Jupmelen Baernie jïh almetjh
4 Jupmele aaj væhtajgujmie, åavtoejgujmie jïh ovmessie veaksehks dahkoejgujmie vïhnesjamme jïh gosse Aejlies Voejkenen vadtesh juekieji guktie jïjtje sïjhti.
5 Juktie Jupmele ij leah båetije veartenem, man bïjre soptsestibie, eengkeli åalan vadteme. 6 Dan bïjre gie akt naemhtie tjïelkeslaakan vïhnesjamme:
Mij almetje lea juktie dam måjhtijh,almetjen baernie juktie datne dam gorredh?7 Dam stillih boelhketjem unnebe goh eengkelh årrodhjïh mænngan hearlohkevoetem jïh earoem dïsse vedtiejih,8 gaajhkem dan juelkiej uvte bïejih.Gosse Jupmele gaajhkem altese juelkiej nualan bïeji, dellie hov gaajhkem bïeji. Ibie annje vuejnieh Jupmele gaajhkem altese juelkiej uvte bïejeme. 9 Jeesuse gie boelhketjem edtji eengkelistie unnebe årrodh, daelie hearlohkevoetem jïh earoem åådtjeme juktie jaemedem vaejviedi. Jupmelen aarmojne åadtjoeji jaemedh gaajhki almetji gaavhtan.
10 Jupmele sïjhti jïjnjh maanah hearlohkevoetese voelkehtidh juktie gaajhke Jupmielasse jïh gaajhke Jupmielinie lea. Dellie baaji gorredimmien sjugniedæjjam ellies sjïdtedh gosse dïhte vaejviedi. 11 Dïhte gie aejliestahta, jïh dah gïeh aejliestuvvieh, aajnehke Aehtjeste båetieh. Baernie dan gielhtie ij skaamesjh gosse dejtie åerpieninie laahkoste 12 jïh jeahta:
Dov nommem sïjhtem åerpienidie saerniedidh
åålmegisnie sïjhtem datnem heevehtidh.13 Jïh naemhtie:
Altasasse sïjhtem leajhtadidh.Jïh vihth:
Vuartasjidie mannem jïh maanidegiejtie Jupmele munnjien vadteme.14 Juktie maanaj leah åedtjie jïh vïrre, dellie dïhte aaj goh dah tjoeri sjïdtedh. Gosse jeemi, dellie jaemeden åvtehkem, bahham, murhki 15 dejtie gorredidh gïeh abpe jielemem svaatjkoen nuelesne orreme jïh jaemiedistie bïlleminie. 16 Ij eengkelidie vaarjelh. Ijje, Abrahamen boelvide vaarjele. 17 Dannasinie tjoeri gaajhkelaakan goh jïjtse åerpenh sjïdtedh jïh Jupmielasse åårmegs jïh gaerhteles åvtehkehearrine årrodh jïh almetji sådtoej gielhtie jaemedh. 18 Juktie jïjtje vaejviedi jïh gïehtjelovvi, dellie maahta dejtie viehkiehtidh gïeh gïehtjeluvvieh.