Bures!
Vállje linnjás muitalusa, ja de bláđe vulos lohkat ja gullat dan.
Giellaválljemis badjin, olgeš bealde, sáhtát válljet giela.
Nissonat hávdeguoras
Lei goalmmát beaivi maŋŋil Jesusa russiinávlejumi.
Lei árraiđit.
Áibmu lei ain vehá galmmas.
Cizážat vizardedje ja rávke bures boahtima ođđa beaivái.
Muhtun nissonat bohte vácci, ruhkut gieđas.
Sii ledje vuolgán Jesusa hávddi lusa.
Ruhkuid siste lei vuoiddas, sii háliidedje vuoidat jábmi rupmaša.
Gatnjalat golge muođuid mielde, go sii nu váillahedje su.
Jesusa rumaš lei bákteráiggi siste gilvvagárddis,
ja stuora geađgi lei biddjon dan ovdii.
Movt sii galge fierahit dan eret?
Fáhkka čuvggodii olles gilvvagárdi.
Dat sulastahtii álddagasa, muhto gea, dat lei eŋgel.
Eanan doarggistii.
Eŋgel fierahii geađggi eret ja čohkkedii dan ala
ja dajai nissoniidda:
«Allet bala! Dii ohcabehtet Jesusa?
Son ii leat dás, son lea bajásčuožžilan!»
Sii guovlaledje hirpmástuvvamiin hávddi sisa.
Su biktasat ledje das, muhto ii su rumaš.
Sii ledje ieža oaidnán dan go válde su vulos ruossas,
stirdon, šoavkat ja jápmán, ja sii ledje jitnosit čirron.
Mii lei doppe seavdnjadasas dáhpáhuvvan?
Gos son lei?
Eŋgel dajai: «Dopmet mannat máhttájeddjiide muitalit!
Muitalehket ahte Jesus lea sin vuordime ruovttus Galileas.»
Nissonat eai bálljo nagodan jáhkkit iežaset čalmmiide.
Ja eaige beljiide.
Muhto go sii doapmaledje vuolgit,
de čuoččui Jesus das sin ovddabealde.
Son lei eallime!
«Allet šat bala!» son dajai.
«Mun lean vuoitán jápmima badjel.»
Loga muitalusa Biibbalis
1Go sabbat lei vássán ja vahku vuosttaš beaivi čuvggodišgođii, de bođiiga Maria Magdalena ja dat nubbi Maria geahččat hávddi. 2Fáhkka šattai garra eanandoarggástus, dasgo Hearrá eŋgel njiejai almmis. Son bođii hávddi lusa, fierahii geađggi eret ja čohkánii dan ala. 3Son lei oaidnit dego álddagas, ja su biktasat ledje vielgadat dego muohta. 4Fávttat ballájedje sus nu ahte doarggistišgohte ja šadde dego livčče jápmán. 5Muhto eŋgel celkkii nissoniidda: “Alli bala! Mun dieđán ahte doai ohcabeahtti Jesusa, guhte russiinávlejuvvui. 6Ii son leat dás, son lea čuožžilan jábmiid luhtte nugo son ieš dajai. Boahtti geahččat, dá lea sadji gokko son veallái. 7Vuolgi hoahpus muitalit su máhttájeddjiide: ‘Son lea bajásčuožžilan jábmiid luhtte. Son manná din ovdal Galileai, doppe dii oaidnibehtet su.’ Dál mun lean cealkán dán dudnuide.” 8Nissonat vulggiiga hoahpus hávddi luhtte ja viehkaleigga balus ja stuorra ilus muitalit sága Jesusa máhttájeddjiide. 9Dalle Jesus bođii sudno ovddal ja dearvvahii sudno. Soai manaiga su lusa, fátmmasteigga su julggiid ja rohkadalaiga su. 10Jesus celkkii sudnuide: “Alli bala! Manni muitalit mu vieljaide ahte sii galget vuolgit Galileai. Doppe sii oidnet mu.”
Gratis undervisningsmateriell for påske
Er du lærer i skolen? Vi sender deg undervisningsmateriell for skole, med lærerveiledning for påske på e-post helt gratis. Opplegget har kompetansemål knyttet i hovedsak til fagene KRLE og norsk.
Send e-post og motta PDF