Bibelsøk

Søk
Velg oversettelse
Hvor finner jeg...

Tilbake til oversikten

Jeremia

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52

Forrige kapittelNeste kapittel

Ammona duopmu
49Ammonii.
          Ná cealká Hearrá:
          Eaigo Israelis leat mánát,
          iigo sus leat árbbolaš?
          Manne Milkom lea árben Gada eatnamiid
          ja su olbmot ássan dan gávpogiidda?
          
   
 2 Beaivvit bohtet, cealká Hearrá,
          go mun bajidan soahtečuorvasa
          ammonlaččaid Rabba vuostá.
          Dat šaddá ávdin čievračopman,
          ja dan birasgávpogat boldojuvvojit.
          Israel váldá fas iežas árbeeatnama
          dain geat válde dan sus,
          cealká Hearrá.
          
   
 3 Luoimma, Hešbon,
          dasgo Ai lea duššaduvvon!
          Bárgot, Rabba nieiddat,
          gárvodehket horstta, váidalehket,
          hávvadehket iežadet spižáin!
          Dasgo Milkom dolvojuvvo fáŋgavuhtii,
          oktan suinna dan báhpat ja oaivámuččat.
          
   
 4 Manne don rámádalat searainat?
          Du searat leat jávkan,
          don oskkáldasmeahttun nieida.
          Don dorvvastat iežat dávviriidda
          ja dajat: “Gii mu fallehivččii?”
          
   
 5 Mun divttán du sakka suorganit,
          cealká Hearrá, Almmiveagaid Ipmil,
          suorggahus juohke guovllus.
          Dii biđgejuvvobehtet buot báikkiide,
          iešguhtege guvlosis,
          iige oktage čohkke báhtareddjiid.
   
 6 Muhto maŋŋil mun jorgalan ammonlaččaid vuorbbi, cealká Hearrá.
Edoma duopmu
 7 Edomii.
          Ná cealká Hearrá, Almmiveagaid Ipmil:
          Iigo Temanis leat šat
          mihkkege viisodagaid?
          Leatgo jierpmálaččat ráđehuvvan,
          leago sin viissisvuohta basttehuvvan?
          
   
 8 Báhtarehket, jorggihehket!
          Čiehkádehket čiekŋalassii,
          dii geat ássabehtet Dedanis!
          Mun buvttán Esaui oasehisvuođa.
          Lea boahtán áigi ráŋggáštit su.
          
   
 9 Go viidnemuorječoaggit bohtet,
          de eai sii guođe maidege maŋŋerádjamii.
          Go suollagat bohtet ihkku,
          de sii spedjet gitta dassážii
          go sis lea galle.
          
   
10 Mun nuolahan Esau álásin
          ja ivttán su čiehkádanbáikkiid,
          amas šat beassat čiehkádit.
          Su mánát, vieljat ja siidaguoimmit
          duššaduvvojit.
          Sis ii báze oktage gii sáhtášii dadjat:
          
   
11 “Guođe munnje oarbbes mánáidat,
          mun áimmahušan sin,
          du leaskkat sáhttet dorvvastit munnje.”

   
12 Ná cealká Hearrá: Velá datge geat eai leat dubmehallan juhkat mu moari geara, fertejit juhkat dan. Ja dongo, Edom, beasašit ráŋggáškeahttá! It de beasa, donnai fertet juhkat! 13 Mun, Hearrá, lean vurdnon iežan bokte: Bosra dahkkojuvvo ávdimin ja bilkiduvvo, dat duššaduvvo ja dan namma adnojuvvo garuhussan. Maiddái buot dan birasgávpogat šaddet čievračopman, iige dain goassege šat ása oktage olmmoš.
          
   
14 Mun lean gullan maid Hearrá
          lea sárdnon.
          Áirras lea vuolggahuvvon
          gulahit álbmogiidda:
          “Čoahkkanehket, ja mannet
          gávpoga vuostá,
          čuožžilehket soahtat!”
          
