Bibelsøk

Søk
Velg oversettelse
Hvor finner jeg...

Tilbake til oversikten

Jeremia

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52

Forrige kapittelNeste kapittel
31Daid áiggiid, cealká Hearrá, mun lean buot Israela sogaid Ipmil, ja dat leat mu álbmot.
Israel máhccá iežas eatnamii
     2 Ná cealká Hearrá:
          Álbmot mii beasai báhtui miehkis,
          oaččui árpmu ávdin meahcis.
          Israel máhccá fas iežas eatnamii
          ja gávdná ráfi.
          
   
 3 Hearrá almmustuvai munnje,
          son bođii guhkkin ja celkkii:
          Agálaš ráhkisvuođain
          mun lean ráhkistan du,
          danne mun lean leamaš
          dutnje buorre guhkes áiggi.
          
   
 4 Mun huksen du ođđasis,
          ja don huksejuvvot, nieida Israel.
          Don čiŋadat fas, válddát giehtarumbbu
          ja manat dánsut illudeddjiiguin.
          
   
 5 Don gilvvát fas viidnegárddiid
          Samaria váriide,
          ja dat geat gilvet
          besset maid rádjat šaddosiid.
          
   
 6 Boahtá beaivi
          go várdájeaddjit čurvot Efraimváris:
          Bohtet, vulgot Sionii
          Hearrá, min Ipmila, lusa!
          
   
 7 Ná cealká Hearrá:
          Ávvudehket ja illudehket Jakoba dihte,
          čurvot ávus álbmogiid oaivámužžii!
          Máidnot Hearrá, celket:
          “Hearrá lea beastán iežas álbmoga,
          Israela bázahasa!”
          
   
 8 Mun buvttán sin davvieatnamis,
          čohkken sin eatnama olggumuš ravddain.
          Sin searvvis leat čalmmeheamit
          ja skierpmát,
          áhpeheamit ja riegádahttit.
          Stuorra joavkun sii máhccet deike.
          
   
 9 Sii bohtet čieru,
          muhto mun jeđđen ja oahpistan sin.
          Jalges geainnu gokko sii eai jorral,
          mun doalvvun sin čáhceádjagiid gáddái.
          Dasgo mun lean Israela áhčči,
          ja Efraim lea mu vuosttašriegádeaddji.
          
   
10 Álbmogat, gullet Hearrá sáni!
          Gulahehket dan gáiddus mearragáttiide,
          dadjet:
          Son guhte biđgii Israela, čohkke dan fas,
          son gáhtte dan dego báimman ealus.
          
   
11 Hearrá lonista Jakoba
          ja beastá su soardi gieđas.
          
   
12 Sii bohtet ja ávvudit Siona dievás,
          sin muođut báitet ilus
          Hearrá buriid attáldagaid dihte.
          Son addá gortni, viinni ja oljju,
          sávzzaid ja vuovssáid.
          Sii leat ieža dego bures
          láktaduvvon gilvvagárdi,
          eai sii goassege šat vuoimmehuva.
          
   
13 Dalle nieida illuda dánsumiin,
          nuorat ja boarrásat searválagaid.
          Sii leat šaddan gillát,
          muhto mun jorgalan sin morraša ávvun,
          mun jeđđen ja illudahtán sin.
          
   
14 Mun gallehan báhpaid oaffarbuiddiin
          ja biepman álbmogan
          buriid attáldagaiguin,
          cealká Hearrá.
          
   
15 Ná cealká Hearrá:
          Jietna gullo Ramas,
          váidalus ja bahča čierrun.
          Rakel čierru mánáidis
          iige leat jeđđemis,
          danne go sii eai leat šat.
          
   
16 Ná cealká Hearrá:
          Heaitte čierrumis,
          sihko gatnjaliid čalmmiin!
          Don oaččut bálkká rahčamisttát:
          Du mánát máhccet vašálaččaid eatnamis,
          cealká Hearrá.
          
   
17 Dus lea boahtteáiggi doaivu:
          Du mánát máhccet iežaset eatnamii,
          cealká Hearrá.
          
   
18 Mun lean gullan
          Efraima váidaleamen:
          Don, Hearrá, bagadit mu,
          mun bagaduvvojin
          dego dámakeahtes gálbi.
          Jorgalahte mu, de mun jorgalan,
          dasgo don leat Hearrá, mu Ipmil.
          
