Kristusinie jieledh
6 Kristus Jeesusem lidie Åejvine dåastoehtamme. Jielede dellie Åejvine jïh 7 årrode stynkehke Åejvine! Utniehtidie jaahkoem maam dijjieh lïereme jïh gijhtede Jupmelem! 8 Aellede baajh almetjidie dijjem vijsiesvoetine jïh gåaroes biehtieminie geerelidh mah almetji bïhkedassijste jïh veartenen faamojste båetieh jïh eah Kristusistie båetieh! 9 Kristusen krehpesne abpe jupmelesvoete. 10 Kristuse gaajhki faamoeladtji jïh faamoej åejvine lea. Dijjieh Kristusinie lidie jupmelesvoetem åådtjeme. 11 Dijjieh Kristusinie bïjretjoehpesovvidh jïh idtjidh almetjen gïetine bïjretjoehpesovvh. Dijjieh Kristusen bïjretjoehpesovveminie bïjretjoehpesovvidh gosse sådteresvoete tjoehpesovvi. 12 Juktie laavkomisnie Kristusinie juvlelgidh jïh lutnjesovvidh gosse jaehkiejidh Jupmelen faamose gie Kristusem jaemiedistie lutnjesti. 13 Jaames lidh sådtoej jïh dijjen åedtjiej gielhtie mah eah lin bïjretjoehpesovveme. Mohte Jupmele dijjem Kristusinie jealajahteme gosse gaajhkide mijjen meadtojde luejhtieji. 14 Mijjen laajkoe-tjaalegem mij laakine tjaalasovveme, smööli gosse dam kroessese noeri.