Bibelsøk

Søk
Velg oversettelse
Hvor finner jeg...

Tilbake til oversikten

Salomo sátnevádjasat

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

Neste kapittel
1Salomo, Davida bártni, Israela gonagasa, sátneláskkut.
          
   
 2 Oahpahehkoset dat viisodaga
          ja bagadusa,
          vai olmmoš ádde jierpmálaš sániid
          
   
 3 ja váldá vuostá bagadusa
          jierpmálašvuhtii, vanhurskkisvuhtii,
          vuoigatvuhtii ja vuoigatlašvuhtii.
          
   
 4 Ožžoset dáidemeahttumat dain dáiddu,
          nuorat dieđu ja dárkilvuođa.
          
   
 5 Viissisge viisu go gullá daid,
          jierpmálašge oažžu dain bagadusa,
          
   
 6 oahppá ipmirdit sátnevádjasiid
          ja veardádusaid,
          ádde viisáid sániid ja árvádusaid.
          
   
 7 Hearrá ballu lea dieđu álgu,
          muhto jalla badjelgeahččá
          viisodaga ja bagadusa.

Ale vajáldahte maid leat oahppan!
     8 Bártnážan, guldal áhčát cuiggodusa,
          ale hilggo eatnát oahpahusa!
          
   
 9 Dat lea čáppa gudnegierdu du oaivái,
          viđji mii čiŋaha du čeabeha.
          
   
10 Go suttolaččat fillejit du, bártnážan,
          de ale mieđit
   
11 go sii dadjet:
          “Vuolgge minguin vuođgŋit varaid,
          sokčat vigihemiid somá dihte!
          
   
12 Njielastehkot sin eallinaga
          dego jábmiidáibmu,
          obbanaga nugo hávdi!
          
   
13 Mii fidnet buotlágáš
          mávssolaš dávviriid,
          deavdit viesuideamet stajádusain.
          
   
14 Don beasat juogadit sállaša minguin,
          ruhtabursa mis lea oktasaš.”
          
   
15 Bártnážan, ale searvva sidjiide,
          ale goassege duolmmas sin bálgáid!
          
   
16 Sii dopmet bahá guvlui,
          gáhččet golggahit vara.
          
   
17 Eai lottit áicca fierpmi,
          vaikko dat lebbejuvvo daid oaidnut,
          
   
18 ja dát olbmát leat vuođgŋimin
          iežaset vara,
          iežaset heakka sii leat bivdimin.
          
   
19 Nu geavvá juohkehažžii
          gii bivdá vearrevuoittu:
          Dat váldá heakka das gii dan fidne.

Viisodat sárdnu
    20 Viisodat čuorvu gáhtain,
          márkanšiljuin dat diktá jienas gullot.
          
   
21 Šlábmás gáhtačiegain dat čuorvu,
          sárdnu gávpoga poarttain:
          
   
22 “Man guhká dii dáidemeahttumat
          ráhkistehpet dáidemeahttunvuođa?
          Man guhká dii bilkideaddjit
          illudehpet bilkideapmái
          ja dii jallat vašuhehpet dieđu?
          
   
23 Jorgalehket ja jeagadehket
          mu cuiggodusaid!
          Mun muitalan didjiide iežan dáhtu,
          dieđihan didjiide sániidan.
          
   
24 Mun čurvon,
          muhto dii ehpet dáhtton gullat,
          mun várrejin,
          muhto ii oktage beroštan.
          
   
25 Dii ceakkasteiddet
          buot mu neavvagiidda,
          ehpet viššan gullat mu cuiggodusaid.
          
   
26 Dan dihte mun boagustan
          go lihkuhisvuohta deaivida din,
          mun bilkidan go boahtá dat
          maid dii gáfestuvvabehtet,
          
   
27 go ballu falleha din
          dego garra biegga
          ja lihkuhisvuohta nugo riđđu,
          go áŧestus ja heahti deaivida din.
          
   
28 Dalle dii čuorvubehtet mu,
          muhto mun in vástit,
          dii ohcabehtet mu, muhto ehpet gávnna.
          
   
29 Dii vašuheiddet dieđu
          ehpetge dáhtton ballat Hearrás,
          
   
30 dii ehpet viššan guldalit mu neavvaga,
          muhto badjelgeahčaidet mu cuiggodusaid.
          
   
31 Danne dii borrabehtet
          daguideattet šattuid
          ja gallánehpet juonaideattetguin.
          
   
32 Jorraleapmi goddá dáidemeahttumiid,
          jallaid oadjebasvuohta duššada sin.
          
   
33 Muhto dat gii mu gullá,
          beassá ássat oadjebassan,
          son ii dárbbaš ballat mange bahás.”
Note bártnážan: Ná sárdnu viisodaga oahpaheaddji iežas máhttájeaddjái.
Sát 1,11 viser til Mi 7,2
Sát 1,20 viser til Sát 8,1, Sát 9,3
Note Viisodat: Eanet teakstaosiin kap. 1-9 Viisodat govviduvvo sierra hápmin, jietnan mii sárdnu Ipmila sajis. Hebreagiel sánis mii jorgaluvvo “viisodat” lea hebreagillii feminiina genus; Viisodat govviduvvo nissonolmmožin.
Note gávpoga poarttain: sadji gos sii dolle ráđđádallamiid ja čovde diggeáššiid. Vrd. \+xt Rut 4,1eč.
Sát 1,22 viser til l 0,0
Neste kapittel

10. mai 2021

Dagens Bibelord

Lukas 18,1–8

Les i nettbibelen

1Han fortalde dei ei likning om at dei alltid skulle be og ikkje mista motet: 2«I ein by var det ein dommar som ikkje hadde ærefrykt for Gud og ikkje tok omsyn til noko menneske. ... Vis hele teksten

1Han fortalde dei ei likning om at dei alltid skulle be og ikkje mista motet: 2«I ein by var det ein dommar som ikkje hadde ærefrykt for Gud og ikkje tok omsyn til noko menneske. 3I same byen var det ei enkje. Ho kom gong på gong til han og sa: ‘Hjelp meg i saka med motparten min, så eg kan få min rett.’ 4Lenge ville han ikkje, men til slutt sa han med seg sjølv: ‘Endå eg verken har ærefrykt for Gud eller tek omsyn til noko menneske, 5vil eg hjelpa denne enkja til retten hennar, sidan ho plagar meg slik, elles endar det vel med at ho flyg like i synet på meg.’» 6Og Herren sa: «Høyr kva denne uærlege dommaren seier! 7Skulle så ikkje Gud hjelpa sine utvalde til retten deira, dei som ropar til han dag og natt? Er han sein til å hjelpa dei? 8Eg seier dykk: Han skal raskt sørgja for at dei får sin rett. Men når Menneskesonen kjem, skal han då finna trua på jorda?»