Bibelsøk

Søk
Velg oversettelse
Hvor finner jeg...

Tilbake til oversikten

Vuosttaš Mosesgirji

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Forrige kapittelNeste kapittel

Bahávuohta lassána eatnama alde
6Go olbmot lassánišgohte eatnama alde, ja sidjiide riegádedje nieiddat,  2 de ipmiliid bártnit oidne ahte olbmuid nieiddat ledje čábbát, ja sii válde sis áhkkán daid geaid atne buoremussan.  3 Hearrá celkkii: “Mu eallinvuoigŋa ii oro olbmos agálaččat, dasgo son lea oažži. Lehkos su eallináigi čuođiguoktelogi jagi.”
   
 4 Daid beivviid ja vel maŋŋilge ledje stuorra gievrrat eatnama alde, danin go ipmiliid bártnit elle olbmuid nieiddaiguin, ja sii riegádahtte sidjiide mánáid. Sii ledje dološ áiggi sáŋgárat, beakkálmas olbmát.  5 Hearrá oinnii ahte olbmo bahávuohta lei stuoris eatnama alde ja ahte su váimmu hutkkit ja jurdagat ledje álo ja ovtto bahát.  6 Dalle Hearrá gáđai bahččagit ahte lei dahkan olbmo eatnama ala.  7 Ja Hearrá celkkii: “Mun duššadan eatnama alde olbmuid geaid lean sivdnidan, ja oktan singuin buot šibihiid ja njoammuid ja almmi lottiid. Dasgo mun gáđan go lean dahkan daid.”  8 Muhto Noa gávnnai árpmu Hearrá čalmmiin.
Noa árka
 9 Dát lea Noa ja su soga muitalus. Noa lei vuoigatlaš ja láitemeahttun iežas buolvva gaskkas, ja son vádjolii Ipmiliin. 10 Noai riegádedje golbma bártni: Sem, Ham ja Jafet. 11 Eanan billašuvai ain eambbo Ipmila čalmmiid vuolde ja veahkaváldi devddii eatnama. 12 Go Ipmil geahčadii eatnama, de son oinnii ahte oppa eanan lei billašuvvan, danin go olbmot golahedje eallimeaset bahávuođas. 13 Ipmil celkkii Noai: “Mun lean mearridan duššadit buot mii eallá, danne go olbmot leat deavdán eatnama veahkaválddiin. Mun áiggun duššadit sin oktan eatnamiin. 14 Hukse alccesat árkka gofermuoras, daga dasa lanjaid ja bihkkat dan siskkil ja olggul. 15 Hukse árkka ná: Dan guhkkodat galgá leat golbmačuođi állana, govdodat vihttalogi állana ja allodat golbmalogi állana. 16 Hukse árkii dáhki ja bija dan állanveardde állut. Hukse árkii golbma gearddi ja bija dan gilgii uvssa. 17 Mun divttán dulvvi gokčat oppa eatnama ja duššadit buot heakkalaččaid almmi vuolde, buot mas lea eallinvuoigŋa. Buot mii lea eatnama alde, duššá. 18 Muhto duinna mun dagan lihtu. Don galggat mannat árkii, don ja du bártnit, du áhkká ja du bártniid áhkát oktan duinna. 19 Váldde buot heakkalaččain árkii guokte juohke šlájas, varrása ja njiŋŋelasa, vai dat bissot heakkas oktan duinna. 20 Lottit, šibihat ja eatnama njoammut, guokte ealli guđege šlájas bohtet du lusa, vai dat bissot heakkas. 21 Čohkke fárrui buotlágán borramušaid, vai dutnje ja buot earáide livččii biebmu.” 22 Noa dagai buot aiddo nugo Ipmil lei gohččon su dahkat.
Note oro … agálaččat: Masorehtalaš teaksta ii leat čielggas.
Note árkka: stuorra fanas; sátni boahtá latiinnagielas arca, “bumbá”. \fq gofermuoras: dovdameahttun muorrašládja.
Note golbmačuođi állana: su. 150 m. \fq vihttalogi állana: su. 25 m. \fq golbmalogi állana: su. 15 m.
Note dáhki: dahje “ráigi”. Teavstta hebreagiel sáni mearkkašupmi ii leat čielggas. \fq állanveardde: su. 50 cm.
Note dulvvi: Hebreagiela mielde “almmiáhpi” – čáhci mii lea almmi gomuvuođa bajábealde. Vrd. \+xt 1,7; 7,11; Sál 29,10.
1 Mos 6,18 viser til 1 Mos 9,9
Note: lihttu.
Forrige kapittelNeste kapittel

10. mai 2021

Dagens Bibelord

Lukas 18,1–8

Les i nettbibelen

1Han fortalde dei ei likning om at dei alltid skulle be og ikkje mista motet: 2«I ein by var det ein dommar som ikkje hadde ærefrykt for Gud og ikkje tok omsyn til noko menneske. ... Vis hele teksten

1Han fortalde dei ei likning om at dei alltid skulle be og ikkje mista motet: 2«I ein by var det ein dommar som ikkje hadde ærefrykt for Gud og ikkje tok omsyn til noko menneske. 3I same byen var det ei enkje. Ho kom gong på gong til han og sa: ‘Hjelp meg i saka med motparten min, så eg kan få min rett.’ 4Lenge ville han ikkje, men til slutt sa han med seg sjølv: ‘Endå eg verken har ærefrykt for Gud eller tek omsyn til noko menneske, 5vil eg hjelpa denne enkja til retten hennar, sidan ho plagar meg slik, elles endar det vel med at ho flyg like i synet på meg.’» 6Og Herren sa: «Høyr kva denne uærlege dommaren seier! 7Skulle så ikkje Gud hjelpa sine utvalde til retten deira, dei som ropar til han dag og natt? Er han sein til å hjelpa dei? 8Eg seier dykk: Han skal raskt sørgja for at dei får sin rett. Men når Menneskesonen kjem, skal han då finna trua på jorda?»