   
15 Hearrá cealká ná Edomii:
          Geahča, mun dagan du uhccin
          álbmogiid gaskkas,
          olbmuid badjelgeahčahassan.
          
   
16 Ballu maid leat dagahan
          ja du váimmu goargatvuohta
          leat dájuhan du
          gii ásat bákteskoaruin
          ja eaiggádasttát alážiid.
          Vaikko huksešit beasi allagassii
          nugo goaskin,
          de mun nordadan du doppe vuolás,
          cealká Hearrá.
   
17 Edom šaddá ávdimin. Juohkehaš gii manná meattá, soasiha go oaidná dan heavu. 18 Dan vuorbi lea seammá go Sodoma ja Gomorra ja daid lagaš gávpogiid vuorbi, cealká Hearrá. Ii oktage ása Edomii, doppe ii oro oktage olmmoš. 19 Nugo ledjon boahtá Jordana gáddesuovkkas ruodnájeaddji rássebáikái, nu mun čalbmeravkalanbottus áján edomlaččaid eatnamis. Gean mun lean válljen ráđđet dan? Gii lea mu veardásaš, gii áššáskuhtášii mu? Gii báimmaniid ceavzá mu ovddas? 20 Gullet maid Hearrá lea mearridan Edoma hárrái, maid son áigu dahkat Temana ássiide:
          Duođaid, čorraga uhcimus lábbážatge
          gessojuvvojit eret,
          duođaid, rássebáikkit šaddet ávdimin
          olbmuid bahávuođa geažil!
          
   
21 Go Edom gahččá, de eanan doarggista,
          gitta Ruksesmeara rádjai gullo bárgun.
          
   
22 Goaskima láhkái son loktana,
          girdá leapposoajáiguin Bosra guvlui.
          Dan beaivvi Edoma soahteolbmát
          leat dego nisson mánnáheađis.

Damaskusa duopmu
23 Damaskusii.
          Hamat ja Arpad goavddustuvvet,
          dat leat gullan bahás sága.
          Dat doarggistit dego leabuhis mearra
          mii ii jaskkot.
          
   
24 Damaskus heardduhuvvá,
          jorggiha báhtui ja biertaluvvá.
          Áŧestus ja ávttat čárvot dan
          dego riegádahtti nissona.
          
   
25 Hilgojuvvon lea máinnolmas gávpot,
          ávu ruovttusadji!
          
   
26 Nuorra olbmát gahččet dan šiljuide,
          buot soahteolbmát gottáhallet
          dan beaivvi,
          cealká Hearrá, Almmiveagaid Ipmil.
          
   
27 Mun buollahan
          Damaskusa muvrraid,
          dolla loaktá Ben-Hadada šloahtaid.

Kedara ja Hasora duopmu
28 Kedara ja Hasora birra maid Babylona gonagas Nebukadnesar časkkii.
          Ná cealká Hearrá:
          Čuožžilehket, fallehehket Kedara,
          časket nuortti olbmáid!
          
   
29 Sin goađit ja ealut dolvojuvvojit,
          sin loavdagat ja dávvirat rieviduvvojit,
          sin kamelat váldojuvvojit sálašin.
          Čuorvvas gullo: “Hirbma juohke sajis!”
          
   
30 Báhtarehket, vihket johtilit,
          čiehkádehket, dii Hasora ássit,
          cealká Hearrá.
          Dasgo Babylona gonagas Nebukadnesar
          lea dahkan mearrádusa din birra,
          son lea hutkan juona din vuostá.
          
   
31 Čuožžilehket, fallehehket
          ráfálaš álbmoga
          mii eallá oadjebassan,
          cealká Hearrá.
          Sii ásset sierranassii,
          eai sis leat poarttat eaige smarttit.
          
   
32 Sin kamelat stajiduvvojit,
          sin eatnat oamit šaddet sálašin.
          Mun biđgen buot biekkaide daid olbmáid
          geain leat birrajevdejuvvon vuovttat.
          Mun divttán oasehisvuođa deaividit
          sin juohke bealde,
          cealká Hearrá.
          
