Vaarjelh dam maam lïereme
10 Datne seammalaakan ööhpehth jïh jealah, ussjedh jïh jaahkah goh manne. Mov vïssjelesvoete, gieriesvoete jïh gaarsje leah dov, 11 dovne trïegkenassh jïh vaejvieh Antiokiasne, Ikonionesne jïh Lystresne. Saaht manne jïjnjem dåålvesovveme, Åejvie mannem iktesth gorredamme. 12 Gaajhkesh gïeh jupmelegoltelihks Kristus Jeesusinie jielieh, edtjieh dåålvehtalledh. 13 Mohte niktielassjh jïh bearehkh guhkiebasse mïrhtoen gåajkoe vuelkieh. Dah biehtieh jïh edtjieh beahtasovvedh. 14 Vaarjelh dam maam lïereme jïh guarkeme. Måjhtelh dam maam lïereme. Måjhtelh gie dov ööhpehtæjjine. 15 Aejlies tjaalegh dutnjien maanabaeleste åehpie leah. Dah maehtieh vijsiesvoetem dutnjien vedtedh guktie gorredovvh jaahkojne Jeesus Kristusasse. 16 Aejlies gærjan fïere tjaalege lea Jupmele-voejkenistie, jïh aevhkies lea gosse ööhpehteminie, reekteminie jïh boejhkeleminie jïh lïerehteminie reaktoe jieledh 17 guktie dïhte gie lea Jupmelen, maahta riejries årrodh gaajhkide buerie barkojde.