Bibelsøk

Søk
Velg oversettelse
Hvor finner jeg...

Tilbake til oversikten

Jeremia

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52

Forrige kapittelNeste kapittel

Hearrá beastá iežas álbmoga
30Jeremiai bođii dát Hearrá sátni:  2 Ná cealká Hearrá, Israela Ipmil: Čále girjái buot sániid maid mun sártnun dutnje.  3 Bohtet beaivvit go mun jorgalan iežan álbmoga Israela ja Juda vuorbbi ja buvttán sin ruoktot dan eatnamii maid mun adden sin áhčiide, ja sii váldet dan oapmineaset.
   
 4 Dát leat sánit maid Hearrá sártnui Israelii ja Judai.  5 Ná cealká Hearrá:
          Mii leat gullan heahtečuorvasa:
          Lea hirbma, ii ráfi!
          
   
 6 Jerret ja gehččet:
          Riegádahttágo olmmáiolmmoš?
          Manne mun dalle oainnán juohke dievddu
          atnimin gieđaid alimiiddiset vuostá
          dego riegádahtti nissonat,
          manne buohkaid ámadadju
          lea šovkkodan?
          
   
 7 Vuoi! Stuoris lea dat beaivi,
          ii leat nubbi dan láhkásaš.
          Dat lea áŧestusa áigi Jakobii,
          muhto son gáddjojuvvo das.
   
 8 Dan beaivvi, cealká Hearrá, Almmiveagaid Ipmil, mun doaján geassá du niskkis ja botken du čanastagaid. Dalle israellaččat eai šat bargga vierroolbmuid bálvaleaddjin,  9 muhto sii bálvalit Hearrá, iežaset Ipmila, ja Davida, iežaset gonagasa gean mun čuoččáldahtán sidjiide.
          
   
10 Ale bala, bálvaleaddján Jakob,
          ale soaigge, Israel,
          cealká Hearrá.
          Mun gájun du gáiddus eatnamis,
          buvttán du náli sin fáŋgavuođa eatnamis.
          Jakob máhccá ja eallá oadjebassan,
          iige oktage baldde su.
          
   
11 Dasgo mun lean duinna,
          cealká Hearrá,
          ja mun beasttán du.
          Mun duššadan buot daid álbmogiid
          maid gaskii mun du biđgejin,
          muhto du mun in duššat.
          Mun bagadan du vuoiggalaččat,
          muhto ráŋggáškeahttá mun in guođe du.
          
   
12 Dasgo ná cealká Hearrá:
          Du váddu ii leat buorideames,
          du hávvi ii sáhte dálkkoduvvot.
          
   
13 Ii oktage fuola du áššis
          iige bože du hávi, dat ii savvo.
          
   
14 Buot du ráhkisteaddjit
          leat vajáldahttán du,
          eai sii ohcal du.
          Mun lean časkán du dego vašálaš časká,
          bagadan dego goaves olmmái bagada,
          danne go du vearredagut leat stuorrát
          ja du suttut eatnagat.
          
   
15 Manne don váidalat váttuidat,
          bákčasiiddát mat eai leat buorideames?
          Du stuorra vearredaguid,
          du suttuid eatnatvuođa dihte
          mun lean dahkan dán dutnje.
          
   
16 Muhto maiddái buot du borrit borahallet
          ja buot du vašálaččat gártet fáŋgavuhtii.
          Du rievideaddjit rieviduvvojit,
          ja buot du speddjiid
          mun attán speddjojuvvot.
          
   
17 Mun divttán du háviid savvot
          ja buoridan du váttuid, Sion, cealká Hearrá,
          mun buoridan du
          gii gohčoduvvot “hilggohassan”,
          du gean ii oktage ohcal.
          
   
18 Ná cealká Hearrá:
          Mun ceggen ođđasis Jakoba gođiid,
          mun árpmihan su orrunsajiid.
          Gávpot huksejuvvo čopmasis,
          šloahtta ceaggá rievttes sajistis.
          
   
19 Doppe skájiha máidnunlávlla,
          illudeaddji olbmuid jietna.
          Mun dagan álbmogan eatnagin,
          ii dat uhccán.
          Mun gudnejahtán dan,
          ii dat badjelgehččojuvvo.
          
   
20 Dan bártnit leat dego dolin.
          Su searvegoddi bissu nanusin mu ovddas,
          ja mun ráŋggáštan buohkaid geat sordet sin.
          
   
21 Sin oaivámuš lea okta sis,
          sin ráđđejeaddji boahtá
          sin iežaset searvvis.
          Mun divttán su loaiddastit iežan lusa.
          Gii sáhtášii oskkildit heakkas munnje,
          jos mun in suovaše su boahtit?
          cealká Hearrá.
          
   
22 Dalle dii lehpet mu álbmot,
          ja mun lean din Ipmil.
          
   
23 Geahča, Hearrá dálki,
          moarri badjána, jorri ramádatbiegga,
          riđđu márrá ipmilmeahttumiid oaivvi badjel!
          
   
24 Hearrá buolli moarri ii váhčče,
          ovdal go son lea ollašuhttán
          áigumušaidis ja váimmus jurdagiid.
          Boahtti beivviid dii dan áddebehtet.

   
Jer 30,7 viser til Dan 12,1, Joel 2,11, Sef 1,15
Note Jakobii: Israelii; dás oppa álbmoga namma.
Jer 30,9 viser til Jer 23,5, Esek 34,23, Esek 37,24, Hos 3,5
Note Davida: ođđa gonagas Davida nális.
Forrige kapittelNeste kapittel

12. april 2021

Dagens Bibelord

1. Peter 5,1–4

Les i nettbibelen

1De eldste blant dere ber jeg inntrengende, jeg som selv er en eldste og et vitne om Kristi lidelser og har del i herligheten som skal åpenbares: ... Vis hele teksten

1De eldste blant dere ber jeg inntrengende, jeg som selv er en eldste og et vitne om Kristi lidelser og har del i herligheten som skal åpenbares: 2Vær hyrder for den Guds flokk som dere har hos dere! Ha tilsyn med den, ikke av tvang, men av fri vilje, slik Gud vil, og ikke for vinnings skyld, men av hjertet. 3Gjør dere ikke til herrer over dem som Gud har gitt dere ansvar for, men vær et forbilde for flokken. 4Når den øverste hyrden åpenbarer seg, skal dere få herlighetens seierskrans som aldri visner.