Bibelsøk

Søk
Velg oversettelse
Hvor finner jeg...

Tilbake til oversikten

Sefanja

1 2 3

Forrige kapittel

Jerusalema duopmu
3Vuoi nággáris
          ja duolvaduvvon gávpoga,
          veahkaválddálaš gávpoga!
          
   
 2 Ovttage dat ii doahttalan,
          ii oahppan bagadusas.
          Dat ii luohttán Hearrái,
          ii jorgalan Ipmilis beallái.
          
   
 3 Dan oaivámuččat
          leat dego čeargu ledjonat,
          dan duopmárat dego gumppet
          – eai dat guođe dávttige iđedassii.
          
   
 4 Dan profehtat leat rámppas,
          behtolaš olbmát,
          dan báhpat dahket eahpebassin
          dan mii lea bassi
          ja rihkkot Hearrá lága.
          
   
 5 Muhto Hearrá,
          guhte lea vanhurskkis, ássá doppe,
          son ii daga vearrivuođa.
          Juohke iđida son addá duomus,
          ii dat báze boađekeahttá go čuvggoda.
          Muhto vearredahkki ii dovdda heabu.
          
   
 6 Mun lean duššadan álbmogiid,
          daid ladnetoartnat leat hádjosan.
          Mun lean dahkan gáhtaid ávdimin,
          ii oktage vádjol daid,
          mun lean stajidan gávpogiid,
          daidda ii báhcán oktage,
          ii oktage olmmoš.
          
   
 7 Mun jurddašin:
          “Dál don, Jerusalem, vissásit balat mus
          ja válddát vuostá bagadusa
          itge badjelgeahča mu ráŋggáštusa.”
          Muhto sii suddudedje ain áŋgireappot.
          
   
 8 Dan dihte vurdet mu, cealká Hearrá,
          vurdet dan beaivvi
          go mun čuožžilan duođaštit.
          Mun lean mearridan čohkket álbmogiid,
          mun rávkkan riikkaid du vuostá
          vai beasan gurret daidda moarrán,
          buot mu buolli vaši.
          Mu buolli áŋgirvuohta
          duššada oppa eatnama.

Israela bázahas bestojuvvo
     9 Dalle mun attán álbmogiidda
          buhtes baksamiid,
          nu ahte dat čurvot Hearrá nama,
          dat buot bálvalit mu.
          
   
10 Don bealde Nubia jogaid
          mu bálvaleaddjit buktet munnje
          oaffarattáldagaid.
          
   
11 Dan beaivvi don, Jerusalem,
          it dárbbaš šat heahpanaddat,
          vaikko leat rihkkon mu vuostá.
          Dalle mun jávkadan du gaskkas
          goargadis ja badjelgeahččalas olbmuid,
          čeavláid mun áján eret bassi váristan.
          
   
12 Váivvášiid ja vuollegaččaid
          mun divttán báhcit ássat doppe,
          álbmoga mii dorvvasta Hearrá nammii.
          
   
13 Dat geat vel leat báhcán Israelis,
          eai daga šat vearrivuođa
          eaige sártno giellásiid,
          sin njálmmis ii boađe behtolaš sáhka.
          Dat eallu gávdná guohtuma
          ja eallá ráfis,
          iige oktage suorggat dan.
          
   
14 Ávvut, nieida Sion,
          čuorvvo ilus, Israel!
          Illut ja ávvut oppa váimmus,
          nieida Jerusalem!
          
   
15 Hearrá lea jávkadan du ráŋggáštusa
          ja heavahan du vašálaččaid.
          Hearrá, Israela gonagas, ássá du gaskkas,
          it don dárbbaš šat ballat mange bahás.
          
   
16 Dan beaivvi celkojuvvo Jerusalemii:
          Ale bala, Sion,
          ale divtte gieđaid njuorrat!
          
   
17 Hearrá, du Ipmil, lea duinna,
          son lea veagalaš, son beastá.
          Don leat su illu, son čájeha fas
          iežas stuorra ráhkisvuođa.
          Dat geat moraštit guhkkin dan báikkis
          gos mu álbmot čoaggana,
          
   
18 besset illudit du dihte stuorra ávuin.
          Mun jávkadan dus odne dan heahpada
          maid don leat guoddán.
          
   
19 Geahča, go dat áigi boahtá,
          de mun ráŋggáštan daid geat sorde du.
          Mun veahkehan skierpmáid
          ja čohkken daid
          geat ledje áddjojuvvon hájilassii.
          Mun attán sidjiide gudni ja rámi
          juohke báikkis gos sii
          leat heahppášuhttojuvvon.
          
   
20 Go dat áigi boahtá,
          de mun doalvvun din ruoktot,
          dalle mun čohkken din.
          Mun attán didjiide rámi ja gudni
          buot eatnama álbmogiid gaskkas,
          go mun din čalmmiid ovddas
          jorgalan din vuorbbi,
          cealká Hearrá.
Sef 3,9 viser til Jes 6,5
Sef 3,10 viser til l 0,0, Jes 18,7, Jes 60,5, Jes 66,20, Mi 4,1
Note Nubia: eanan Egypta lulábealde; seammá go Kuš. Vrd. \+xt 1 Mos 2,13; Jes 18,1.
Sef 3,14 viser til Sak 9,9
Note : Masorehtalaš teaksta ii leat čielggas.
Forrige kapittel

13. april 2021

Dagens Bibelord

Matteus 9,35–38

Les i nettbibelen

35Jesus vandret nå omkring i alle byene og landsbyene. Han underviste i synagogene deres, forkynte evangeliet om riket og helbredet all sykdom og plage. ... Vis hele teksten

35Jesus vandret nå omkring i alle byene og landsbyene. Han underviste i synagogene deres, forkynte evangeliet om riket og helbredet all sykdom og plage. 36Og da han så folkemengdene, fikk han inderlig medfølelse med dem, for de var forkomne og hjelpeløse, som sauer uten gjeter. 37Da sa han til disiplene sine: «Høsten er stor, men arbeiderne få. 38Be derfor høstens herre sende ut arbeidere for å høste inn grøden hans.»