Orre vaajmoeh edtjieh åadtjodh
17 Dannasinie galkh jiehtedh: Naemhtie Åejvie Jupmele jeahta: Manne sïjhtem dijjem åålmegi luvhtie iktedidh jïh dellie dej laanti luvhtie vaedtsiehtidh gåabpoeh dijjieh saajenamme, jïh dijjese Jisraelen laantem vedtedh. 18 Gosse dahkoe båetieh, dellie gelkieh gaajhkide dielies jïh sluenies jupmele-tseegkuvidie debpede vaeltedh. 19 Almetjidie jeatjah vaajmoeh vadtam jïh orre voejkeninie deavhtam. Manne dej gierkie-vaajmojde åedtjie-vaajmojgujmie målsoem 20 guktie mov stillemidie jeakadieh, mov laakide goltelieh jïh dej mietie jielieh. Dah edtjieh mov åålmeginie årrodh, jïh manne dej Jupmielinie.