Bibelsøk

Søk
Velg oversettelse
Hvor finner jeg...

Tilbake til oversikten

Sakarja

1 2 3 4 5 6 7 8 9 10 11 12 13 14

Neste kapittel

Jorgalehket mu beallái!
1Dareiosa nuppi ráđđenjagi gávccát mánus bođii profehta Sakarjai, Berekja bárdnái, Iddo áddjubii, dát Hearrá sátni:
   
 2 Hearrá moaráhuvai din áhčiide.  3 Sártno álbmogii: Ná cealká Hearrá, Almmiveagaid Ipmil: Jorgalehket mu beallái, de mun jorgalan din beallái, cealká Hearrá, Almmiveagaid Ipmil.  4 Allet daga nu mo din áhčit. Ovddit profehtat celke sidjiide: “Ná cealká Hearrá, Almmiveagaid Ipmil: Jorgalehket bahás vádjolusasteattet ja bahás daguineattet!” Muhto sii eai guldalan mu eaige beroštan mu sániin, cealká Hearrá.  5 Gos dál leat din áhčit? Naba profehtat, elletgo siige agálaš áigái?  6 Eaigo mu sánit ja mu mearrádusat maid mun gohččon bálvaleddjiidan profehtaid gulahit, ollán din áhčiide? Sii guorahalle iežaset ja dadje: “Nugo Hearrá, Almmiveagaid Ipmil, lei mearridan dahkat midjiide min vádjolusa ja bahás daguid dihte, nu son lea maid dahkan.”
Vuosttaš oainnáhus: Riidejeaddjit
 7 Dareiosa nuppi ráđđenjagi oktanuppelogát mánus dahjege šebatmánus, mánu guokteloginjealját beaivvi bođii Hearrá sátni profehta Sakarjai, Berekja bárdnái, Iddo áddjubii:
   
 8 Mun oidnen oainnáhusa mannan ija. Olmmái riidii rukses heasttain ja orustii suoivanii myrtamuoraid gaskii, ja su duohken ledje rukses, ruškes ja vilges heasttat.  9 Mun jerren: “Mat dát leat, hearrá?” Eŋgel guhte sártnui muinna, vástidii: “Mun čájehan dutnje mat dat leat.” 10 Ja olmmái gii lei orustan myrtamuoraid gaskii, celkkii: “Dat leat dat geaid Hearrá lea vuolggahan mannat miehtá eatnama.” 11 Sii dadje Hearrá eŋgelii gii lei orustan myrtamuoraid gaskii: “Mii leat vádjolan miehtá eatnama, ja oppa eanan lea mášus ja jaska.” 12 Dalle Hearrá eŋgel celkkii: “Hearrá, Almmiveagaid Ipmil, man guhká don vuorddát ovdal go árpmihat Jerusalema ja Juda gávpogiid? Donhan leat leamaš moaris daidda čiežalogi jagi.” 13 Dalle Hearrá jeđđii eŋgela ja sártnui sutnje láđđásit. 14 Ja eŋgel guhte sártnui muinna, gohčui mu čuorvut:
          Ná cealká Hearrá, Almmiveagaid Ipmil:
          Mun lean áŋgir,
          mus lea buolli áŋgirvuohta
          Jerusalema ja Siona dihte,
          
   
15 Mun lean moaráhuvvan
          oadjebas álbmogiidda.
          Mun ledjen dušše uhccánaš moaris,
          muhto sii dahke ráŋggáštusa ilá stuorisin.
          
   
16 Dan dihte Hearrá cealká:
          Váibmoláđisvuođas mun jorgalan
          fas Jerusalema beallái.
          Mu tempel huksejuvvo dohko,
          cealká Hearrá, Almmiveagaid Ipmil,
          ja mihttobáddi čavgejuvvo
          Jerusalema badjel.
          
   
17 Čuorvvo ain:
          Ná cealká Hearrá, Almmiveagaid Ipmil:
          Velá oktii mu gávpogiin
          lea valjis buot buorre.
          Velá oktii mun jeđđen Siona,
          velá oktii mun válljen Jerusalema.
Sak 1,1 viser til Esra 5,1, Hag 1,1
Note Dareiosa nuppi ráđđenjagi: 520 o.Kr.
Note oktanuppelogát … beaivvi: guovvamánus 519 o.Kr.
Sak 1,9 viser til Sak 2,2
Sak 1,12 viser til l 0,0, Jes 23,15-17, Jes 40,2, Jer 29,10
Note čiežalogi jagi: Čiežalogi jagi adnojuvvui heivvolaš ráŋggáštussan.
Sak 1,16 viser til Jes 54,7, Sak 8,3
Note mihttobáddi čavgejuvvo: Gávpot ja muvrrat galget mihtiduvvot ja huksejuvvot fas. Vrd. \+xt Jer 31,38č.
Neste kapittel

20. april 2021

Dagens Bibelord

2. Korinter 4,14–18

Les i nettbibelen

14For vi vet at han som reiste opp Herren Jesus, han skal også reise oss opp sammen med ham og føre oss fram sammen med dere. 15Men alt skjer for deres skyld, for at nåden skal bli stor og få takken til å stige fra så mange flere – til Guds ære. ... Vis hele teksten

14For vi vet at han som reiste opp Herren Jesus, han skal også reise oss opp sammen med ham og føre oss fram sammen med dere. 15Men alt skjer for deres skyld, for at nåden skal bli stor og få takken til å stige fra så mange flere – til Guds ære. 16Derfor mister vi ikke motet, for selv om vårt ytre menneske går til grunne, blir vårt indre menneske fornyet dag for dag. 17De trengslene vi nå må bære, er lette, og de skaper for oss en evig rikdom av herlighet som veier uendelig mye mer. 18Vi har ikke det synlige for øye, men det usynlige. For det synlige tar slutt, det usynlige er evig.