   
19 Mun jorgalin eret,
          muhto dál mun gáđan.
          Mun jirbmen,
          ja dál mun speaččun alimiiddán.
          Dál mun heahpanattan,
          mun gillán iežan nuorravuođa heahpada.
          
   
20 Almma Efraim lea mu ráhkis bárdni,
          mu jiellatmánná?
          Vaikko mun lean velá dávjáge
          sárdnon su vuostá,
          de mun in sáhte vajáldahttit su.
          Mu siskkildas njuorrá su dihte,
          mun ferten árpmihit su, cealká Hearrá.
          
   
21 Bardde bálggesuraid,
          dihkkát geainnu!
          Váldde vuhtii dan geainnu,
          dan bálgá man leat vádjolan.
          Jorgal ruoktot, nieida Israel,
          máhca gávpogiiddásat!
          
   
22 Man guhká don vel áiggut mohkohallat,
          jorralan nieida?
          Dál Hearrá sivdnida eatnamis
          juoga ođđasa:
          Nisson gáhtte olbmá.

   
23 Ná cealká Hearrá, Almmiveagaid Ipmil, Israela Ipmil: Go mun jorgalan Juda vuorbbi, de ohpihii celkojuvvojit dát sánit Juda eatnamis ja dan gávpogiin: “Hearrá buressivdnidehkos du, bassi várri, vanhurskkisvuođa ássansadji!” 24 Juda eatnamis ja buot dan gávpogiin ásset olbmot – eanandoallit searválagaid daiguin geat johtet ealuiguin, ásset doppe. 25 Mun áhpásmahtán viessan olbmo, gallehan dan gii lea vuoimmehuvvan.
   
26 Dasa mun morihin ja geahčadin iežan birra. Nagir lei munnje njálggis.
   
27 Beaivvit bohtet, cealká Hearrá, go mun gilvván Israelii ja Judai olbmuid ja elliid. 28 Nugo mun lean atnán fuola das ahte Israel ja Juda gaikojuvvojit ja njeidojuvvojit, biđgejuvvojit ja duššaduvvojit ja daidda dagahuvvo oasehisvuohta, de dál mun anán fuola das ahte dat huksejuvvojit ja gilvojuvvojit, cealká Hearrá. 29 Daid beivviid ii šat daddjojuvvo:
          Áhčit borre suvrra viidnemurjjiid,
          mánáid bánit raššo.
30 Juohkehaš jápmá iežas suttuid dihte,
          ja gii borrá suvrra viidnemurjjiid,
          dan bánit raššot.
   
31 Bohtet beaivvit, cealká Hearrá, go mun dagan ođđa lihtu Israela viesuin ja Juda viesuin, 32 in dakkára go dat lihttu maid mun dahken sin áhčiiguin dalle go válden sin gihtii ja bukten sin Egyptas. Dan lihtu sii rihkko, vaikko mun ledjen váldán sin oapminan, cealká Hearrá. 33 Muhto dán lihtu mun dagan Israela viesuin boahtti beivviid, cealká Hearrá: Mun bijan iežan lága sin siskkildassii ja čálán dan sin váibmui. Mun lean sin Ipmil, ja sii leat mu álbmot. 34 Dalle ii oktage šat oahpat lagamuččas iige vieljas ja daja: “Dovdet Hearrá!” Danin go sii buohkat, sihke smávvát ja stuorrát, dovdet mu, cealká Hearrá. Mun attán sin rihkkumiid ándagassii inge šat muitte sin suttuid.
          
   
35 Hearrá lea bidjan beaivváža
          čuovggasin beaivái,
          mánu ja násttiid lágaideaset mielde
          čuovggasin idjii.
          Son stuimmáskahttá meara,
          nu ahte dan bárut máraidit,
          – Hearrá, Almmiveagaid Ipmil, lea su namma,
          
   
36 ja son cealká:
          Go dát ortnet ii šat biso,
          dalle Israela álbmot heaitá leames
          agálašvuhtii leames mu álbmot.
          
