusain
          – dus ii leat ballamuš,
          guhkkin heavus
          – dat ii ole du rádjái.
          
   
15 Jos muhtin falleha du,
          de dat ii leat mu dahku.
          Dat gii falleha du, gahččá du ovdii.
          
   
16 Mun lean sivdnidan rávdi
          bossut čađđadola
          ja duddjot vearjjuid adniid gihtii,
          lean maiddái sivdnidan duššadeaddji
          duššadit.
          
   
17 Muhto juohke vearju
          mii dáhkkojuvvo du vuostá,
          lea beaktilmeahttun.
          Juohke njuokčama mii áššáskuhttá du,
          don duođaštat gielisin.
          Dát lea Hearrá bálvaleddjiid oassi.
          Mun attán sidjiide dasa vuoigatvuođa,
          cealká Hearrá.
Jes 54,1 viser til Sef 3,14, Sak 9,9, Gal 4,27
Note sahkuheapme: govvida Jerusalema.
Jes 54,4 viser til id 0,0
Jes 54,8 viser til l 0,0
Forrige kapittelNeste kapittel

16. april 2021

Dagens Bibelord

Markus 6,35–44

Les i nettbibelen

35Det var nå blitt sent på dagen, og disiplene kom til ham og sa: «Stedet er øde, og det er alt blitt sent. 36Send dem fra deg, så de kan dra til gårdene og landsbyene her omkring og kjøpe mat.» ... Vis hele teksten

35Det var nå blitt sent på dagen, og disiplene kom til ham og sa: «Stedet er øde, og det er alt blitt sent. 36Send dem fra deg, så de kan dra til gårdene og landsbyene her omkring og kjøpe mat.» 37Men Jesus svarte: «Dere skal gi dem mat!» De sa: «Skal vi kanskje gå og kjøpe brød for to hundre denarer, så de kan få spise?» 38«Hvor mange brød har dere?» spurte han. «Gå og se etter!» Da de hadde gjort det, sa de: «Fem brød og to fisker.» 39Så sa han at de skulle la alle danne matlag og sette seg i det grønne gresset. 40Og de slo seg ned, rekke ved rekke – noen på hundre og noen på femti. 41Så tok han de fem brødene og de to fiskene, løftet blikket mot himmelen og ba takkebønnen, brøt brødene i stykker og ga til disiplene, for at de skulle dele ut til folk. De to fiskene delte han også ut til alle. 42Og alle spiste og ble mette. 43Etterpå samlet de opp tolv fulle kurver med brødstykker og fisk. 44Det var fem tusen menn som hadde spist.