Bures!
Vállje linnjás muitalusa, ja de bláđe vulos lohkat ja gullat dan.
Giellaválljemis badjin, olgeš bealde, sáhtát válljet giela.
Jesus boahtá Jerusalemii
Jesus ja máhttájeaddjit ledje jođus Jerusalemii ávvudit beassážiid.
Doppe sus ledje vašálaččat:
čálaoahppavaččat, geat lohke su bilkidit Ipmila,
ja romalaš jođiheddjiid,
geat bissehedje garra gieđain buot vuostálastimiid.
Jesus diđii ahte son galggai gillát ja jápmit.
Sii idjadedje das Jerusalema lahka.
Jesus bivddii guoktása máhttájeddjiin viežžat alccesis ásenvárssá.
Soai gávnnaiga dan, ja lebbiiga iežaska biktasiid dan čielgge ala.
Jesus čohkkedii ásena ala ja riidii Oljovári badjel.
Máhttájeaddjit vázze su buohta.
Go ollejedje Oljováris vulos ja earránedje gávpoga guvlui,
de bođii stuora olmmošálbmot sin ovddal.
Ja dievva olbmot čužžo lávgalagaid luoddaguoras ja vurde,
pálbmaoavssit gieđas ja savkkástalle nubbi nubbái:
«Die lea dat gonagas gii galgá boahtit,
son gii galgá gádjut min vašálaččain eret!»
Go Jesus lahkonii, de sii loktejedje gieđaid, ávvudedje, dánsejedje ja
lávlo: «Hosianna!» nu jitnosit go nagodedje.
«Hearrá beastte min! Buressivdniduvvon lehkos son
guhte boahtá Hearrá nammii!»
Muhtumiid mielas lei ártet go son riidii ásenvárssáin,
ja iige gonagaslaš heastta alde.
Muhto de muhtun savkalii nubbái gii fas savkalii dan viidáseappot,
ahte dat han dáhpáhuvai juste nu movt profehta lei cealkán:
«Jerusalem, du gonagas boahtá du lusa,
son lea geafi ja riide ásenvárssá alde.»
De sii ipmirdedje ahte dat ii lean dattege nu ártet.
Sii lávlugohte fas jitnosit ja loktejedje pálbmaovssiid,
mánát, nissonat ja dievddut, buohkat dánsejedje
ja lebbejedje iežaset biktasiid luotta ala dakko gokko Jesus riidii.
Sii lávlo ja čuvvo su Oljováris gitta gávpotuvssa rádjái.
De bohte farisealaččat gávpogis ja dadje: «Orrot jaska!
Jurddaš jus romalaččat doivot dáppe lea stuibmi?»
Jesus cuigii gávpotmuvrii ja vástidii:
«Jus sii jávohuvvet, de galget dát geađggit čuorvugoahtit!»
De geassádedje farisealaččat eret, ja ii oktage
hehtten olbmuid čuovvumis Jesusa gávpoga sisa.
Loga muitalusa Biibbalis
28Go Jesus lei cealkán dán, de son vulggii mannat bajás Jerusalema geainnu. 29Go son lei boahtimin Oljovárrái ja lei juo lahka Betfage ja Betania, de son vuolggahii máhttájeddjiinis guoktása 30ja celkkii: “Manni don gillái mii do oidno. Go boahtibeahtti dohko, de gávdnabeahtti čadnojuvvon ásenvárssá man čielggis ii oktage olmmoš vel leat čohkkán. Čoavdi dan ja bukti deike. 31Jos muhtin dadjá dudnuide: ‘Manne doai dan čoavdibeahtti?’ de vástideahkki: ‘Hearrá dárbbaša dan.’” 32Máhttájeaddji guovttos vulggiiga ja gávnnaheigga ahte buot lei nugo Jesus lei cealkán. 33Go soai leigga čoavdimin várssá, de dan eaiggádat jerre: “Manne doai čoavdibeahtti várssá?” 34Soai vástideigga: “Hearrá dárbbaša dan.” 35Soai láidiiga várssá Jesusa lusa, lebbiiga biktasiiddiska dan čielgái ja veahkeheigga Jesusa beassat riidet. 36Ja go son de riidii, de olbmot lebbo biktasiiddiset geainnu ala. 37Go son lahkanii gávpogii ja lei njiedjamin Oljováris, de oppa máhttájeddjiid joavku rámidišgođii ja máidnugođii Ipmila alla jienain buot fámolaš daguid dihte maid sii ledje oaidnán. Sii čurvo: 38“Buressivdniduvvon lehkos son, gonagas, guhte boahtá Hearrá nammii! Ráfi almmis ja gudni allagasas!” 39Muhtun farisealaččat dadje olbmuid gaskkas Jesusii: “Oahpaheaddji, cuiggot máhttájeddjiidat!” 40Muhto Jesus vástidii: “Mun cealkkán didjiide: Jos sii jávohuvašedje, de geađggit čuorvugoađášedje.”
Gratis undervisningsmateriell for påske
Er du lærer i skolen? Vi sender deg undervisningsmateriell for skole, med lærerveiledning for påske på e-post helt gratis. Opplegget har kompetansemål knyttet i hovedsak til fagene KRLE og norsk.
Send e-post og motta PDF