Peter og Judas' brev

Dei tre breva blir alle rekna til dei "katolske breva" (av gresk katolikós som tyder "allmenn", "for alle") sidan ingen av dei har ein bestemt mottakar. Det språkleg elegante 1. Petersbrev er skrive til kristne i Lilleasia. Det legg stor vekt på at dei kristne er Guds folk, at dei er utvalde og har fått vona om frelse. 2. Petersbrev er annleis både i innhald og stil. Det er tydeleg prega av apokalyptikken i samtida. Judas' brev har tydelege røter i jødisk og jødekristent miljø. Judas oppmodar mottakarane om å halde fast på trua slik ho har blitt overlevert, og avvise dei som leier vill.