   
33 Hasor šaddá ávdin meahccin,
          dat ii goassege šat huksejuvvo,
          šakálat atnet dan orrunsadjineaset.
          Ii oktage ása dohko,
          doppe ii oro oktage olmmoš.

Elama duopmu
34 Dát lea Hearrá sátni profehta Jeremiai Elama birra, dalle go Sidkia lei šaddan Juda gonagassan.
          
   
35 Ná cealká Hearrá, Almmiveagaid Ipmil:
          Mun doaján Elama fámu,
          cuvken dan dávggi.
          
   
36 Mun buvttán njeallje biekka
          fallehit Elama njealji almmiguovllus
          ja botkkuhan elamlaččaid daid biekkaide.
          Ii leat dakkár álbmot
          gosa báhtareaddjit eai boađáše.
          
   
37 Mun divttán elamlaččaid gáfestuvvat
          vašálaččaineaset,
          dain geat bivdet sin heakka.
          Mun buvttán sidjiide oasehisvuođa,
          iežan buolli moari,
          cealká Hearrá.
          Mun vuolggahan miehki oaguhit sin,
          dassážii go lean loaktán sin.
          
   
38 Mun bijan truvdnon Elamii,
          duššadan doppe gonagasa ja oaivámuččaid,
          cealká Hearrá.
   
39 Muhto boahtti beivviid mun jorgalan Elama vuorbbi, cealká Hearrá.
Jer 49,1 viser til Esek 21,33, Esek 25,2, Am 1,13
Note Milkom: ammonlaš váldoipmil. Milkom. \fq Gad: Gada nálli lei ožžon oasi Nuorta-Jordaneatnamis. Vrd. \+xt 4 Mos 32; Jos 13,24eč\+xt*. Doppe sii sohte ammonlaččaiguin. Vrd. \+xt Duop 10,6–12,6; 1 Sam 10,27–11,15.
Note Rabba: ammonlaččaid oaivegávpot, dálá Amman. ammonlaččat.
Jer 49,7 viser til Jes 34,1, Esek 25,12, Am 1,11
Note Teman: guovlu Edomis; dávjá namma adnojuvvo oppa Edoma birra. Gč. \+xt Am 1,12.
Note Dedan: >\+xt 25,23\+xt*. \fq Esaui: Edomlaččat adnojuvvojedje Esau nállin. Gč. v. 10.
Jer 49,23 viser til Jes 10,9, Jes 17,1, Jes 57,20, Am 1,3
Note Hamat: aramealaš riika Orontesjoga gáttis. >\+xt 2 Sam 8,9\+xt*. \fq Arpad: aramealaš gávpotstáhta Hamata davábealde. Gč. \+xt 2 Gon 18,34\+xt*.
Jer 49,27 viser til Am 1,4
Note Ben-Hadad: Vrd. \+xt 1 Gon 15,18.20; 20,1eč.
Jer 49,28 viser til Jes 21,13, Jer 2,10, Jer 25,24
Note Kedar, Hasor: jáhkkimis johttiálbmogat Davvi-Arabias.
Forrige kapittelNeste kapittel

12. april 2021

Dagens Bibelord

1. Peter 5,1–4

Les i nettbibelen

1De eldste blant dere ber jeg inntrengende, jeg som selv er en eldste og et vitne om Kristi lidelser og har del i herligheten som skal åpenbares: ... Vis hele teksten

1De eldste blant dere ber jeg inntrengende, jeg som selv er en eldste og et vitne om Kristi lidelser og har del i herligheten som skal åpenbares: 2Vær hyrder for den Guds flokk som dere har hos dere! Ha tilsyn med den, ikke av tvang, men av fri vilje, slik Gud vil, og ikke for vinnings skyld, men av hjertet. 3Gjør dere ikke til herrer over dem som Gud har gitt dere ansvar for, men vær et forbilde for flokken. 4Når den øverste hyrden åpenbarer seg, skal dere få herlighetens seierskrans som aldri visner.