Johannes' openberring er ei lukka bok for mange bibellesarar i dag. Foredraget vil gje hjelp til å forstå ei bibelsk bok som mange ikkje vågar å opne, men som har eit språk som er aktuelt for oss og vår tid.
Om kurset
Forskarar, media og politikarar grip stadig oftare til ord frå Johannes’ openberring for å skildre verda i dag, som «apokalyptisk varme». I Bibelens siste bok finn dei ord for ein natur i endring, for druknande migrantar og andre kriser vi ser omkring oss i dag.
Foredragshaldar Hans Johan Sagrusten har skrive boka "Johannes' openberring - ein samtidsvisjon". Boka viser ein ny og aktuell måte å lesa Bibelen siste bok på: ikkje som "den gong da", ei bok for historisk interesserte, eller "langt der framme", ei bok om hendingar i ei fjern framtid - men som ei aktuell bok for vår eiga samtid.
Vår tid er ikkje den endegyldige oppfyllinga av visjonane i Openberringa. Men vi kan likevel spegle oss i desse orda og finne at dei forstår oss og vår tid. Ved å sjå oss sjølv i lys av dei eldgamle orda, kan vi få hjelp til å handle rett i vår eiga tid. Foredraget/kurset vil gje hjelp til å leva eit meiningsfullt liv, midt i ei vanskeleg tid.
Praktisk info
