Bibelsøk

Søk
Velg oversettelse
Hvor finner jeg...

Tilbake til oversikten

Habakkuk

1 2 3

Forrige kapittelNeste kapittel
2Mun áiggun fáktet,
          čuožžut várdobáikkistan ja várdát.
          Mun dáhtun diehtit
          maid son sárdnu munnje,
          maid son vástida mu váidalussii.

Hearrá vástádus
 2 Hearrá vástidii munnje:
          Čále oainnáhusa
          távvaliidda nu čielgasit,
          ahte dan lea álki lohkat.
          
   
 3 Oainnáhus vuordá mearriduvvon áiggi,
          dat sárdnu loahpa birra,
          dat ii gielis.
          Jos dat ádjána, de vuordde,
          dat ollašuvvá vissásit iige beahte.
          
   
 4 Geahča, biegga doalvu behtolačča,
          muhto oskkáldasvuohta gádju
          vanhurskása.
          
   
 5 Riggodat lea behtolaš.
          Čeavlás olmmoš ii olat dan maid dáhttu.
          Dego jábmiidáibmu son caggá njálmmi,
          dego jápmin son ii leat galleheames.
          Son njámasta lusas buot álbmogiid
          ja čohkke alccesis olmmoščearddaid.
          
   
 6 Dat bilkidit su hiddjádussániiguin
          ja lávlot:
        
          Vuoi du gii rikkut earáid opmodagain
          – man guhká? –
          ja oamastat alccesat pántagálvvuid!
          
   
 7 Fáhkka du velggolaččat čuožžilit,
          sii morihit ja doarggistahttet du,
          ja don ieš šattat sin sálašin.
          
   
 8 Nugo don leat speadjan
          eatnat álbmogiid,
          nu dat mat leat báhcán
          spedjet du dan vara dihte
          maid don leat golggahan,
          du veahkaválddi dihte
          eatnamiidda ja gávpogiidda
          ja buot daid ássiide.
          
   
 9 Vuoi du gii čohkket
          rieviduvvon opmodaga vissosat
          ja dagat beasi allagassii,
          vai beasat gádjut iežat lihkuhisvuođas!
          
   
10 Du áigumušat heahppášuhttet du viesu.
          Don leat duššadan eatnat álbmogiid,
          ja nu leat rihkkon iežat heakka.
          
   
11 Muvrra geađggit čurvot,
          ja bielkagearddi hirssat vástidit.
          
   
12 Vuoi du gii hukset gávpoga
          varradaguiguin
          ja vuođđudat dan vearrivuođain!
          
   
13 Hearrá, Almmiveagaid Ipmil,
          lea cealkán:
          Álbmogiid rahčamušat gártet dollii,
          duššas olbmuid čearddat
          barget váibamassii.
          
   
14 Hearrá hearvásvuođa dovdamuš
          deavdá eatnama
          nugo čáhci deavdá meara.
          
   
15 Vuoi du gii jugahat lagamuččat,
          seaguhat mirkko juhkamuššii
          ja oaivvahuhtát su,
          vai beasat oaidnit su álásin.
          
   
16 Don gallehuvvot heahpadiin
          itge gudniin.
          De juga dal donge
          ja čájet iežat ovdaliikki!
          Dál don šattat máistit dan lihtis
          maid Hearrá geige dutnje,
          ja heahpat gokčá du gudni.
          
   
17 Veahkaváldi maid dahket Libanonii,
          deaivida du iežat,
          ja elliid givssideapmi duššada dunai,
          danne go don golggahit olbmuid vara
          ja dahket veahkaválddi eatnamiidda,
          gávpogiidda ja buot daid ássiide.
          
   
18 Mii ávkkiid lea ipmilgovas
          go dan lea duojár vadjan,
          dahje leikejuvvon govas,
          behtolaš oahpisteaddjis,
          vaikko duojár gal luohttá duodjásis
          ja dahká gielahis ipmiliid?
          
   
19 Vuoi du gii dajat murrii: “Gohccá!”
          ja jávohis geađgái: “Lihka!”
          Máhtášiigo dat addit rávvagiid?
          Dat lea gal skoađastuvvon
          golliin ja silbbain,
          muhto vuoigŋa das ii leat.
          
   
20 Hearrá lea iežas bassi tempelis,
          oro jávohaga su muođuid ovddas,
          oppa eanan!
Hab 2,5 viser til t 0,0
Note Riggodat: masorehtalaš teavsttas lea “viidni”.
Hab 2,9 viser til Jer 6,13
Forrige kapittelNeste kapittel

19. april 2021

Dagens Bibelord

Jesaja 40,9–11

Les i nettbibelen

9Gå opp på et høyt fjell, du Sions gledesbud! Løft din røst med kraft, Jerusalems gledesbud! Løft din røst, vær ikke redd! Si til byene i Juda: «Se, deres Gud!» ... Vis hele teksten

9Gå opp på et høyt fjell, du Sions gledesbud! Løft din røst med kraft, Jerusalems gledesbud! Løft din røst, vær ikke redd! Si til byene i Juda: «Se, deres Gud!» 10Se, Herren Gud kommer med styrke, han hersker med sin arm. Se, hans lønn er med ham, de han vant, er foran ham. 11Han gjeter sin flokk som en gjeter. Han samler lammene med armen, løfter dem opp i fanget, leder søyene.