   
37 Ná cealká Hearrá:
          Jos almmit badjin sáhttet mihtiduvvot
          ja eatnama vuođđudusat sáhttet dutkojuvvot,
          de easkka dalle mun hilggun Israela náli
          buot dan dihte maid sii leat dahkan,
          cealká Hearrá.
   
38 Beaivvit bohtet, cealká Hearrá, go Jerusalem huksejuvvo fas mu gávpogin, Hananeltoartna rájes gitta Čiehkapoartta rádjái. 39 Ja mihttobáddi manná guhkibuidda njuolga Garebdievvái ja doppe Goai. 40 Oppa leahki gosa jábmit leat hávdáduvvon ja oaffarelliid gunat biđgejuvvon, ja buot steallit gitta Kedronjogaža ja nuortin gitta Heastapoartta rádjái leat dalle basuhuvvon Hearrái. Dat gávpot ii šat goassege gaikojuvvo iige duššaduvvo.
Jer 31,7 viser til Jes 4,3
Jer 31,15 viser til 1 Mos 37,35, Jer 40,1, Matt 2,18
Note mánáidis: Josefa nálli dolvojuvvui Davviriikkas 722 o.Kr.
Jer 31,19 viser til Jer 3,25, Esek 21,17
Note speaččun alimiiddán: heahpada ja morraša mearka.
Note gilvván … elliid: Álbmot lassána ja ealut sturrot. Gč. \+xt Hos 2,23.
Jer 31,38 viser til Neh 3,1, Sak 14,10
Note Hananeltoartna: jáhkkimis Jerusalema davvinuortaoasis. Gč. \+xt Sak 14,10\+xt*. \fq Čiehkapoartta: Gč. \+xt 2 Gon 14,13\+xt*. Lea vejolaš ahte v. 38-40 namahit poarttaid ja sajiid oppa gávpogis.
Forrige kapittelNeste kapittel

01. august 2021

Dagens Bibelord

Matteus 18,21–35

Les i nettbibelen

21Då gjekk Peter fram til Jesus og spurde: «Herre, kor mange gonger skal bror min kunna synda mot meg og eg likevel tilgje han? Så mykje som sju gonger?» 22Jesus svara: «Ikkje sju gonger, seier eg deg, men sytti gonger sju! ... Vis hele teksten

21Då gjekk Peter fram til Jesus og spurde: «Herre, kor mange gonger skal bror min kunna synda mot meg og eg likevel tilgje han? Så mykje som sju gonger?» 22Jesus svara: «Ikkje sju gonger, seier eg deg, men sytti gonger sju! 23Difor kan himmelriket liknast med ein konge som ville gjera opp rekneskapen med tenarane sine. 24Då han tok til med oppgjeret, førte dei fram for han ein som var skuldig ti tusen talentar. 25Han hadde ikkje noko å betala med, og herren baud at han skulle seljast, både han og kona hans og borna og alt han eigde, så gjelda kunne betalast. 26Men tenaren fall på kne for han og bad: ‘Ver tolmodig med meg, så skal eg betala deg alt saman.’ 27Herren fekk inderleg medkjensle med han, sleppte han fri og ettergav han skulda. 28Då tenaren kom ut, møtte han ein medtenar som skulda han hundre denarar. Han greip medtenaren, tok strupetak på han og sa: ‘Betal det du skuldar!’ 29Medtenaren fall ned for han og bad: ‘Ver tolmodig med meg, så skal eg betala deg.’ 30Men han ville ikkje. Han gjekk av stad og sette medtenaren sin i fengsel; der skulle han sitja til han hadde betalt skulda. 31Då dei andre tenarane såg det som hende, vart dei svært sorgfulle. Dei gjekk til herren sin og fortalde han alt som var hendt. 32Då kalla herren tenaren til seg att og sa til han: ‘Du vonde tenar! Heile skulda ettergav eg deg fordi du bad meg om det. 33Skulle ikkje du òg ha vist miskunn mot medtenaren din, slik eg viste miskunn mot deg?’ 34Og herren vart sint og overgav tenaren til fangevaktarar som skulle mishandla han til han hadde betalt heile skulda. 35Slik skal Far min i himmelen gjera med kvar ein av dykk som ikkje av hjartet tilgjev bror sin.»